17 - Ipagtanggol

17

Okay. Binablackmail niya ako at alam niya na si Papa ang kahinaan ko. Sa ngayon medyo may tampo ako kay papa. Ampon niya lang pala ako, pero hindi man lang niya sinabi. Hindi ko kailanman iyon naisip dahil hindi niya pinaramdam na hindi niya ako anak.

Nasa kwarto na ako ni Janica. Tulog na tulog na ito habang ako ay tahimik na umiiyak dahil sa pag-iisip ng lahat ng nalaman ko sa buhay ko. Napakaraming tanong na gusto kong itanong sa kanila, lalo na kay Papa.

Iniisip ko na baka nagsisinungaling lang sila, pero tuwing iniisip ko kung ano naman mapapala nila sa pagsisinungaling ay napapahagulgol na lang kasi alam kong wala silang mapapala. Wala silang mapapala kung mantitrip lang sila.

Mugto ang mata ko kinabukasan dahil hindi ako nakatulog ng maayos. Pagbaba ko ay walang tao sa baba, pero naririnig ko ang boses nila sa labas. Dumeretso ako sa kusina, pero nagdalawang isip akong tumuloy nang makita ko si Yrony roon.

Nakaharap ito sa laptop niya habang may kape sa gilid niya. Napasulya