LEVEL 0

“Inday ikakasal kana, at gusto namin ni Manay mo na ayusin mo ang iyong ugali sa bahay ng magiging asawa mo.”

Hindi ko tinignan si Amang dahil sobrang sama ng loob ko. Binibilin pa n'ya sa akin ang pag u-ugali ko. Samantalang ang ugali nila umiba narin yata.

Ipamimigay na nila ako na parang tuta.

“Nakikinig kaba Inday?” Tanong ni Amang bago ako kinalabit.

"Amang.” Tawag ko habang masamang-masama ang kalooban.

“Bakit kailangan ninyo akong ipamigay? Hindi na ba ninyo ako kayang kupkupin? Masyado na ba akong malakas kumain?"

Nag da-dramang tanong ko habang tumutulo ang aking luha kasama ang sipon.

“Punasan mo nga sipon mo, para kang bata.”

Saway ni Manay sa akin bago hinawakan ang balikat ko.

“Para sa'yo rin ito. Dapat maging practical kana lang, para guminhawa naman ang buhay mo.”

“Kaya ko namang yumaman!”

Depensa ko bago napatalikod sakanilang dalawa.

“Pera nalang naman ang kulang, pero malapit na. Nararamdaman ko na mag hintay lamang po ka—”

“Lintik naman Inday!”

“Amang ayaw ko nga hong mag pa kasal! Hindi pa ako ready, tsaka baka laitin lamang ako ng magiging asawa ko. Ang pangit ko kaya.”

Umiiyak na aking paliwanag.

“Buti alam mo ate.”

Sabat ni Ping bago tumawa.

“Totoo namang pangit si ate Inday, tapos garapal pa hahaha.”

“Kapatid ko ba talaga 'yan Manay?”

Umiiyak na tanong ko bago sinamaan nang tingin si Ping.

“Bayaan mo na ang kapatid mo. Makinig ka nalang sa amin, at sa ibibilin namin.”

Seryosong sabi ni Amang bago ibinigay ang gamit kong nasa bayong. Ilang piraso lang kasi ang damit ko tapos butas pa ang tatlong panty ko. Suot ko ang isa ngayon. Habang 'yung dalawa ko pang panty walang garter, pero lumalaban pa naman.

“Bibilhan ka daw nila ma'am ng gamit pag dating mo sa Manila. Hintayin mo na lamang ang su-sundo sa'yo patungo sa ti-tirhan mo. Huwag kang magiging tamad, ha? Kumilos ka.”

Kabilinbilinan ni Amang.

“Hayaan mo Amang,” napatitig ako sa ama ko. “Kapag yumaman na ako hindi na alamang ang ulam ninyo.”

“Iniinsulto mo ba ako?”

“Amang naman, syempre hindi po. Pangako magiging mabait ako, pero hindi ako magiging easy to get.”

Paninindigan ko.

“May ganun pala noh? Pangit na, pa hard to get pa?” Pang a-asar ni Ping.

“Ay well nat lawyer my price two every man!” Mapanindigang sabi ko. “Aym priceless! Ako ang magiging magandang ehemplo sa—”

“Ate pwedeng mag tagalong walang pumipigil sa'yo.”

Sabat ni Ping na mukang naririndi na sa English ko.

Hindi naman sa pag ya-yabang pero may kaalaman ako sa English kahit paano.

“Basta!”

Kinalampag ko ang dibdib ko.

“Anong feeling kumalampag ng sariling pader?”

“Kanina ka pa!”

Inambahan ko si Ping.

“Kapag yumaman ako wala kang balato!”

“Ayos lang ate, basta bumili ka ng panty mong bago. Ako kasi na a-awa sa'yo sa tuwing makikita ko 'yung tatlong panty mo tuwing isasampay mo.”

Inawat na kami ni Amang. Dumating na kasi 'yung sundo ko. Hindi na ako umiyak pa dahil ayokong mag alala pa sila. Tahimik lang ako buong byahe kasama ang hindi ko kilalang lalaki, may edad na s'ya. Sabi n'ya ay ayaw daw akong sunduin ng sir niya kaya s'ya nalang.

Ano namang pake ko sa sir niya? Edi wag niyang sunduin 'di naman ako mamamatay kung wala s'ya.

Manghang-mangha ako sa bahay. Kamuntik pang tumulo ang aking laway. Inayos ko ang sarili ko, tapos inalis ko din tsinelas ko iniwan ko sa labas ng gate kasi nakakahiya naman na ipasok ko pa. Kawawa naman nag li-linis. Tiles kasi kahit 'yung labas. Kaya naman nung binaba ako ni kuyang driver, e, iniwan ko sa labas ng gate tsinelas ko. May da-daanan pa daw kasi ito kaya hindi na pumasok.

Nakatingin nga sakin 'yung guard na nag bukas kasi bakit ko daw iniwan tsinelas ko? Palibhasa s'ya walang awa sa mga nag li-linis kaya pinasok n'ya sapatos n'ya.

“Who are you?” Malamig ngunit baritono ang boses ng lalaki na nag tanong sakin.

Mukang kagigising lang nito. “Guard mukang may baliw na nakapasok dito!" Galit na tawag pa n'ya sa Guard. "Baliw na pulubi naman this time? Ta-tanggalin na kita next time kapag may nakapasok pa na—”

“Magiging asawa mo ako. Baliw kaba?” Yamot na tanong ko.

“You're—” Natigilan ako at napaisip.

Ano nga bang English ng minamaliit? Napasubo tuloy ako. Bida-bida kasi eh.

“You're smalling me!” Sigaw ko habang duro s'ya. “Hindi mo ba alam na ako ang magiging asa—"

Tinalikuran n'ya ako at lumakad. Kaya naman sa inis ko, ay galit akong sinundan s'ya ngunit bigla na lamang akong nadulas. Kaya naman 'yung taob ko ay umangat ang palda ko. Wala pa naman akong dobleng short.

“Guard! Ilabas ang babaeng 'to!” Sinamaan n'ya ako ng tingin. "Tsaka mo na ako lokohin pag hindi na butas panty mo." Napaismik s'ya bago ako tuluyang iniwan.