The Offer

Chapter3

Claudia Diaz POV

Dumating si Mr. Amores sa kanyang opisina. Kasunod niya ang 6 na executive.  Tumayo ako nang tuwid at taas noong bumati sa kanya.

Huminto siya at tiningnan niya ako mula ulo hanggang paa. Walang ekspresyon ang mukha niya habang ginagawa iyon. Pagkatapos ay pumasok na. Halos natataranta ang mga executives sa presensiya niya.

Sinenyasan lang ako ni Ms. Linda para pumasok din ako sa loob ng opisina nito.

Hindi ko naiintindihan ang mga sinasabi nila—mga terminong ngayon ko lang narinig.  Kaya lagi akong nakakagat sa labi ko.  Nagsusulat na lang ako na mga narinig ko. May mga tinatanong siyang  detalye at mabuti na lamang ay nandito si Ms. Linda para sumagot nito.  Nakinig na lang muna ako nang maigi, gaya ng tip ni Ms. Linda.

Bigla siyang nagsalita, at nagtatanong, “What to do with those who abuse their power?

Walang sumasagot. Sa pagtataka , inangat ko ang ulo ko at tumingin sa kanya.  Ako pala ang tinatanong niya, kaya sa pagkapahiya, mabilis ko na lang nasabing “Tinatanggal po.”

Natawa siya sa sinabi ko. Pero tumahimik siya at nagsimulang magsalita nang napakaseryoso.

“Hindi basta-basta tayo nagtatanggal; laging may proseso dahil puwede kang balikan nito.”

Sumang-ayon naman ang mga taong nandudoon. Hiyang-hiya ako sa sinabi ko. Inisip kong nagkamali ako.  Simpleng tao lamang ako, kaya nakapagsalita ng ganoon, pangangatwiran ko.

Nakakapanindig-balahibo si Mr. Amores. Nakahinga na lamang ako nang natapos na ang meeting with the executives. 

Umupo na ako sa table na nadidismaya sa sarili.

Dumaan siya sa harap ko at ibinagsak ang librong “Surrounded by Idiots”

At pagkatapos ay umalis na.

“Grabe siya sa akin, idiot daw ako?” Pero okay lang iyon; mas nakaka-challenge ito.

Lumipas ang mga buwan na nakasunod ako kay Mr. Amores. Halos nakakasabay na ako sa kanya, sa tingin ko. Ipinasa na rin ni Ms. Linda ang ilang major commitment nito at ako na ang nag-asikaso.  Totoong istrikto si Mr. Amores, pero marami kang matutuhan sa kanya.  Makatuwiran din siya: kapag may sakit ka, ay hindi ka naman niya pipiliting magtrabaho.

Isang gabi, nagkaroon ng major problem sa isang account na hinahawakan nila.  Kaya napilitan kaming mag-overtime. Masipag si Mr. Van Amores, kaya nakakahiyang magtatamad-tamad ka. Pinauwi na nito si Ms. Linda dahil sa edad nito. Kaya wala siyang choice kundi ako. 

Habang pinagmamasdan ko siya, di ko maiwasang humanga.  Napakakisig niya, maganda ang mukha niya at mukhang ang bango-bango palagi. Nagpapantasya na yata ako sa kanya, kaya ginising ko na lamang ang sarili ko.  Nagtama ang tingin namin, kaya bigla na lamang niya akong inutusan na hanapin ang isang file. Noong nakita ko ito, lumapit na ako sa kanya, at inabot ko ito.  Nagbibigay siya ng mga input niya. Pinapakinggan kong mabuti ang bawat detalye. Pagkatapos ay  sinimulan ko nang gawin iyon. Mag-alas-11pm na pala nang tingnan ko ang relo ko.  Pinipigilan ko ang antok ko, pero di ko namalayan na nakatulog na pala ako.  Namalayan ko na lang na may coat na sa balikat ko at wala na siya.  Nagbilin na lamang siya sa security na samahan ako at ihatid sa bahay.  May mga naka-standby na driver sa company.

“Ang sweet naman niya.”pagpapantasya ko.

Mag-alas-2pm na noon, siguro makakatulog pa ako ng kahit 3 oras lang.

Kinaumagahan, nagmamadali na akong pumasok, kahit late na akong nakauwi. Hindi pa rin valid iyon para mahuli.  Pero pagdating ko sa opisina. Nauna pa rin siya sa akin. Tinawag niya ako at tiningnan ang ginawa ko.  Nakuntento naman na siya, kaya't pinaupo na niya ako.

May dumating na delivery ng Café Americano, isa pang additional na Latte at Apple Juice at 1 sandwich.  Dinala ko ito sa kanya at kinuha niya ang café americano at sinenyasan niya ako na kunin ko ang latte, apple juice at sandwich.

“Thank you Sir” ang saya naman sa isip isip ko

“Ms. Diaz, naayos mo na ba ang reservation mamayang lunch?

“Opo, Sir,”tugon ko

Kaya lang, biglang umalis si Mr. Amores at pinaka-cancel ng last minute ang appointment namin sa isang major client. Tinanong niya ako kung kaya ko daw na ako na lamang ang makipag-usap dito. Sumang-ayon naman ako, dahil alam ko na ang mga gusto at mga ayaw niya.

Ok naman at natapos ko ang lunch meeting. Gumawa na ako ng summary at  mga kontrata na puwedeng niyang tingnan pagpasok niya kinabukasan.  Naisip kong bumalik na lamang ako sa office para ayusin ito.

Pagkatapos ko sa mga ito, tumungo na ako sa loob ng opisina niya,  nagulat ako at naroroon siya

“Ay, Sir, sorry po, andito pala kayo.” sabi ko na takot na takot.

Ang dilim dilim sa office nya, pero hindi ko mabuksan ang ilaw dahil baka ikagalit niya.

“Ms. Diaz, maupo ka,” utos niya.

Bigla kong nagisip, “May nagawa ba akong mali?”

May inabot siyang papel sa akin, isang marriage license, at nakalagay ang pangalan ko, Claudia Diaz, kaya biglang nanlaki ang mata ko tapos ang spouse, Vanruth Amores.

“Sir, ano po ito? Tanong ko

“After signing that, magiging marriage contract na iyan bukas.”

“Ha?” Pagtataka ko.

“Bakit? Kasal ka na ba? pagtatanong niya

“Hindi po, pero…” tugon ko.

Sa isip ko: “Oo, akala ko noon kasal na ako kay Miguel Montefalco, pero sinabi ng bruhang si Senyora Ingrid na peke pala ang kasal-kasalan namin noon.”

“Here’s my proposal: Be my wife. And you will get some of my estate and my whole protection.  Hindi kita gagalawin kung ayaw mo, pero titira ka sa bahay ko,” paglalatag nito.

“May mga conditions ka ba? Tanong niya sa akin.

Hindi po madaling magpakasal, Sir. Hindi po ninyo ako lubos na kilala at ganoon din kayo sa akin.  Maaaring sa trabaho ay kilala ninyo ako pero…

“I have my reason, Claudia, and besides, we have all the time in the world para makilala mo ako, what you see is what you get,” ang sabi nito.