KABANATA 20

Alexena

Kinusot ko ang mata ko dahil pagod na ito at naluluha na nang may magandang babaeng tumapat sa table ko. Sa tantiya ko ay mga kaedaran ko lamang ito.

Katulad nang nakasanayan ko na ay naghanda ako ng ngiti, inihanda ko na rin ang sarili at isip ko kung kakailanganin ko na namang magsinungaling o mag-isip ng palusot kapag tinanong ako nitong kaharap ko kung nasaan ang bwisit na nasa loob lamang ng opisina nito na ang bilin na naman ay huwag daw itong iistorbohin.

Praktisado ko naman na ang mga sasabihin ko dahil iyon at iyon lang naman din ang sinasabi ko sa mga dumarating na hindi nito gustong pakiharapan pero pumalpak ako one time noong dumating si Tita Emma, na-overwhelm ako sa presensya nito kaya hindi ko nakuhang magtahi ng kuwento tungkol sa whereabouts ni Mikey.

"Good afternoon, Ma'am!" magalang na bati ko.

Ngunit sa halip na sagutin ako at ngitian ay hinagod ako nito ng tingin pagkatapos ay tinaasan pa ng kilay.

Aba’t! Bakit pakiramdam ko ay girl version ito no'ng boss