KABANATA 8

GELLAN 

Shit!

Agad kong tinakip sa mukha ko ang braso ko, natanggal no’ng isang babae ang mask ko. Hindi nila ako puwedeng makilala, mabilis akong tumalikod at hinubad ang damit ko.

Ito ang tinakip ko sa mukha ko dahil hindi sapat ang dilim sa bahay para maitago ang mukha ko dahil sa ilaw mula flashlight madali lang niya akong makikilala. Binalik ko ang tingin sa babae, nakahiga pa rin siya hanggang ngayon dahil doon sa pagbaliktad ko sa kaniya kanina.

Nakatingin din siya sa akin she maybe trying to figure out kung makikilala niya ako. May mga nakatakip din sa mukha nila, kaya hindi ko makilala kung sino sila.

Ang dalawa niyang kasama ay parehas din na nakahiga sa sahig. Sino ba kasi sila? Sa naaalala ko, siya ang babaeng humabol sa akin kanina. Nandito rin kaya sila para hanapin ang hinahanap ko? Wala pa akong nakikitang kahit anong maaaring naglalaman ng impormasyon tungkol sa Black University.

Saan naman kaya ilalagay ni Aliseo ang impormasyon tungkol sa BU? Wala akong nakitang flashdrive o cellphone sa bahay. Mukhang walang kuryente rito, siguradong pagagalitan ako ni Dad, buwisit.

Nasaan na ba ‘yong mga tauhan ko? Mga tanga ang kupad-kupad magsikilos, kailangan ko ng makaalis dito.

Naalerto ako no’ng nagtangkang tumayo ang babae pero dahil may naghagis ng mga sleeping gas sa loob ng bahay hindi na niya nagawang makatayo. I'm sure sa mga tauhan ko ‘yon nagmula, mabuti at dumating pa sila.

I take the chance to escape, tumakbo ako palabas ng bahay at sinalubong ako ng mga tauhan ko.

"Boss ayos ka lang?" tanong ng isa.

"Mukha ba akong okay? Ang sabi ko magmasid kayo hindi ba, bakit may nakalusot? Kapag ako pinagalitan ni Dad I'm going to send all of you sa punishment room," sigaw ko sa kanila.

"Pasensiya na boss," wika pa no’ng isa.

Tss sorry anong silbi ng sorry kung magagalit sa akin si Dad. Kung ako ang magsasabi no’n kay Dad baka kung ano pa ang magawa niya sa akin.

"Boss!" Tumatakbo ang isa ko pang tauhan at hingal itong lumapit sa amin.

"Ano, bakit ka tumatakbo?" inis na tanong ko.

"Dalawang sasakyan ang papunta rito at mukhang may kasama silang mga pulis," sagot nito.

Tama nga si Dad may pupuntang mga pulis para mag-iimbestiga sa pagkamatay ni Aliseo. Dapat na kaming umalis dito bago pa nila kami maabutan.

"We need to go." Nagtungo ako sa motor ko, sinuot ko na ulit ang damit na nakatakip sa mukha ko at nagsuot ng helmet.

Ginamit namin ang kabilang daan para hindi namin makasalubong ang mga pulis. Ngayon pa lang kailangan ko ng mag-isip ng sasabihing dahilan kay Dad kung bakit hindi ko nakuha ang gusto niyang makuha.

Siguradong magwawala ‘yon sa galit. He treats Aliseo as a threat sa mga ilegal business niya, lalo na at marami na ang alam ng tao na ‘yon sa kaniya at sa Black University. Matagal na mula noong nalaman naming may nakapasok na pulis sa BU, pinahanap agad siya ni Dad.

He killed Aliseo's family, his wife, his daughter at kaniyang mga magulang no’ng nalaman ni Dad na mayroong binubuong kaso laban sa kaniya ang mga pulis at si Aliseo ang magiging living evidence laban sa kaniya. Nagawang magtago ni Aliseo before pero ngayon nahanap na namin siya. Dahil natatakot si Dad na mawala sa kaniya ang mga pinaghirapan niya inutusan niya akong patayin ito.

This is the first time I kill again after he send me and Vivien sa Manila. I don't know kung bakit niya kami pinapunta doon at kung bakit gusto na niya kaming bumalik dito sa Cavite for good.

Hindi ko siya ma-gets, kahit ayaw ni Viv na bumalik dito wala rin naman siyang magagawa dahil si Dad ang magdedesisyon sa kung anong dapat naming gawin. He controls everything and everybody around him.

Ganoon siyang tao.

After kong makarating sa mansion, nag-park lang ako saglit bago pumasok sa bahay.

"Saan ka galing?" tanong ni Viv ang unang sumalubong sa akin pagbukas ko ng pinto.

Siya ang nag-iisang babae sa pamilya namin, she's not only a sister to me para ko na rin siyang nanay. Makulit sila pareho ni Mom no’ng buhay pa siya they keeps on reminding me to choose the right path, huwag ko raw piliin ang landas na pinili ni Dad. But I'm here malapit na akong maging katulad niya. I had no choice, anyway.

"I'm with Crimson, sinamahan ko siya sa condo n’ya at sinamahan ko rin siyang mag-shopping kanina," dahilan ko.

Lagi kong pinipili na magsinungaling sa kaniya, hindi rin kasi niya gusto ang mundong ginagalawan namin ngayon. She never dreamed to be a criminal, ayaw niya na lagi kong sinusunod si Dad.

"Wearing that outfit seriously? Mukha kang goons sa itsura mo kuya." Tinawanan niya lang ako.

Tss bad trip.

"Puwede ba h’wag mo akong iniinis," saad ko.

"Okay fine ang sungit mo, anyway sinabi na ba sa’yo ni Dad?"

Nagpunta ako sa sala at naupo sa sofa, she followed me at naupo sa tabi ko.

"Ang ano?"

"He wants us na bumalik sa Black University at doon na lang mag-aaral. Like duh ayoko ro’n I don't consider myself as a criminal and one more thing siguradong hindi ako makahahanap ng trabaho kung doon ako sa BU magtatapos," reklamo niya.

I know, ayaw niya talaga doon noon pa.

"Kaya kang bigyan ni Dad ng sarili mong modeling agency, you don't have to find a job," sabi ko. Iyon kasi ang gusto niya, she wants to be a model at hindi maging boss ng sindikato o maging killer.

"With using those dirty monies? I won't let him, mas mabuti na lang na gumapang ako sa hirap mark my words kuya," sabi pa niya.

Mabuti na lang at wala dito si Dad, siguradong pagagalitan siya kapag narinig nito ang pinagsasabi n’ya. Kahit naman nandito si Dad sasabihin n’ya pa rin ‘to, she's not afraid of him hobby n’ya ang gawin kung anong ayaw ni Dad.

"Wala kang choice Viv you have to follow kung ano ang sinabi n’ya,"

"Yeah I know, simula pinanganak ako siya na ang nag-cocontrol ng lahat-lahat sa buhay ko there's nothing new about that." Nag-crossarms siya bago umirap.

"Anyway, kamusta naman ang suspension mo sa UFightA? Balita ko hindi ka puwedeng pumasok kahit sa Casino de Vara," sabi niya.

Bumalik na naman sa isip ko ang nakaiinis na pangyayari sa UFightA. 

"Shut up Viv," inis kong tugon.

Binigyan ako ng one week suspension ng arena kahit sa casino nga hindi ako pinapapasok ng guard. Buwisit kasi na Evil ‘yon siya ang may kasalanan nito. Isang malaking kahihiyan ang ginawa niya sa akin. Mabuti at nagawan ko ng paraan kaya hindi nakarating kay Dad ang tungkol sa nangyari.

"Don't worry wala akong balak na sabihin kay Dad ang nangyari,"

"Kasalanan ‘to ng Evil na ‘yon kung hindi dahil sa kaniya hindi ako ma-sususpend," saad ko.

"No, it's your fault not her," argumento ni Viv.

Hanggang ngayon pinagtatanggol niya pa rin ang babaeng ‘yon. Hindi ko alam kung anong nakita ni Viv sa babae na ‘yon at ito pa ang kinampihan niya.

"H’wag mo na siyang ipagtanggol hindi ka n’ya abogado,"

"Eh sa kasalanan mo naman talaga, sino ba ang nagmistulang knight and shining armor para kay Crimson ‘di ba ikaw? Ayan ng dahil sa pakikialam mo ikaw pa ang napahamak," sermon niya.

"Alam mo hindi ka nakatutulong,"

"Whatever,"

Biglang pumasok sa utak ko ang Black University, hindi kaya nag-aaral din do’n ang babaeng ‘yon? Kapag nagkataon I'll make sure na magkakaroon siya ng pangit na school year.

"Alam mo ba kung sa BU rin nag-aaral ang Evil na ‘yon?" tanong ko.

She glared at me.

"Hindi siya nag-aaral do’n, ano na naman ba ang binabalak mo kuya? Alam mo if I were you I will just accept kung anong nangyari, kung uunahin mo ‘yang pagganti possible na lumala lang ang problema mo," ani niya.

"Well ikatutuwa ko kapag nakaganti na ako sa kaniya. Kapag nakita na n’ya ang kaya kong gawin sa kaniya I'm sure matatakot na ‘yon at hindi na lalaki ang problema, at saka ang dami niyang nasaktan," sabi ko.

"Nasaktan kayo because kayo ang nagkamali and if you are not aware my dear brother si Evil, hindi siya madaling kaaway,"

Tss ano naman sa tingin niya hahayaan ko na lang kung anong ginawa no’n sa akin? No way, hindi ako matatakot sa babaeng ‘yon sa akin siya dapat matakot.

"Alam mo mabuti pa matutulog na lang ako, hindi ko maintindihan kung bakit mo siya kinakampihan. Basta lagot sa akin ang babaeng ‘yon kapag nagkita kami." Naglakad na ako paakyat sa kwarto ko at iniwan si Vivien sa sala, I badly want to rest.

Napagod ako sa buong araw, masakit din ang katawan ko dahil sa mga nangyari sa bahay ni Aliseo kanina.