27- PAG-IBIG NI BONG PARA KAY SOPHIA

CHAPTER 27- PAG-IBIG NI BONG PARA KAY SOPHIA

ISANG malakas na katok nga ang narinig namin ni Olivia, hindi ko akalaing may iba pang darating bukod sa kanya, kaya naman pinagharian ako ng takot dahil sa inakala kong mga kalaban ang nakasunod sa kanya.

“Magtago ka na muna, ako na lang ang haharap sa kanya!” mahina ngunit mariin kong sambit kay Olivia. Ayokong sa pagkakataong iyon ay hindi ko na naman siya ma-protektahan.

“No! Ako na kaya ko na, Sophia!” Pabagsak niyang inalis ang mga kamay ko na nakahawak sa braso niya. Ramdam ko ang panglalamig ng mga kamay niya, at ramdam ko rin na ayaw niya sa ‘kin. “Magtago ka muna,” muli niyang salita sa akin na may himig ng pag-uutos. Sinunod ko naman siya at mabilis na pumasok muna ng banyo. Ngunit hindi ko iyon isinara upang makasilip ako at marinig kung sino ang kanyang mabubungaran sa sandaling buksan niya ang pintuan.

“Bong!” sambit ni Olivia. Narinig kong sinabi niya ang pangalan ng isang taong labis kong kinapanabikang makita muli. Sa ilang