Chapter 72

Pakiramdam ko'y nabunutan ako ng tinik sa dibdib ng marinig ko ang mga katagang sinabi ni Justine. Nakakataas ng kompyansa sa sarili. Para bang ako lang talaga ang nag-iisang babae sa paningin niya. Napaka swerte ko talaga.

"Gusto mo bang pumasyal muna sa Grotto?" tanong niya na ikinalingon ko.

Hindi pa kasi ako nakakapunta sa Grotto. Maraming nagsasabi dati na dinadayo raw ang Grotto dito sa Mariveles. Ngunit ni minsan ay hindi pa ako nakarating doon. Ni hindi ko nga alam kung ano ang itsura no'n. Kaya naman ito na siguro ang pagkakataon kong makita 'yon ngayon.

"Gusto ko. Pero hindi ko alam kung saan 'yon. Hindi ko rin sigurado kung napuntahan ko na ba iyon. Pero sa palagay ko... " Napayuko pa ako at nahihiya sa kaniya. Lahat na lang kasi hindi ko alam, parang lahat bago sa akin. "Hindi pa ako nakakapun