4

ERICA POV

NAPASULYAP siya muli kay Jake na abalang nag re-restock ng mga toiletries, towels at tissues sa bawat kuwartong pinapasukan nila sa 6th floor ng Hotel. Siya kasi ang naka-assign sa 6th floor hanggang 10th floor na mag-restock sa kada kuwarto at dahil may bagong new hire magkasama tuloy sila sa gawain. Nauna lang siya ng dalawang linggo rito.

Huminga siya ng malalim. Hanggang ngayon hindi pa rin siya makapaniwala. Tunay ngang maliit ang mundo! Sino bang mag aakalang ang lalaking nakilala niya sa Club na buong puso niyang ibinigay ang pagkababaé niya ilang taon ng nakalipas ay makikita niya uli. Parehas pa silang Janitor?! What the?

Akala niya mayaman ang lalaki dahil mukhang rich kid ang datingan nito sa Club noon. Kaya takang-taka siya bakit nag apply itong Janitor at dito pa talaga sa Cebu. Tsk!

Nagkibit balikat na lamang siya. Anyway, wala na siyang pakialam pa sa rason nito. Hindi naman siya nito nakikilala kaya no need para kabahan pa siya.

"I'm done. Is this the last room on this floor?" kapagkuwan ay tanong ni Jake sa kaniya.

Ang conyo naman magsalita nito! Kanina pa ito panay ingles e'

Bahagya siyang tumango.

"Oo. 7th floor naman tayo," aniya at lumabas ng kwarto saka akma itutulak ang cleaning cart o trolley nang mabilis itong kinuha ni Jake sa kaniya. Nagtatakang napalingon siya sa binata.

"Let me- tara na," yakag nito sabay ngiti.

Nakakabuwiset ang ngiti nito! Lumuluwag ang suot niyang underwear!

"S-Sige."

Wala naman siyang nagawa kun'di ang hayaan ito hanggang sa makapasok sila sa elevator at makarating sa kasunod na palapag.

"Taga saan ka nga pala, Rico? I mean- nasaan ang family mo?" tanong ni Jake habang tulak tulak ang cleaning cart.

"Ahm, taga Manila talaga ako." Maiksi tugon niya.

Kunot noong napabaling ito sa kaniya.

"Manila? pero dito ka sa Cebu nag apply? Pwede ko ba matanong kung bakit?"

"Wala lang. Nandito kasi ang kaibigan ko, saka patay na ang Nanay ko kaya wala rin naman akong ibang kamag-anak sa Manila kaya dito na lang ako," wika niya. Alam niyang mali ang pagtatago niya kung sino siya pero at least totoo naman ang sinabi niya.

"Make sense. Hindi ka ba nahihirapan sa pagiging Janitor?"

"Hindi naman. Ikaw ba? Halatang Manila boy ka, ba't dito ka nag apply?" balik tanong niya sa binata.

"Trip lang," nagkibit balikat lang ito at ngumisi sa kaniya.

Napailing na lamang siya. Obvious naman na may dahilan ito, ayaw lang siguro nito ipaalam. Ayaw rin naman niya mag-usisa pa. Pinagpatuloy na lamang nila ang pag-re-restock sa mga kuwarto hanggang natapos nila ang buong 7th floor pati na rin hanggang 10th floor.

Hapong hapo siya napahiga sa kama niya ng makabalik siya sa barracks pagkatapos ng duty niya. Mariin siyang napapikit subalit napadilat rin siya ng may bumukas ng pinto sa kwarto nila ni Jake. Si Onofre isa sa mga bellboy sa hotel na tumutuloy rin sa barracks.

Napaupo siya sa kama. "B-Bakit?"

"Nasaan na ang kasama mo, Rico? Tara sa baba, shot tayo-" pang aaya nito.

Hindi siya makasagot. Tamang-tama naman na bumukas ang pinto ng banyo at lumabas roon si Jake na bagong paligo. Nagpupunas pa ito ng tuwalya sa buhok nito, wala itong suot na pang itaas tanging boxer lang.

"Uy, Jake - Rico ! tara sa baba shot tayo. Birthday ko e' wala handa kaya inom na lang," ngiting ngiti sabi ni Onofre sa kanila.

Bumaling ng tingin sa kaniya si Jake na para bang inaalam ang sagot niya. Ayaw talaga niyang uminom pero baka mag isip naman ang mga ito ng kung ano sa kaniya.

"Sige- pero kaunti lang ako. Mahina ako uminom," nakangiwing wika niya na ikinatawa naman ni Onofre.

Lumapit ang lalaki sa kaniya at hinila siya. "Asus! Ayos lang. Tayo-tayo lang naman dito, bawal ang mahiya. Tara- Jake!" Malakas na sabi ni Onofre sabay akbay sa kaniya na para bang close sila.

Nagpahila naman siya pababa kay Onofre, kaya nang lumingon siya nakita niyang nakasunod na si Jake sa kanila. Seryoso ang mukha nito habang nakatingin sa kamay ni Onofre na nasa balikat niya.

Nang makababa na sila sa maliit na salas may lamesita na roon, isang pitsel na malaki, limang bote ng GIN, limang sachet ng powder juice at pulutan na crackers saka lechon manok.

Tahimik na naupo siya sa pang isahang sofa, habang nasa harapan naman niya naupo si Jake. Anim silang naroon kasama pa ang tatlo rin bellboy sa hotel.

Nagsimula na ang mga ito timplahin ang alak sa pitsel. Paikot ang tagay nila kaya walang lusot. Panay ang kwentuhan ng mga ito tungkol sa mga nakakatawang karanasan ng mga ito sa mga customer sa hotel, sumasabay naman sa usapan si Jake habang siya natatawa lang na nakikinig sa mga ito.

Lumingon sa kaniya si Onofre.

"Ikaw, Rico- share ka naman diyan. Anong nakakatawang experience mo sa hotel?"

Nakatingin ang lahat sa kaniya. Bakit parang nasa hot seat siya? Huminga muna siya ng malalim bago nagsalita.

"Uhm, maglilinis sana ako sa toilet ng panlalaki sa may banquet hall nang maabutan ko 'yon dalawang lalaking guest sa loob na nagsusukatan sila ng t*t* na parang nag-aangasan sila kung sino ang mas malaki," nakangiwing kwento niya. Hindi siya sure kung nakakatawa iyon pero iyon talaga ang unang pumasok sa isip niya. Halos mapatakbo siya sa kaba dahil sa naabutan niya.

Bumunghalit ng tawa ang mga ito habang seryosong nakatitig lang sa kaniya si Jake.

"Malamang foreigner 'yon!" tawang tawa bigkas ni Onofre.

Nagpatuloy naman ang inuman nila hanggang sa makaubos sila ng sampo bote ng GIN. Tsk! Buti kinakaya pa niya habang ang tatlo kasama nila ay panay suka na sa banyo at sa labas. Habang si Onofre panay ang kwento pa rin kay Jake ng kung ano-ano.

"M-May girlfriend ka na ba, R-Rico?" nauutal na tanong ni Onofre. Lasing na ito.

Ngumisi pa ito sabay lingon kay Jake.

"Ikaw ba, Jake? Feeling ko- marami ka ng naging syota noh? Sa itsura mong 'yan! Sus- lahat yata ng babae tutuwad sa harap mo ultimo bakla luluhod pa sa'yo," pangisi-ngising turan ni Onofre. "Sana all."

Napalunok siya ng laway dahil sa sinabi ni Onofre tungkol kay Jake. Isa na siya don! Hmp!

"Wala akong girlfriend sa ngayon." Maiksi tugon ni Jake. Diretso pa rin ang upo nito na para bang hindi ito tinatamblan ng alak.

"Ows? Sabagay mas okay na 'yon walang girlfriend o asawa para anytime anywhere pwede makipag-séx 'di ba?" nakakalokong tumawa si Onofre saka humarap sa kaniya.

"Itong si Rico- parang vírgin pa. Nagka-girlfriend ka na ba?" nakangising tanong nito.

Umiling siya. "Wala pa."

Pumalatak si Onofre. "Kitam! Sabi na e- aminin mo, virgín ka pa? Wala ka pang nakaka-séx?"

Umiling siya. Séx sa babae?

"Naku! Ano lang ginagawa mo? LuLú lang? Tsk! May mga chika babes akong ipapakilala sa'yo. Mga chambermaids- tiyak! Ma-aadik ka pag na-experience mo."

Panay ang iling niya.

"Okay lang. Wala pa sa isip ko 'yan."

Tumayo si Onofre akma lalapitan siya ng matumba ito ngunit mabilis naman ito naalalayan ni Jake paupo.

"Masyadong baby face ang mukha mo Rico. Kung ako tatanungin papasa kang tomboy pero joke lang 'yon- pero i-try mo pa rin! Kailangan ng tao ng séx! Dapat ma-experience mo 'yon para maging ganap na lalaki ka." Anito sabay napahiga at pumikit. Hindi na kinaya. Bulagtang nakatulog na lang si Onofre.

Napapailing siya. Ganap na lalaki? My ass!

"Akyat na tayo-"

Napatingin naman siya kay Jake na nasa hagdan na at inaantay siya umakyat. Napatango siya. Gusto na rin niya kasi matulog at mahiga. Maaga pang gigising bukas.

"Ayos ka lang, nahihilo ka?" tanong ni Jake ng makapasok sila sa kwarto nila.

"Hindi naman. Ayos lang ako." Aniya sabay higa sa kama niya. Sa totoo lang, kanina pa umiikot ang paningin niya dahil sa GIN na iyon.

"Huwag mo intindihin ang sinabi ni Onofre," biglang sabi ni Jake saka pinatay ang switch ng ilaw. Tanging sinag ng liwanag lang sa bintana ang nagsisilbi ilaw nila. Hindi naman masyado madilim.

"Ayos lang. Hindi naman ako na offend," patagilid siyang nahiga paharap sa kama ni Jake habang ito nakatihayang nakahiga nakaunan ito sa braso nito.

"Ikaw, parang hindi ka nalasing?"

Narinig niya ang mahinang pagtawa nito.

"Akala mo lang. Lasing na nga ako e' kung ano-ano na pumapasok sa utak ko."

"Tulad ng?"

Umiling ito at lumingon sa kaniya sabay ngiti. "Nevermind. Tulog na tayo."

"Sige. Goodnight," iyon na lamang ang nasabi niya. Kung ayaw nito magkwento e 'di don't. Umayos siya ng higa. Patagilid subalit patalikod kay Jake saka nagkumot sa katawan.

Habang malalim na ang tulog ni Jake, siya naman hindi pa makatulog dahil sa init. Init na init ang katawan niya marahil dahil sa alak kaya ganoon. Marahas siyang napabuga ng hangin. Gusto niya maghubad ngunit hindi pwede. Argh!! Kainis!

Sinipa niya ang kumot. Bakit naman kasi uminom inom pa siya?!