Chapter 14- Ian To The Rescue?

SAMANTALA, tahimik na umiinom ng rum si Ian sa gilid ng cruise ship habang nakasandal sa railings at nakatanaw sa madilim na karagatan. Nagpunta siya sa lugar na iyon upang mag-unwind at upang makalimot na rin sapagkat maghapong si Cassandra lamang ang umuokupa sa kaniyang isipan.

Sa tuwing naiisip niya ang dalaga ay tila nais niyang puntahan ito sa kumpanya kung saan ito nagtatrabaho, ikulong sa kaniyang mga bisig at hagkan hanggang sa makuntento silang pareho.

Subalit kailangan niyang magpigil dahil siguradong hindi iyon gugustuhin ng dalaga. Maliban pang alam niyang hindi na siya nito natatandaan pa.

Nakadalawang baso na siya ng alak na iniinom nang mapabaling sa mga bagong dating na customer ng cruise ship. Sikat at dinarayo ito lalo na ang ship restaurant and bar ng barko. Madalas siya roon lalo na kung kinakailangan niyang mag-isip at lumanghap ng sariwang hangin na nagmumula pa sa karagatan.

Habang