Chapter 15

NAGULAT SI Uno nang pumasok ang kaniyang Lolo Ronaldo sa kaniyang opisina. Nasa head office siya ngayon dahil may meeting siya. Pupunta rin ang kaniyang daddy dahil sa biglaang pagpapatawag nito ng meeting. May announcement daw ito.

Napatiim bagang si Uno sa inis kay Sandra. Mukhang ito ang dahilan kung bakit napauwi nang maaga ang kaniyang Lolo. Surpresa ito para sa kaniya dahil walang sinabi sa kaniya ang kaniyang mga magulang na ngayon ang pagbabalik ng Lolo niya. Kaya pala may announcement ang daddy niya. Pero bakit nasa opisina niya ang kaniyang Lolo? Ano ang koneksiyon nito sa business niya?

Hindi pa nila naitutuloy ang plano nila ni Ellie na magpapakasal dahil naging abala siya sa kaniyang trabaho. Hindi rin naman niya naisip ang tungkol sa kaniyang Lolo na uuwi na ito. Nakaplano na ang kanilang kasal ni Ellie sa Linggo sa Tagaytay.

"Ganito mo na ba ako batiin ngayon, Uno? Ang titigan lang ako." Sarkastikong saad ni Ronaldo sa apo.

Napabuga nang malalim na hininga si Uno at tu