Chapter 14

ELLIE

MAGKAHAWAK KAMAY kaming dalawa ni Uno na naglalakad papasok sa branch ng kaniyang restaurant sa Quezon City. Pagkatapos niya akong sunduin sa trabaho ko ay dito kami nagpunta. Medyo natagalan lang ang biyahe namin papunta rito dahil sa traffic.

"Good evening, Sir Uno, Ma'am Ellie," masiglang bati sa amin ni Uno ng kaniyang staff.

"Good evening!" bati rin ni Uno.

Ngumiti ako. "Good evening, Miya. Kumusta?" bati ko rin. Kilala ko na rin ang mga staff dito dahil dinadala ako rito ni Uno noon pa. Si Miya ang madalas kong nakakausap dahil hindi siya nahihiya sa akin. Kapag nag-oopisina rito si Uno noon, si Miya ang kakuwentuhan ko dahil busy si Uno sa harap ng kaniyang laptop. Hindi naman ako every week nandito dahil matraffic sa gabi kapag pupunta kami rito. Pero at least sa isang buwan ay dinadala ako rito ni Uno.

"Mabuti naman, Ma'am Ellie. Lalo kayong gumaganda." Lumapit pa siya sa akin at may binulong. "Sana all, nadidiligan," sabay hagikgik nito. Walang preno rin talaga ang bib