chapter 2

Nang matapos ito sa mga gawaing bahay agad naman itong umalis at tumungo sa merkado gamit ang kanyang lumang motorsiklo na parati niyang ginagamit sa tuwing umaalis ng bahay.Habang kasalukuyang nagmamaneho patungo sa merkado may isang itim na mercedes benz ang tumigil sa kanyang harapan at mabilis na ibinaba ang tinted sa likurang bintana at isang matandang lalaki na nasa edad na 60's ang kasalukuyang nakatingin sa kanya habang dumadaan siya sa harap nito.Agad naman siyang napatigil ng mapagtanto nitong parang pamilyar sa kanya ang matandang ito.

Nagkasalubong ang kanilang tingin at ang lalaki sa loob ng sasakyan ay agad namang bumaba at tumungo sa kanya.Yumuko ito sa harap nya at sinabing,"Young Master! Sa wakas nahanap ka na rin namin!Sa loob ng tatlong taon hindi kami tumigil sa paglilibot upang makita ka! Umaasang darating ang araw na masusumpungan din namin ang ganitong pagkakataon na ikaw ay masasalubong namin!Ang tagal nang panahon mula ng huli kitang makita!"

Napakunot ang noo ni Lester at tila ba ay iniisip ang salitang kanyang narinig mula sa matandang lalaki na kanyang kaharap. "Bogart ikaw ba yan?" Agad namang binawi ng matandang lalaki mula sa pagkakayuko ang kanyang ulo at humarap kay Lester. "Opo Young master ako nga at nalulugod ako na ako ay iyo pang naaalala sa ilang taon nating hindi pagkikita."

"Makakalimutan ko ba naman ang isang tulad mo na inialay ang buong buhay at taos pusong naglilingkod ng may buong katapatan sa pamilya ng Madrigal." Saad ni Lester at agad na hinawakan ang kaliwang balikat ni bogart habang sinabing,"kamusta kayo? at ano naman ang inyong dahilan upang hanapin ako? Hindi ba't itinakwil na ako ng aking tiyuhin na kasalukuyang namumuno sa pamilya Madrigal?"

Sumagot si Bogart at nagwika, "Mahabang kuwento Young master,halika at ihahayag ko sa iyo ang buong pangyayari.Humanap tayo ng isang lugar na tahimik upang mapag usapan natin ang sitwasyon." Dali daling pumasok ng sasakyan si Bogart at isinara ng bodyguard na naka itim suit ang likurang pinto ng kotse at nagmaneho nang sumusunod sa naka motorsiklo na si Lester.

Huminto sa isang Coffee shop di kalayuan sa merkado si Lester at sumenyas sa kotseng nasa kanyang likuran na iparada sa gilid.Bumaba si Lester at nagtungo sa likurang bahagi ng coffee shop kasunod si Bogart at umupo sa magkatapat na dalawang sofa sa gitna ang parisukat na babasaging lesita. Ang paligid ay puno ng mga halaman,samyo ang sariwang hangin na mahinang dumadampi sa kanilang mukha.Ang itaas na bahagi ay lanai,gumagapang dito ang halaman at nakabagsak ang mga ugat nito na kulay rosas.Maaaninag sa lugar na ito ang sariwang mga halaman at kapayapaan ng lugar.

Lumapit ang isang serbidora na may ngiti,bakas dito ang maamong mukha,mapupungay na mga mata at balingkinitan na pangangatawan.Inabot ang menu at agad naman kinuha ito ni Bogart,bahagyang tumingin sa menu at ngumiti sa serbidora at sinabing "dalawang cafe americano." Agad na tumalikod ang serbidora at nagtungo sa counter upang gawin ang order.