Chapter 192

Hindi agad nakapagsalita si Ian sa ipinahayag ni Cassey. Ilang beses pang napalunok ang binata bago naibuka ang bibig at ang tanging nasabi lang sa anak ay ang salitang ‘Thank you’.

Malakas namang natawa si Cassey sa ikinilos ng ama kung kaya kahit papaano ay naibsan ang bigat ng nararamdaman nila ng mga sandaling iyon.

Nakitawa na rin si Ian sa anak at napuno nga ng halakhak ng dalawa ang basement na kinaroroonan nila.

Narinig pa sila ng dalawang bantay sa labas ng pintuan na nagtatakang napalingon sa kinaroroonan nila bagama’t nakapinid pa rin ang pintuan kung kaya hindi sila nakikita ng mga ito.

Pagkatapos ay nagtinginan na lamang ang dalawa sa isa’t isa at sabay pa na nagkibit-balikat bago muling itinuon ang atensyon sa kaniya-kaniyang trabaho.

Sa bahagi naman ng mag-ama ay muling tumahimik ang dalawa at ilang segundo muna ang pinalipas ni Cassey bago muling hinarap si Ian.

“Then, dad, can you tell me now kung ano ang ginagawa mo rito? Bakit bigla kang nawala at hindi na nagpa