Chapter 58

ABOT abot ang kaba sa dibdib ni Taphney habang dahan-dahan na naglalakad palabas ng bahay ni Jake sa gitna ng kalaliman na gabi.

Hindi siya sigurado kanina kung ano ang eksaktong oras umalis ang binata. Nagmamadali lang itong nagpaalam sa kanya habang may kausap sa telepono.

“Sigurado ka bang walang makakakita sa atin dito, Alex? Baka naman masundan tayo ng mga tauhan ng pinsan mo ah.” Mahina man ay dinig na dinig iyon ni Taphney na tanong ni Mila sa isa pa nilang kasama na si Alex.

“Oo Mila. Magtiwala ka lang. Dito ako dumadaan kapag sumasalisi ako ng pasok dyan sa bahay ni Jake eh. Dito ko nga rin idinaan ang daddy ni Miss Taphney.”

Kahit papaano naman ay nabawasan ang nerbyos sa katawan ni Taphney nang marinig niya ang sinabing iyon ni Alex.

Hindi siya sigurado kung gaano na ba kalayo ang nilalakad nila ngayon, basta ang alam niya lang ay nakasunod siya sa likod ni Alex habang si Mila naman ang nasa likod niya.

“Where do you think you are going?”

Animo’y isang kriminal na na