Chapter 110- PRE-BATTLE

LABIS ang pagkagulat ni Andrea nang makita si Leopold sa event na siya mismo ang nag organisa.

“Leopold?” tawag niya sa binata. Nakita niya kung paanong manlaki ang mga mata nito dahil sa pagkabigla.

Napatayo si Leopold mula sa pagkakaupo upang harapin ang dalaga. Dahil na rin may kadiliman ang paligid ay mabilis lang na nawaksi ni Leopold ang bumadhang pagkagulat sa kaniyang mga mata.

“A-Andrea,” usal ni Leopold.

“W-what are you doing here?” Nag-aalangang tanong sa kaniya ni Andrea.

Madarama ang awkwardness ng dalawa para sa isa’t-isa ng mga sandaling iyon.

“Captain?”

Sabay na napalingon sina Andrea at Leopold sa lalaking bagong dating. Si Damian. Napansin pa ni Leopold ang mabilis na pagpulupot ng braso nito sa beywang ni Andrea na para bang hayop na minamarkahan ang kaniyang teritoryo.

“Damian,” anas ni Leopold.

“What brought you here, Cap?” tanong ni Damian.

Agad naman na nag isip ng dahilan si Leopold. Hindi naman niya maaaring aminin sa lalaki na narito siya sa event dahil sa is