CHAPTER FOURTY NINE

“KUMUSTA KA NA, MAHAL?” malambing na sabi ni Markus sa kabiyak nang dumating ito mula sa opisina isang gabi. Dinampian pa nito ng masuyong halik sa labi si Helena na mahigpit namang yumakap sa kan’ya.

Masigla si Helena nang mga sandaling iyon habang minamasdan si Mandy na pinakakain ng yaya nito.

“Oh, finally you’re here. Kanina pa kita hinihintay, mahal. Nagugutom na nga ako.” Malambing din na wika ni Helena na kumapit pa sa braso ng asawa.

Kumunot ang noo ni Markus. “Di ba sabi ko, kapag nagugutom ka na, huwag mo na akong hintayin. Sana’y kumain ka na. Aba, pati ‘yang mga anak mo, magugutom din.”

“No worries, mahal. Nag-milk naman ako and some cookies kanina. Gusto ko lang talagang sabay tayong mag-dinner today since lagi akong tulog na pag dumarating ka. Saka nagpaluto rin ako ng paborito mong sinigang na baka.”

“Wow, sarap! O, eh bakit ngayon hindi ka pa natutulog?” ani Markus na nilapitan muna si Mandy at hinalikan. “Hmmnn, bango ng baby ko, a? Aber, paamoy nga si daddy sa kilik