KABANATA 46

Namigat ang paghinga ni Bea sa bawat dampi ng labi ni Levi sa kanyang balikat. Ang malapad nitong dibdib sa kanyang likod ay sapat na upang kuhanin ang buo niyang lakas. Ang bawat himaymay ng kanyang katawan ay tila pinapaso. Kung hindi bukas ang shower ay malamang na magliliyab siya.

Napapikit siya ngunit napamulat noong patayin nito shower. Nawala ang tubig na kumakalma sa katawan niya.

"Gusto mo talagang magtrabaho sa kumpanya ko?" maingat nitong tanong bago siya marahang hinarap. Ang mga kamay nito ay nakahawak na sa magkabilaang braso niya.

Nagtama ang kanilang paningin. Ang mga kayumangging mata nito ay nagbabaga ngunit may kalakip na galit.

Napasinghap siya, "Gusto ko. Pero kung ayaw mo... hindi ko ipipilit."

Iba na ang gusto niya. Ang gusto niya ay makaalis na sa puder nito. Makalayo sa lalaki at tumira ng tahimik.

Sumilay ang ngisi sa mga labi nito. Pagkatapos ay marahan siyang sinandal sa pader.

"I am not a fool, Bea. You have other plans?"

Mahina ang pagkakabigkas nito pero