Chapter 10

''SIR? Sir?''

Namimigat pa ang mga mata ni Josh. Gusto niya pa sanang ipikit iyon nang matagal, pero paulit-ulit ang tinig na tumatawag sa kanya.

''Sir, gising na.''

Naiirita pa siya sa pagyugyog nito sa kanyang balikat. ''Ugh...''

''Sir, inabutan ka na naman dito ng gabi. Hinahanap ka na ng lolo mo.''

''Five minutes, please.''

''Nakailang tawag na si Chairman. Kapag hindi ka pa raw umuwi ay ipapasunog na niya ang bahay na ito.''

Napilitan nang magmulat at bumangon si Josh. Napasapo siya sa nananakit na ulo.

''Marami ka po yatang nainom kagabi. Halos buong maghapon kang tulog.''

''Anong oras na?''

''Past ten na po, sir.''

''Kino...''

''Yes, sir?''

''Kailan mo ba ako tatawagin sa pangalan ko?''

Magkababata at magkaibigan sila ni Kino. Anak ito ng family driver nila na matagal nang naninilbihan sa kanyang pamilya.

''Joshua, tumayo ka na riyan!''

''That's it. Mas magandang pakinggan ang ganyan.''

''Pero sabi ng lolo mo -''

''Forget about that old fox. Wala siya rito. So, no need to follo