CHAPTER 14

Minabuti ni Xander na humanap ng yaya para sa bata. Mas mainam iyon upang hindi rin siya mag-alala habang nasa trabaho. Sa mga oras na iyon ay walang magandang improvement sa condition ng pasyente. Hindi puwedeng matali si Xander sa mga personal matters sa pagbisita nito sa ospital at sa pag-aalaga ng bata habang naiiwan nito ang maraming trabaho sa opisina.

Isinama ni Xander ang isa pang kasambahay sa unit ni Lily.

“Good morning po, Sir. Upo muna po kayo.” Sanay na si Calix na salubungin ang lalaki at nagnose-to-nose ang dalawa bilang pagbati tulad ng ginagawa ng ina sa kanya. “Naku, ang batang ito. Pasensiya na po kayo, Sir. Nakaabala na naman kami sa inyo. Sino po siya?”

“Ah, siya nga pala Yaya Nena, si Yaya Melai. Siya po ang maiiwan kay Calix tuwing gabi. Hindi ko po maipapangako na palagi kong mapupuntahan si Calix dito pero dadalawin ko po siya. Pansamantala lang naman po ang lahat lalo pa’t wala pa ring magandang balita sa kondisyon ni Lily.”

“Maraming salamat po, Sir. Hind