Revelation

Chapter 5

Claudia Diaz POV

Nagpakilala itong si Elaine sa mga staff. Ibine-landra niya ang katawan niya sa Amores Building.  Siya daw ang fiancé ni Van at malapit na silang magpakasal.  Ang yabang niya.  Napakahaliparot naman.

Hindi pa rin ako nagpakilalang ako ang asawa ni Van Amores.  Ang akala niya ay simpleng assistant lang ako nito.  Pumayag naman si Van.  Gusto ko kasing makita at malaman ang tunay na intensiyon nito.  Nalaman ko na, hindi natuloy ang pakikipag-ugnayan niya kay Miguel.  Nakukulangan siya rito at naghahanap ng mas mayaman at mas makapangyarihan.  Sinuportahan pa rin siya ng kanyang mayayamang mga magulang. Sunod-sunuran ang mga ito sa kanya.

Mas matalino na ako ngayon. Hindi ko na hahayaang may makasira sa amin ni Van, sa lalaking mahal ko.  Buo ang tiwala ko sa kanya, pero hindi pa rin ako kampante sa mga babae na katulad niya na umaaligid na gaya ng ahas na naghihintay ng pagkakataon para mangbiktima.

Kinukuwento pa niya sa akin na patuloy pa rin siyang hinahabol ni Miguel. Naghahanap siya ng mga pagkakataon para inisin ako. Wala na akong pakialam sa mga sinasabi niya. Malaya na ako sa mga taong iyon.

Naghanda na rin si Van ng mga ebidensiya laban sa mga banta ng mga Montefalco.  Kaya hindi na ako dapat matakot, at kaunting panahon na lamang ay maipagbabangong-puri ko ang aking pangalan.

Naitanong ko kay Van, kung bakit ako ang pinili niyang maging asawa.  Ayon sa kanya, sa simula pa lang ay alam na niya.  Nakilala na niya ako noon pa.

“I specifically chose you.”

Teenager pa ako noon.  Nagkrus na ang landas namin sa Luisiana. Naging tauhan siya ng aking ama sa negosyo nito habang nag-aaral pa siya sa kolehiyo at di niya makakalimutan ang kabaitan nito.

Naibahagi niya rin na hindi naman siya lumaki sa pamilyang Amores at di niya dinala ang apelyido nito noon, pero dahil sa kasabikan na magkaroon ng anak na lalaki ay pilit siyang kinuha mula sa kanyang ina, natutuhan niyang hindi laging patas ang laban sa buhay kaya natuto siyang pag-aralan at laruin hanggang sa naging eksperto na siya. 

Habang pinapakita sa kanya ang mga aplikasyon noon para sa bagong assistant position, nakita niya ang pangalan ko at mula sa larawan ay alam niyang ako ito.  Nanabik siya bawat araw, hindi man niya ipinahahalata, ay nag-aalab na ang damdamin niya para sa akin.  Kaya, sa pagkakataong  hinimok siyang mag-asawa na at kumuha na mula sa mayayamang magdadagdag ng kapangyarihan.

Nakaisip siya ng paraan.  Hindi na siya papayag na madiktahan pa. 

Ang gusto niya ay ako lamang.

“Van, saan mo gustong magpakasal?” sinadya ni Elaine na iparinig sa akin ito

Hindi kumibo si Van.  Naroroon ako at nakikinig.

“Claudia, na-experience mo na bang mapakasalan?” pangiinsultong tono ng boses nito.

“Van, basta ako gusto ko ng grand wedding ha, just like Princess Diana’s or mas engrande pa.

“Kaya mo namang ibigay sa akin ’yon, ’di ba?” malanding pagtatanong niya.

“For our honeymoon, san mo gusto? Puwede bang ako rin ang pumili?”dagdag pa niya.

Lumapit siya kay Van para lambingin ito.  Nagbuhos ako ng tubig sa baso at nagkunwaring iaabot ito kay Van, pero itinapon ko ito sa kanya.

Nagulat siya dahil sa napakalamig ng tubig, kaya nagsisigaw at nag-hysterical siya.  Sa isip-isip ko, pasalamat siya dahil malamig lang ’yon, pero sa susunod, titiyakin ko na mainit na ito.

Simpleng natatawa si Van.

“I’m sorry, Ms. Elaine, hindi ko po sinasadya,” pagkukunwaring sinabi ko sa kanya.

“Fire this bitch  Van.” utos sa asawa ko.

“Don’t make a fuss about it, Elaine, tubig lang yan,”  ang sagot niya.

Lumabas na lamang ito sa opisina dahil basang-basa siya. Unang lihim na pag-atake ko pa lamang ito. Marami pang susunod.  Nilapitan ako ni Van at hinawakan niya ang baywang ko.

“Jealous? I like that.”pagbibiro nito.

Biglang pumasok si Ms. Linda kaya nagulat kaming pareho. Patay-malisya siya at kunwaring may inuutos sa akin.  Pero matalas ang pakiramdam ni Ms. Linda dahil sa edad niya; alam niya ang nangyayari. 

Nag-report na ito sa kanya.  Ako naman, dahil sa hiya ko, ay lumabas na rin ako ng CEO’s Office.

Kumalat ang mga tsismis tungkol kina Van at Elaine.  Kaya mas lalong lumalakas ang loob ni Elaine para magreyna-reynahan sa loob ng Amores Building.  Kapag dumadaan siya, ay yumuyuko ang lahat at bumabati sa kanya. Proud na proud naman sa sarili ang walang hiya.

Marami siyang eksena para magpapansin sa asawa ko.  At ang pinili niyang playground ay ang opisina. 

Sa isang pagkakataon, naimbitahan sina Van at ang mga executive sa isang event.  Pupunta roon ang mga kilalang negosyante, politiko at mga high-profile sa lipunan. Ang host ay ang pamilya ni Elaine.      

For a Charity Cost daw iyon. At gusto ni Van na sumama ako.

“Kailangan ko ba talagang sumama diyan?”

“Of course, you need to be there. Marami kang makikilala doon at lalawak ang socials mo.”

“Don’t worry about it, I've got you, Honey. Magtiwala ka lang.”

Dumating ang araw ng event at namili na ako ng isusuot.  Sabado ito, pero umalis si Van para may asikasuhin na mahalagang bagay.  Pagkatapos niya akong halikan, nagbilin siyang magkita na lamang kami sa event.  Susunduin ako ng driver.  Tumango na lamang ako kahit napipilitan.

Habang nagpapahinga sa aming silid, kumatok ang isang kasambahay.

Inabot niya sa akin ang isang malaking box.  Nang buksan ko ito, naglalaman ito ng puting gown, sapatos at emerald na hikaw at necklace. Nasa note ng box “I hope to see you tonight, my love” from Van.

May mga dumating ding glam team, para tulungan akong magbihis.

Nang nasa venue na ako, karamihan ay pinagtitingnan ako. Na-conscious ako dahil baka masama ang hitsura ko.  Sinalubong ako ni Mr. Glenn Ferrer.

“Wow, Claudia, you look stunning.” Nginitian ko na lamang siya.

Nanduduon na rin si Elaine. Ang sama ng tingin niya sa akin. Nakasuot siya ng itim na gown. Pero mukhang natalbugan ko siya dahil nanlilisik ang mata niya sa akin.

“Claudia!” Nakilala ko agad ang boses na iyon. “Si Van”

Lumapit siya sa akin na napakalaki ng ngiti. Bumulong siya sa tainga ko. “You’re so beautiful.” Kinilig ako habang naririnig ko ito.

Mabilis namang lumapit si Elaine at nilingkas ang asawa ko.

“Oh, darling.” Biglang humalik ito sa pisngi niya.

Muntik ko na siyang  masuntok. Mabuti na lamang at napigilan ko ang sarili ko.

Kapag nalilingat si Elaine, pumupunta sa akin si Van. Hindi nalalayo ang tingin nito sa akin at nakabantay pa rin.

Malapit nang matapos ang event, kaya nagspeech na ang ama ni Elaine at sa harap ay tinawag niya sa Van, at pagkatapos ay sumunod na rin si Elaine.

“Mr. Amores, do you have something to say.  Everyone is excited sa sasabihin mo.

Kinuha niya ang mic. In-address niya ang presence ng mga tao doon.

Lumapit at humawak si Elaine sa kanya. Ang laki ng ngiti nito at proud na proud sa sarili.

Tumingin siya dito.

“Every one, Elaine” dahan – dahang nagsalita.

“Let me introduce. The one I love, my wife.”

“Mrs. Claudia Diaz Amores.”

Gulat na gulat ang lahat na naroroon. Iba-iba ang mga reaksiyon, anupat napuno ang bulwagan ng mga bulong-bulungan.

Maging ako ay hindi makapaniwala sa ginawa niya.  Bumaba si Van sa stage at nilapitan niya ako na may napakalaking ngiti. Kinuha ang kamay ko at hinalikan ko ito.