Chapter 12

CELINE

Hindi pumasok sumunod na araw ang asawa ko sa kanyang opisina. Tinatanong ko siya kung bakit hindi siya pumasok at ang sagot lang niya sa akin ay gusto niyang lumabas kaming dalawa. Lumabas nga kaming dalawa pagkain namin ng breakfast.

"Saan ba tayo pupunta?" tanong ko sa kanya habang nasa biyahe kami. Hindi ko alam kung saan kami pupuntang dalawa ngayon.

Nagpakawala muna siya nang malalim na buntong-hininga bago sumagot sa akin.

"Pupunta tayo sa mall, Celine. Ibibili kita ng mga kailangan mong gamit. I know na hindi pa enough ang binili ko sa 'yo last time kaya ngayon ay bibilhin na natin ang wala pa. Sigurado ako na maraming mabibili tayo. Actually, hindi lang tayo mamimili ng mga gamit mo, mamasyal rin tayo ngayong araw na 'to," sagot niya sa akin.

"Kailangan mo pa ba talaga akong ibili ng mga bagong gamit? Sapat na sa 'kin 'yung mga binili mo para sa akin noong isang araw, eh. Hindi ko naman lahat magagamit 'yon lahat," sagot ko sa kanya. "Hindi rin naman ako maluhong tao,