Chapter Fifty Nine 

DAHIL sa pakiramdam ni Ester ay mas makapangyarihan sa kanya ang salita ng babaeng iyon ay umuwi na siya matapos siyang kumain. Kung kanina ay interesado pa siyang malaman kung anong nangyari sa babae na iyon, ngayon ay may takot na siyang nararamdaman. Sa salita pa lang ng matandang iyon ay parang sinasabi na nitong may makapangyarihang tao na kakampi ang babaeng iyon. 

Hindi lang basta taong may mataas na katungkulan sa lipunan kundi may alam sa mahika negra. Parang gusto na kaninang mapugto ng kanyang hininga nu'ng sabihin ng matandang babae na iyon na, sa susunod na araw ay siya na ang kakainin ng uod. 

Sa ipinahayag nito ay nakaramdam siya ng kilabot. Para kasing sinasabi nito na mamamatay na siya. 

Hindi. Hindi maaaring mangyari iyon. Kailangan mun