Kabanata 3

Kabanata 3

Offer

MAG-IISANG linggo na rin matapos mangyari ang ingkwentrong iyon sa pagitan namin ni Mr. Tyson Clyde Kratts. 

Pagkatapos ko makuha ang mga gamit ko sa locker room, umuwi ako agad sa takot na baka hanapin niya ako at parusahan sa ginawa kong pananampal sa kanya. 

Sa mukha niya pa lang, tingin ko, kahit babae papatulan niya kapag pinigtas nito ang litid ng pasensya niya kaya ng gabing iyon ay halos palingon-lingon ako sa taxi-ng sinasakyan ko. Tinitignan kung sinusundan ba ako ng kotse dahil baka siya iyon. 

Hindi na rin ako nakapag-paalam kay Mommy Gai pati kila Shaina ng gabing iyon sa takot. Pati hanggang ngayon, hindi ko alam kung ano nang ganap sa Zeus Club dahil mag-iisang linggo na rin akong hindi pumapasok. 

Tinatawagan ako ni Mommy Gai pati ni Shaina pero wala akong lakas ng loob sagutin ang mga tawag nila. 

Wala pa akong lakas ng loob pumasok. Takot akong magkasulubong ulit ang landas namin ni Mr. Tyson Clyde Kratts. Na-trauma na ako sa kanya. Masama siyang lalaki. Iyon ang napagtanto ko. Malupit at walang paki-alam sa nararamdaman ng iba magawa niya lang ang gusto niya. 

At higit pa roon, takot rin ako mabalikan niya. Baka kasi dinamdam niya ang sampal kong iyon at baka kapag nagkita kaming dalawa ulit, na malaki ang posibilidad na mangyari kapag pumasok na ulit ako, gantihan niya ako. Saktan niya ako o hindi k-kaya... ipapatay. 

Napabuntong hininga na lang ako sa isiping iyon. Siguro naman, hindi siya aabot sa puntong iyon. Oo para siyang kontrabida kapag tinignan mo, pero may parte sa aking naniniwala na, hindi niya iyon kayang gawin. Na may limitasyon ang pagkamalupit niya.

Nawala ako sa malalim kong pag-iisip ng may narinig akong kumatok sa kuwarto ko. 

"Anak?? Gising ka na ba??" boses iyon ni Mama. Malalim akong napasinghal.

"Opo Ma!" Sagot ko bago tumayo na sa maliit kong kama. Humarap ako sa body-size mirror ko. Naka over-sized t-shirt ako at sa pang-ibaba naman, cycling. Pangbahay. 

Tinatali ko ang mahaba kong buhok pa ponytail ng magsalita ulit si Mama. 

"O sige, bumaba ka na agad ha. Handa na ang umagahan. Sabay na tayong kumaing dalawa at nauna na ang mga kapatid mo dahil maagang nag-lakwatcha ang mga iyon. Sabi, magb-basketball na naman daw."

"Sige po Ma, baba na po agad ako," lintanya ko ng maayos ko na ang pagka-ponytail ng buhok ko. 

Hindi naman na nagsalita pa ulit si Mama. Narinig ko na lang ang mga yabag niya pababa ng hagdanan.

"Anong almusal Ma?" pangbungad ko. Pababa pa lang ng hagdanan. 

Pinanood ako ni Mama makalapit sa maliit at kahoy naming dining table kung saan naka-upo na siya sa pinaka-dulo. 

May nabasa akong pagkamangha sa mga mata niya habang nakasubaybay sa akin. Nawala lang iyon ng tuluyan na akong nakalapit sa kanya. 

"Sangag na kanin, pritong talong, pati yung tirang ulam kagabi," ngiti niya ng tipid sa akin. 

Tumungo na lang ako bago umupo sa harapan niya ng tahimik. Nagsalok agad ako ng sinangag sa plato ko. Kumuha ng isang talong pati na rin yung adobo naming ulam kagabi bago itaas ang paa at kumain na. 

Katahimikan ang bumalot sa aming dalawa ni Mama habang nakain. Pansin ko ang lagi niyang pag-sulyap sa akin kaya minsan napapatingin din ako sa kanya. 

"Bakit Ma?" Tanong ko na. Nang magtagal ang titig niya sa akin sa kalagitnaan ng pagkain namin. 

Hindi niya kaagad ako sinagot at mapait muna siyang ngumiti sa akin. "Ang laki mo na talaga Anak, parang kailan lang, binubuhat-buhat ka lang namin ng papa mo," malungkot niyang utas na nagpa-iwas sa akin ng tingin.

Kinuha ko ang basong tubig na malapit sa akin at inubos ang laman no'n bago humarap ulit sa kanya. 

"Ma... ano ba... tama na po 'yan," mahinahon ngunit may pagbabanta sa boses ko. Hindi lang kasi ito ang unang beses na nag-lambing sa akin si Mama. Hindi naman sa ayaw ko o nahihiya ako sa ginagawa niya sa akin dahil matanda na ako. 

Pag-ganito kasi siya, lagi niya na lang nasasali ang magaganda naming alala kasama si Papa. At kapag naalala niya si Papa, hindi maiwasan ni Mama maging emosyonal katulad na lang ng nangyayari ngayon. 

"A-Ang bilis talaga ng panahon," singhap niya bago tumulo ang isang butil ng luha sa pisnge niya. Agad niya itong pinunasan bago ako ngitian ng tipid. "Ang laki na ng unica-ijah natin Rodolfo, sobrang ganda pa. Sexy at matangkad pa," natawa siya pagkatapos saka umiling-iling. 

Bumusangot ako sa kanya. 

"Suplada at tahimik nga lang, hay... Rodolfo, paano kaya makakahanap ng mapapangasawa itong anak mo sa ganitong ugali. Manang mana sa 'yo," dagdag niya. 

Literal na nalaglag ang panga ko sa ere habang pinapanood siyang masayang pinapahid ang mga takas na luha. 

"M-Mama! Ano bang sinasabi niyo! Anong asawa ka d'yan!" Bulyaw ko. At alam kong halos maging kasimpula na ng takure ang buong mukha ko ngayon sa hiya!

Idagdag pang, pagkatapos sabihin iyon ni Mama ay ang unang lalaking rumehistro sa utak ko ay si Mr. Ty- argh! Bakit ba nasa-isip ko pa rin ang lalaking 'yon?!

Napapagak na tumawa si Mama bago ako mapanuyang titigan. "Bakit Keisha? Twenty-three ka na. Nasa saktong gulang ka na para mag-pakasal-"

"Mama naman, e! Ano ba!" nagp-padyak na ako sa inis at pinaghalong hiya! Dahil umagang umaga. Ito ang pinag-uusapan namin! 

Tumawa lalo si Mama ng malakas sa reaksyon ko. 

"Anak, ok lang sa 'kin pati sa mga kapatid mo mag-asawa ka na. Si Draco nga, noong nakaraang linggo, tinatanong ako kung kailan ka magdadala ng lalaki rito sa bahay-"

"Ma..." putol ko sa pagsasalita niya at tinitigan siya ng mariin. Seryoso na. "Wala pa ang pagb-boyfriend sa bokabularyo ko. At mas lalong wala pa ang paga-asawa. Siguro kapag nakapag-tapos ko na sila Jaycee at naalis ka na naming apat dito sa squater, sige. Pag-iisipan ko," pabalang kong sagot at hindi ko mapigilan ang mapa-irap sa ere. 

Nanahimik si Mama pagkatapos ko sabihin iyon. Nagpatuloy kaming dalawa sa pagkain pero nahuhuli ko pa rin siyang panaka-nakang bumabaling sa akin kaya napanguso ako. 

Pagkatapos namin kumain, ako na ang nag-presinta maghugas ng pinagkainan. Inutusan ko na lang si Mama manood sa maliit naming sala. 

"Ma, siya nga po pala, papasok na po pala ulit ako mamaya," pagbubuo ko ng usapan habang nag-huhugas pa rin ng mga plato. 

Humina ang volume ng TV at batid kong nakatingin na sa akin ngayon si Mama. 

"Abay, kaya mo na ba? Hindi naba sumasakit ang ulo mo?" nag-aalala niyang tanong. Na halos ikahalukipkip ko.

Ni-reason out ko kasi sa kanya na masakit ang ulo ko sobra kaya hindi muna ako papasok sa trabaho. Hindi ko sinabi sa kanya ang totoong rason dahil baka mag-aalala lang siya lalo sa trabaho ko. 

Umiling-iling ako habang sa hinuhugasan ko pa rin nakatutok. "Hindi na Ma, kaya ko na po. Papasok na ako mamaya."

Nag-usap pa kami ni Mama sa ibang bagay katulad na lang ng nalalapit na pasukan nung tatlo sa susunod na buwan. Isang taon lang ang agwat nila Jaycee, Freisher, at Draco sa isa't-isa kaya lahat sila. High school na. Magm-moving up na si Jaycee ngayong taon. Na pareho naming inaabangan ni Mama. 

Iyon din ang malaking rason kung bakit kailangan ko agad bumalik sa pags-sayaw. Kailangan ko mag-ipon ng pera para sa tatlo para mabilihan sila ng materyales at bagong mga bags sa susunod na pasukan. 

Mabilis lang ang araw at kung mananatili akong takot na baka gantihan ako ni Mr. Tyson Clyde Kratts sa ginawa ko sa kanya pag-nagkita ulit kami. Walang mangyayari. Ang maapektuhan, pamilya ko at hindi siya kaya bahala na. Papasok na ako. 

"Ma! Alis na po ako," anas ko kina-hapunan ng makaligo at makapag-bihis na. 

Hinalikan ko si Mama sa pisnge bago tuluyang umalis. 

"Sige, mag-iingat ha."

Sa byahe, papuntang Zeus Club. Napa-isip ako na baka masyado lang akong overthinker sa nakaraang linggong nangyari. 

Baka naman, hindi talaga binig-deal ni Mr. Tyson Clyde Kratts iyon at ako lang ang nag-iisip na malaki iyon. Dahil sa katulad niya, sino ba naman akong isang stripper lang para pag-aksayahan ng atensyon at oras 'di ba?

Kaya siguro. Hindi na rin ako guguluhin no'n. Tama. Baka ganoon nga. 

Sa naging konklusyon sa utak. Panatag akong pumasok sa Zeus Club. At pagkakita na pagkakita pa lang sa akin ni Shaina ng maabutan ko siyang nagbibihis ng dress code namin ngayon araw sa locker room, nalaglag agad ang panga niya at tumakbo palapit sa akin. 

"Bakla ka! Bakit ngayon ka lang pumasok! Jusko ka!" Asik niya.

Bumuntong hininga ako bago siya lagpasan at pumunto sa locker ko. Naramdaman ko siyang sumunod sa likuran ko kaya wala akong nagawa kung hindi sagutin siya. 

"Nagkasakit lang," tipid kong kasinungalingan bago walang hiya-hiyang hinubad ang v-neck shirt kong suot at agad sinuot ang isang halter neckline na sando na kulay maroon. 

Pumunta sa harap ko si Shaina at tinignan ako ng taas kilay at naninimbang. 

Inosente ko siyang binalikan ng tingin. Na ikina-ungol at ikina-irap niya sa ere. 

"Keisha, ano nga. Magsabi ka ng totoo. Anong nangyari," hindi iyon tanong. Utos iyon mula sa bibig niya. Kaya sa puntong iyon, alam ko nang alam na ni Shaina na may nangyaring kung ano noong isang linggo at hinuhuli niya lang ako ngayon kung magsasabi ba ako sa kanya ng totoo o hindi. 

Tinapos ko muna ang pagbibihis ko sa harapan niya mismo bago umupo sa isang bakal na bench dito sa locker room. Tinabihan niya ako at hinarap ng naninimbang pa rin. 

Nagpakawala muna ako ng buntong hininga bago magsimula. 

"Nag-private service ako last week. Tinangka ako nung... c-customer i-kama. Sinampal ko siya. Nakatakas ako a-at-"

"W-Wait, wait! Ano?!" Histerikal niyang tugon na ikina-iwas ko lang ng tingin dahil bumabalik na naman sa akin ang nakaka-trauma-ng pangyayaring iyon.

"Pumayag si Mommy Gai ibenta ka?! Kaya ba tinawag ka niya sa backstage nung gabing 'yon?!" Galit niya nang singhal. Kunot na kunot ang noo at tila liyon na ngayon ang kaibigan na handang kainin ang gumawa sa akin ng masama. 

"'Di ba alam naman ni Mommy Gai na hindi ka go sa mga ganun? Bakit ka pa rin niya ibinenta?!" galit niya pang dagdag. 

Napasinghap ako. "H-Hindi naman sa pumayag si Mommy Gai. Talagang... mapilit lang yung lalaki at maimpluwensya. Wala siyang magawa. Binantaan niya rin si Mommy Gai na kapag hindi ako pumayag, ipapasara niya ang Zeus Club. Kaya wala akong nagawa kung hindi umu-oo na lang," alibay ko at tumayo na sa kinasasadlakan. 

Sumunod ang nag-aalalang tingin sa akin ni Shaina kaya nginitian ko siya ng tipid para mabigyan siya ng kapanatagan na ayos lang ako.

"Tapos na 'yon Shaina, ok lang. Alam ko rin namang parte iyon ng trabahong ito, e."

Umirap siya sa ere at suminghap. "Pero Keisha, alam naman nating dalawa na hindi mo kaya ang ganoon! Hindi ka malandi kagaya naming apat. Kaya alam kong-"

"Shaina, ok nga lang. Wala na sa akin 'yon. Nakatakasan ko naman e," pinal kong sabi. Napa-iling na lang siya at napa-irap sa ere. 

Sabay na kaming lumabas ng locker room papunta sa kanya kanya naming dressing room. Pagkatapos mag-ayos, lumabas na rin agad ako at pumunta sa backstage kung saan nakita ko si Mommy Gai pati na rin sila Shaina at ang iba na nag-uusap. 

Nang matanaw ako sina Leah, Crystal, at Krisha. Nalaglag ang panga nila sa ere sa tuwa at tumitili-tiling tumakbo sa gawi ko para mayakap nila ako. 

"Ate K! Omg! I miss you so much! Buti naman at pumasok ka na!" si Leah. 

"Same! Miss ka namin ng much Ate Keisha! Bakit kasi nawala ka ng isang linggo?! Anong nangyari 'te?" si Krisha. 

"Oo nga! Miss ka na namin kasi ang tumal ng bigay na tips sa amin kapag wala ka! Wala tuloy akong pambili ng skincare ko!" asik naman ni Crystal na ikinatawa ko at ikina-irap. 

"Miss ko rin kayong tatlo," tipid ko lang na sagot sa kanila bago ipasada ang tingin sa gawi ni Mommy Gai na nakatingin sa akin ng nag-aalala. 

Nginitian ko siya ng tipid at tinunguan para ipahiwatig na ok lang ako. Nakuha niya iyon kaya tinunguan niya rin ako pabalik bago kami tinawag na lima para abisuhan sa gagawin. 

Pinalabas niya rin kami sa stage pagkatapos. Napa-igik pa ako sa gulat ng pagkalabas ko, dumagundong agad ang sigawan ng dagat ng mga tao para sa akin.

Ganoon pa rin ang bawat papuri nila sa akin. May mga sumisigaw pa rin na pansinin ko sila pero ang mata ko. Agad dumako sa second floor para tingnan kung nandoon ba ang lalaking nagpapabuhay ng matinding kaba sa puso ko iniisip ko pa lang. 

Nakahinga ako ng maluwag ng puro matatandang negosyante lang ang nakita ko ro'n katulad ng dati. Napa-irap pa ako sa isip isip ko sa inis sa sarili ko dahil parang may parte sa akin na hinihiling na sana siya na lang ang nandoon at hindi na ang mga manyak na matatanda.

Nawala sa isip ko ang mga bagay bagay ng magsimula na kaming mag-perform. At katulad ng dati, tuwing kasama ako sumayaw sa harap. Marami kaming tips na natanggap ng gabing iyon kaya tuwang tuwa ang grupo.

"Whoo! O my gosh! Makakabili na rin ako ng bagong labas na skincare! Argh! Iba talaga kapag nandyan si Ate Keisha! Kabog na kabog! Ulol na ulol mga lalaki sa kanya!" Nangangasar na usal ni Crystal kaya lahat kami napatawa. 

Pabiro siyang hinampas ni Shaina, na ngayon, balik na sa pagiging sira-ulo. "Sa true 'te! Iba talaga ang alindog ng isang Keisha Valentine! Hindi pa nagr-reveal ng face-lak 'yan ha!"

At sumunod sunod na nga ang asar nilang lahat sa akin. Nakasimangot na lang ako habang pinapakinggan ang lahat ng iyon at unti-unti na rin naiirita. Kaya nang matanggap ko na ang parte ko ngayong gabi, nag-paalam na ako sa kanilang lahat na mauuna na ako mag palit. 

Nasa kalagitnaan ako ng paglalakad sa madilim na pasilyo ng backstage ng may humila sa akin papasok sa storage room. Halos atakehin ako sa puso sa gulat at kahit gustuhin ko mang tumili ng malakas, parang awtomatik ang kamay ng lalaking humila sa akin papunta dito na takpan ang bibig ko para hindi ako makasigaw. 

Tahip tahip ang kabang nararamdaman ko ng mga oras na iyon dahil baka mamatay tao itong humila sa akin. Walang dumadaan sa pasilyong ito kapag pasara na ang Club dahil lahat tumutulong sa pagl-ligpit. Walang makakarinig sa akin lalo na tinatakpan ng lalaking ito ang bibig—

"Miss me? Hmm? Keisha Valentine?" nanunuyang entrada ng pamilyar na baritonong boses na halos ikataas na ng lahat ng balahibo ko sa katawan! 

Sa sobrang lalim ng pag-iisip ko na baka mamatay tao siya, hindi ko na napansin na sobrang lapit na pala ng mukha namin sa isa't-isa. Hindi ko rin maaninag masyado ang mukha niya kanina dahil sa dilim ng storage room kaya hindi ko agad siya nakilala. 

Titig na titig si Mr. Tyson Clyde Kratts sa akin ngayon at tila wala ng balak i-alis ulit ang paningin sa akin. 

Pinilit kong kumawala mula sa parang gabakal niyang kamay. Pero wala. Hindi tagumpay. Mas malakas pa rin siya sa akin. 

"Fierce as always huh, let's see," nakangisi ngunit bakas sa boses niya ang galit. Mabilis niya akong sinandal sa pader na nasa likod ko bago iharang ang dalawang matipuno niyang braso sa magkabilang gilid ko. 

"A-Anong kailangan mo? Bakit ka nandito? Anong g-gusto mo sa 'kin?" Kahit sobra na akong pinapangunahan ng takot. Nagawa ko pa rin siyang tanungin gamit ang nanginginig kong boses. 

Mas lalong lumawak ang ngisi niya. Pinasadahan niya ang katawan ko gamit ang napapantastikuhang tingin bago kinagat ang ibabang labi.

Tumagal ang tingin niya sa gitna ng mga hita ko. Bigla umakyat ang init sa mukha ko sa galit kaya sa pangalawa ring pagkakataon. Ginawaran ko siya ng malutong at malakas na sampal na ikinatagilid ng ulo niya. 

"Bastos ka talaga Mr. Kratts!" nanggagalaiti kong sigaw. Gagamitin ko na sana ulit ang tiyansang iyon para makatakas sa kanya pero halos masindak ang buo kong sistema ng mabilis na pumulupot ang braso niya sa bewang ko. 

"Oh, not that tactic again," parang nasisiyahan niya pang asar sa akin. Kaya pinagsasapak ko ang matigas niyang dibdib sa galit. 

"Bitiwan mo 'ko! Bitiwan mo 'ko!" 

"Tss, stop being stubborn before I get mad at you!" Haklit niya sa katawan ko palapit lalo sa kanya na malakas kong ikinasigaw lalo. 

"Fuck!" mura niya bago marahas na hulihin ang dalawa kong kamay.

Habol hininga ko siyang tiningala. "Ano bang kailangan mo sa 'kin! Bakit mo ba ako ginugulo! Hayop ka Mr. Tyson! Tantanan mo 'ko! Hindi ako bayaran-"

"Will you fucking shut up?!" Parang kulog niyang sigaw sa mukha ko at kitang kita ko kung paano lumabas ang litid ng mga ugat niya sa leeg sa galit.

Umurong ang dila ko sa ginawa niya at literal na natahimik. Nagpupuyos niya akong tinitigan ng kunot  ang noo bago umigiting ang panga.

Hindi ko na napigilan ang pagtulo ng luha ko sa sobrang takot na nararamdaman. Marami akong naiisip na posibleng gawin niya sa akin. Pero lahat iyon, nawala ng magsalita ulit siya. 

"Stop crying Keisha, I will not do anything bad to you. Not this time," nahihirapan niyang pababain ang baritono at malamig niyang boses. Pero hindi iyon ang nagpamulat sa mga mata ko ng malawak. 

K-Keisha? S-Sabi n-niya? Paanong—

Kusang unti-unting tumaas ang ulo ko para matingala ang guwapo niyang mukha na ngayon ay nakabusangot na nakatitig sa akin. 

"A-Anong sinasabi mo... a-anong K-Keisha..." halos pabulong ko na lang na tanong. 

Napa-irap siya at sunod gumuhit ang pilyo at lalaking lalaking ngisi sa kanyang labi. Napatitig ako sa pulang mga labi niya at nakaramdam saglit ng pagka-uhaw. Nawala rin iyon ng magsalita ulit siya. 

"Why? Shocked because I know your real identity hidden in that mask? You just realized it? I've been calling you Keisha for a goddamn long time since we've met, Ms. K."

Napalunok ako ng mariin at napatulala lang sa kanya. 

Oo nga... bakit hindi ko ba na-realized agad iyon ng isigaw niya ang pangalan ko noong layasan ko siya? Kanina rin, sinabi niya ang buong pangalan ko at hindi ko man lang na-realized iyon dahil inuunahan ako ng takot at maraming iniisip. P-Pero... paano niya nalaman? Pina-background check niya ba ako? Pina-imbestigahan? Malamang. 

Sa pagka-kaliyo, hindi ko naramdaman na unti-unti na pa lang nalalaglag ang maskarang suot ko. Napansin ko lang iyon ng tumunog ang pagbagsak no'n sa sahig. Nakatulala pa rin ako kay Mr. Tyson Clyde Kratts pero ngayon, sobrang pungay na ng mga mata niya at ang purong itim niyang mga mata, marami nang sinasabing mga emosyon na hindi ko mabasa dahil sa bilis ng pagpapalit-palit. 

At hindi rin nagtagal, unti-unting nilapit ni Mr. Tyson ang mukha niya sa akin at siniil niya agad ang labi ko sa malalim na halik. 

Unti-unting nawawalan ng lakas ang buo kong katawan. At nakakamangha lang na sa pagkakataong iyon, hindi ko man lang siya tinulak. Siguro, alam na rin ng katawan ko na wala rin namang silbi iyon at unti-unti na rin akong kinakain ng kakaibang sistema sa kaloob-looban ko na unti-unti na ring umuusbong.

Napapikit na lang ako at dinama ang halikan naming dalawa. At sa buong halikan namin, siya lang ang gumalaw. Siya ang nagsipsip at kumagat-kagat ng ibabang labi ko ng ilang ulit na ilang beses ko ring ikina-ungol.

Pinasok niya ang dila niya sa loob ng bibig ko at halos mabaliw ako sa ekstra-ordinaryong pakiramdam na binibigay nun. Ilang minuto niya rin iginala ang dila niya sa loob ng bibig ko. Tumigil lang siya ng pareho na kaming kapusin ng hininga. 

"Fuck..." anya. Nakayuko. Naghahabol hininga. 

Ako, nakatanaw lang sa kanya at naghahabol din. Habang sobrang lakas ng kabog ng puso ko.

"I have an offer," aniya nang hinihingal pa rin bago niya itaas mukha sa akin. Bumalik sa pagiging seryoso ang mukha niya.

Tinitigan niya muna ng matagal ang kabuuan ng mukha kong wala ng maskara. Ibubuka ko na sana ang labi ko para tanungin siya kung ano iyon pero saktong nagsalita na rin siya. 

"Marry me."

Itutuloy...