KABANATA 22

Kabanata 22

Nanatiling nakakabaliw ang pintig ng puso ko sa loob ng dibdib ko matapos kong basahin ang sulat.

Bakit kailangan pa niyang ibigay sa akin ang mga ito?

Nang maramdaman kong titingin na sa akin ang mga kasamahan ko, agad kong itinago ang sticky note sa loob ng aking bulsa, kunwari ay kalmado na ako kahit ang totoo ay kinakabahan pa rin ako.

"Wow! Isang bote ng orange juice at isang box ng donuts! Saan galing yan Deandra?" Nagulat na sabi ni Maecelle.

Natulala ako dahil sa tanong niya.

Ayokong magsinungaling pero ayoko ding malaman nila na galing kay Sir Franco ang mga pagkaing ito dahil baka mali ang iniisip nila tungkol dito.

Sasagutin ko na sana si Maecelle at gagawa na lang ng alibi nang biglang nagsalita si Nicole at agad kong pinasalamatan siya sa loob ng aking ulo dahil sa ginawa niyang iyon.

"Sino pa kaya? Baka galing sa isa sa mga secret admirer niya!" Masayang sabi ni Nicole at humagikgik pa siya sa kinauupuan niya.

Nginitian ko na lang siya ng kinakabahan at para