Forty-first Trip: New Part-timer

Lumilipad ang aking isipan habang nakatingin sa propesor naming abala sa pagtatalakay sa harap. Hindi mawala-wala ang katanungan sa aking isipan dahil sa kinuwento nina Giovanni at Christine sa akin kanina. Bakit kahit isa'y wala akong maalala? Napahawak ako sa aking ulo at mariing napapikit, pinipilit inaalala ang mga sinabi ng mga kaibigan ko. Subalit natapos lang ang aming klase, kahit isa'y wala akong maalala.

Hindi ko maiwasang makaramdam ng pagtataka nang pumasok ako sa MHU kanina. Matinding kaba ang aking naramdaman nang malaman ko mula kay Giovanni at Christine na higit isang buwan na akong 'di nakapasok sa paaralan. Akala ko'y magagalit ang aking propesor sa una kong klase ngayong umaga dahil sa rami ng absent ko sa kanyang asignatura. Ngunit nagulat na lang ako na hindi siya galit sa akin at pinapasok na lang ako sa klase.

"Miss Dela Vega, can I talked to you in my office?"

Bago pa man ako makalabas sa aming silid-aralan, nagitla ako nang tawagin ni Ma