KABANATA 5

GELLAN

I woke up in Casino de Vara's clinic at naalala ko lahat ng nangyari sa loob ng ring kanina and it's disgusting. Sa tuwing maiisip ko pa lang na pinatumba ako ng isang babae sa harap ng maraming tao gusto ko na siyang ipa-torture.

Inikot-ikot ko ang ulo ko habang nasa leeg ang kanang kamay ko. Sumakit ang katawan ko dahil sa babaeng ‘yon. Kapag talaga nakita ko siya ulit patay siya sa akin.

"Okay ka lang ba kuya?" tanong ni Vivien, she's my stepsister but we're on the same age. Naka-upo siya ngayon sa sofa na katabi ng pinto habang yung dalawa naman ay nasa clinic bed na katabi ng higaan ko.

"I'm not okay, pinahiya ako ng babaeng ‘yon. Ipinahiya niya sa maraming tao ang isang Gellan Montefalco, ano na lang ang iisipin ng mga tao sa akin? Na mahina ang anak ni George? tsk hindi n’ya yata kilala kung sino ako." Hinagis ko sa pader ang hawak kong mansanas.

"Hindi n’ya alam kung anong kaya kong gawin sa kaniya," dagdag ko.

"Halata namang kilala ka n’ya, tinawag ka niya sa buo mong pangalan. Alam niyang ikaw si Devil at isa kang Montefalco,"  saad ni Tristan.

"So you mean hindi siya natatakot sa akin gano’n ba?" Bumangon ako sa pagkakahiga dahil sa inis.

"Maybe or maybe not, alam naman n’ya siguro ang kakayahan ng pamilya mo. Kaya n’yo siyang parusahan but still kinalaban ka pa rin n’ya," dagdag niya pa.

"Talaga pa lang matapang siya ah, tingnan natin ang tapang niya kapag nahanap ko siya. I'll make sure na bibigyan ko siya ng torture na hindi niya makalilimutan." I smirked.

"Stop your nonsense plan kuya, hindi ka naman kasi belong sa away nakikisali ka. Tapos kapag nasaktan ka magagalit ka, mukha kang tanga alam mo ‘yon?" saad ni Viv.

"What did you say? Pinagtatanggol ko lang naman ang girlfriend ko against her. Siya itong masama, binali niya ang braso ni Harvey tapos sinaktan niya pa si Crimson at ipinahiya niya pa ako,"

inis na sabi ko.

Quota na ang babaeng ‘yon ah. Masasaktan na talaga sa akin ‘yon.

"And I'm sure pinagtatanggol lang din ni Evil ang sarili niya kuya. Sino namang mag-aakala na magdadala ng baril si Crimson sa laban,"

"At Gellan pre, kasalanan mo kung bakit ka napahiya," dugtong ni Allen.

"Ah so kinakampihan n’yo pa siya. Have you forgotten kung anong ginawa niya?" buwelta ko.

"Hindi namin siya kinakampihan, ang sa amin lang don't blame her sa humiliation na nangyari sa inyo because first of all si Crimson ang nag-invite sa kaniya sa laban at ikaw nakialam ka sa away nilang dalawa," depensa ni Tristan.

"So technically, mali kayo ng taong kinalaban. Siguradong may dahilan din siya kung bakit n’ya ginawa ‘yon kay Harvey," dagdag ni Vivien.

"At ano naman kaya ang nonsense na dahilan n’ya?" inis kong tanong.

"Kilala mo si Harvey, marami siyang kalokohan lalo na pagdating sa babae," sagot pa ng kapatid ko.

"Okay fine, bakit ba ninyo siya pinagtatanggol? Mas maniniwala pa kayo sa kaniya kaysa kay Harvey? Sinabi na nga niya ‘di ba si Evil ang nauna," yamot na sabi ko.

Bagay nga sa kaniya ang codename na Evil, sobra n’yang sama.

"And you think maniniwala kami ro’n? My goodness kuya, I know him masama ang budhi no’n,"

"Then kinakampihan n’yo nga siya,"

"Hindi nga bro, basta sa side kami ng tama," saad ni Allen.

"At paano n’yo naman nalaman na tama ang Evil na ‘yon? E mukha ngang masamang tao talaga ‘yon,"

"Masamang tao ka rin naman, wala kayong pinagkaiba," sabi ni Tristan.

"Hindi kami magkatulad, isa siyang mababang uri ng kriminal," inis na buwelta ko.

Pero tumawa lang silang tatlo.

"Anong tinatawa-tawa n’yo diyan?" Pinagtuturo ko sila.

"Wala ka talagang idea kung sino ang kaharap mo sa ring kanina ano Gellan?" tanong ni Tristan. Nang-iinsulto ba siya? Ano naman ang akala n’ya kilala ko lahat ng tao?

"What are you trying to say?"

Totoo namang hindi ko kilala ang babae na ‘yon. Ngayon na lang ulit ako bumalik dito sa Cavite. Malay ko ba kung sino siya, mga magaganda at sexy na babae lang ang kilala ko ang mga gano’ng babae na katulad n’ya hindi ko pagkaka-abalahang kilalanin.

"Si Evil, siya ang most well known killer sa buong bansa. At hindi siya low class na kriminal bro, hindi siya basta-bastang killer lang. At hindi ka maniniwala kung sino-sino na ang mga pinatay n’ya," paliwanag ni Allen.

"Also, siya ang Queen ng underground fighting arena. Kung ikaw ang hari sa Manila siya ang reyna dito sa Cavite," dagdag ni Viv.

Impossible, siya ang Evil na hinahangaan ng mga tao dito?

"Are you kidding me? I didn't expect na mababa na ang standard ng UFightA para piliin siyang queen," sabi ko.

"For your information kuya, iyong Evil na minamaliit mo ngayon ay pinatumba ka kanina. If you could only see your face habang nakabulagta sa ring." Tumawa siya ng malakas.

"Tumigil ka nga sinuwerte lang siya, at saka puwede ba tigilan mo na ang pagtatanggol sa kaniya," buwelta ko.

"Tanggapin mo na lang kuya na mayroon pang mas magaling sa’yo at si Evil ‘yon," mapangasar na sabi ni Viv.

"Shut up!"

Hindi na siya umimik ulit at nagtuon na lang ng pansin sa cellphone n’ya. Kapatid ko s’ya, alam n’yang nagagalit na ako. Hindi na ako nagsalita pa dahil wala ng patutunguhan ang usapan. Ginala ko na lang ang paningin ko sa buong kwarto ng biglang naalala ko si Crimson.

Shit ‘yong girlfriend ko!

"Si Crimson nasaan siya? Is she okay?" tanong ko sa kanila.

"She's alright bro don't worry," sagot ni Tristan.

"Of course she's okay, ang mga masasamang damo matagal mamamatay." Nakatawang dagdag ni Vivien.

Here we go again.

"Stop it Viv, she's my girlfriend,"

"Who cares? Kayo ba guys do you care?" tanong niya sa dalawa pa naming kasama.

"No comment," sagot ni Allen habang si Tristan ay hindi sumagot.

Hindi ko na lang sila pinansin. Alam ko namang ayaw nila kay Crimson but she's trying her best para mapalapit sa mga kaibigan at kapatid ko.

*tok* *tok*

Napatingin kaming lahat sa pinto.

"Babe it's me Crimson," tawag ni Crimson kaya sinenyasan ko si Viv na buksan ang pinto.

"Hindi ba puwedeng sa labas na lang siya?" Inis siyang tumayo at binuksan ang pinto. Pagbukas ay agad lumapit sa akin si Crimson.

"Oh my gosh babe." Bigla niya akong niyakap.

"Anong nangyari sa’yo? Are you alright, may ginawa ba siya sa’yo tell me?" worried na tanong niya.

Nginitian ko lang siya saka ko inabot ang dalawang kamay niya. Nag-aalala talaga siya.

"Babe I'm fine h’wag ka ng mag-alala, ako dapat ang nagtatanong n’yan sa’yo. May sugat ka ba or something? Sabihin mo lang at ako ang bahala sa babaeng ‘yon," saad ko.

"Okay lang ako kaunting galos lang ‘to, why did you do that kasi? Bakit ka pa pumasok at inaway si Evil. Look what happened to you tuloy." Nakasimangot niya akong hinampas sa braso.

"Why not? Gusto ko lang turuan ng leksiyon ang babaeng ‘yon dahil sa ginawa n’ya sa’yo at sa kuya mo,"

Kung hindi lang talaga nakahanap ng butas sa akin ang Evil na ‘yon baka siya ang nakahiga ngayon sa clinic bed.

"I know babe, thank you for doing that,"

"No need to say thank you, mahal kita kaya ko ‘yon ginawa. If you want lalabanan ko siya," mungkahi ko.

"No!" singhal n’ya.

"You can't do that kuya, I'm sure UFightA will suspend you dahil sa pakikialam mo sa laban ng iba. Which mean hindi ka puwedeng lumaban for at least a week," sabi ni Viv.

What?

"Hindi nila puwedeng gawin ‘yon sa isang Montefalco," reklamo ko.

"Alam mong pantay-pantay ang mga kriminal kapag nasa arena sila. Hindi ka nila bibigyan ng pabor kahit anak ka pa ng Asia's syndicate president," dagdag ni Tristan.

What the hell!

"Kasalanan ‘to ng Evil na ‘yon!" singhal ko.

"Of course siya ang may kasalanan, nakakainis talaga siya. Pagbabayarin ko ang Anya na ‘yon sa susunod na magkita kami. Kakalbuhin ko talaga siya!" kitang-kita sa mukha ni Crimson ang matinding galit.

"You know her?" biglang tanong ni Viv.

"Tinawag mo siyang Anya, iyon ba ang real name niya?" dagdag ni Allen.

Tiningnan ko naman si Crimson.

"Of course I know her, classmates kami before ako lumipat sa Black University. At matagal na kaming magka-away ng babaeng ‘yon," sagot niya.

"At ngayon madadag-dagan pa ang kaaway n’ya. I don't really like her, masyado siyang mayabang," inis kong sabi.

"You're right, palibhasa wala siyang class," sambit ni Crimson.

Curse that woman! Ipagdasal n’yang hindi na kami magkita ulit dahil hindi ko talaga palalampasin ang ginawa n’ya sa akin at sa girlfriend ko.

Nanatili kami ng isa pang oras sa clinic before we decided na umuwi na lang. Nagpunta lang naman talaga kami sa casino para sa laban ni Crimson.

KRIXXENN

"Chief, umalis sila ng bahay kaninang 9 pm," sabi ko pagkasagot n’ya ng telepono.

"Nasaan sila ngayon?"

"Sinundan ko sila at dito sila pumunta sa Casino de Vara,"

"What? Sinabihan ko na ang magpinsan na ‘yan na sabihin sa akin kapag pupunta sila sa lugar na ‘yan!" sumigaw na siya sa galit.

Kung bakit ba kasi sila nagpunta rito.

"Anong gagawin ko chief?" tanong ko.

"Wala kang gagawin, hindi ka maaaring pumasok sa loob masyadong delikado," sagot niya.

"Pero Chief baka may dahilan sila kaya sila nandito,"

"Sigurado akong may laban si Anya sa loob. Matigas talaga ang ulo ng batang ‘yon, hintayin mo lang sila diyan," tugon n’ya.

Pero iba ang pakiramdam ko, gusto kong sumunod doon sa loob. Gusto kong siguraduhin na ayos nga lang talaga sila ni Anya.

"Chief kaya kong pumasok sa loob," sabi ko ng may kompiyansa.

"I said no, delikado kung ikaw lang mag-isa do you understand?"

"Pero baka may mangyari sa kanila," pagpilit ko pa.

"Tandaan mong puno ng mga kriminal ang loob ng casino, hindi ka maaaring pumasok ng walang kahit ano,"

"Pero Chie–,"

"No buts Krixxenn or else ibibigay ko sa iba ang assignment mo," sabi n’ya bago nag-end call.

I sighed, anong gagawin ko ngayon?

Tumingin ako sa ng bintana ng kotse. Nakita ko ang mga taong pumapasok at lumalabas sa loob ng casino pero wala akong nakitang Anya at Sue sa kanila.

Hindi ko alam kung bakit gusto kong pumasok do’n sa loob at i-check si Anya. Alam kong kaya n’ya ang sarili n’ya, hindi ko rin alam kung bakit ganito kabilis ang pagbabago ng nararamdaman ko sa kaniya. Wala pa kaming isang buwang magkakilala, pero ganito na.

Siguro dahil iba siya sa ibang mga babae na naka-fling ko na. Madalas kasi madali lang akong magustuhan ng mga babae dahil sweet ako, gwapo at may sense of humor kung minsan. Pero siya iba siya, she doesn't like me at napaka challenging no’n para sa akin.

Iba ang dating niya sa akin she's the type na cool at kayang makipag-away sa kahit ilang lalaki pero maganda pa rin, parang anghel. Kung minsan wala sa itsura n’ya na kaya n’yang bumali ng buto ng mga kaaway, para siyang inosenteng babae at gusto kong protektahan siya sa mga sandaling ‘yon.

Napa-iling na lang ako sa mga naisip ko. Impossible, hindi ko siya gusto masyadong mabilis at maaga para mag-conclude.

Sa palagay ko hinahangaan ko lang siya, wala ng higit pa ro’n. Wala ng higit pa dapat do’n Krixxenn. Isa pa nangako akong hindi na ako magmamahal ng babae ulit. Tama na ang fling-fling lang, ayaw ko na sa commitments.

Pero natutuwa ako kapag kausap ko siya, madalas nga lang siyang masungit at pilosopo lalo na kapag gumagawa ako ng moves para mapalapit sa kaniya.

I saw my self na nakangiti mag-isa. Nababaliw ka na Krixx, isa ‘tong kahibangan.

Napatingin akong bigla sa bintana noong may dumaang pamilyar na kotse.

"Oh shit," bulalas ko ng mapansin kong nakaalis na sila Anya. Pinaandar ko agad ang makina at mabilis na nag-drive.

Patay ako kay Chief kapag nawala sila sa paningin ko.