Chapter 22

Jeizhiro

Naalimpungatan ako sa ingay na lagabog na parang may nalaglag. Dinilat ko ang mata. Nasilaw pa ako sa sinag ng araw na tumatagos sa blinds ng salaming bintana. Mukhang tumigil lang ang ulan kaninang madaling araw. Nagpalinga linga ako. Kumalabog ang dibdib ko ng makitang wala sa tabi ko ang asawa ko.

"Ivy." Tawag ko sa pangalan nya. Tuluyan na akong nagising.

"J-Jeiz.. aw.." Narinig kong daing nya.

Bumalikwas ako ng bangon. Sa sahig ko sya nakita at nakasalampak habang sapo ng isang kamay ang ibaba ng puson at kipkip naman ng isang kamay ang kumot na nakabalot sa katawan nya.

"What happened?" Natatarantang tanong ko at dinaluhan sya.

Napaawang ang labi nyang pinasadahan ako ng tingin at nagtagal ang mata nya sa ibabang bahagi ko kasabay ng pamumula ng pisngi nya. Lihim naman akong napangisi. Wala kasi akong suot kahit na ano.

Tumikhim ako. "Anong nangyari sa'yo?" Pag agaw ko sa atensyon nya.

Nag angat naman sya ng tingin sa akin. "A-Ano kasi.. ang sakit ng a-ari ko..