Share

Loving Jainum Damien Vannevar
Loving Jainum Damien Vannevar
Author: Knight Ellis

Chapter 1

Author: Knight Ellis
last update publish date: 2026-11-13 15:35:53

UNIQUE PYRUS SALVATORRE'S POV

"If we fall in love

Maybe we'll sing this song as one

If we fall in love

We can write a better song than this

If we fall in love

We will have this melody in our heads

If we fall in love..."

Sinasabayan ko ang kantang If We Fall in Love habang paulit-ulit itong tumutugtog sa Spotify playlist ko. Kasalukuyan akong bumibiyahe patungo sa trabaho.

Antok na antok man ako, kailangan ko pa ring pumasok para sa ekonomiya ng bansa. Pero siyempre, biro lang. Para pa rin naman ito sa akin, sa pamilya ko, at sa mga luho ko. At siyempre, para hindi ako malintikan sa team leader namin. Well, mabait naman siya, kaso madalas ay daig pa ang may dalaw, lalo na kapag nale-late ako.

"Manong, para!" sigaw ko sa driver ng bus na sinasakyan ko bago mabilis na bumaba.

Muntik pa akong sumubsob sa upuan nang biglang magpreno nang malakas ang driver. Pinigilan ko rin ang sarili kong simangutan si Manong dahil sa pagkakapahiya ko.

Pasado alas-onse na ng gabi at mangilan-ngilan na lang ang mga naglalakad sa daan. Medyo creepy dahil madilim na at iilan na lang ang tao sa kalsada. Alas-dos ng madaling-araw ang oras ng shift ko, pero pinili kong pumasok nang mas maaga para makaiwas sa mga loko sa daan. Mahirap na at baka madale ang ganda ko. Sayang naman iyon kapag nagkataon.

Dahil sa sobrang antok, makailang beses pa akong naghikab bago tuluyang nakarating sa loob ng mall kung saan naroon ang opisina namin.

Isa akong call center agent kaya panggabi ang pasok ko dahil nakabase sa United States ang account na hawak namin.

Marami ang nagtatanong sa akin noon kung bakit mas pinili kong magtrabaho bilang call center agent gayong nakapagtapos naman ako ng kolehiyo. Well, I am just being practical here. Mas malaki ang sweldo ko ngayon kumpara sa mga naging trabaho ko dati.

Kaya minsan, naiirita ako sa mga taong minamaliit ang mga call center agent na katulad ko. Akala kasi nila ay cheap ang mga nagtatrabaho sa call center. Hindi nila alam na isa ang mga call center company sa mga industriyang tumutulong sa pag-angat ng ekonomiya ng bansa.

Bukod pa roon, halos kayang maging accountant, psychologist, at actress o actor ng mga call center agent dahil iba't ibang klase ng ugali ng mga tao ang nakakausap at nakakasalamuha namin araw-araw.

Gamit ang company ID ko, tinap ko iyon sa scanner. Saglit na ininspeksiyon muna ng guard na naka-assign ngayong gabi ang bag na dala ko bago ako tuluyang dumiretso sa tapat ng elevator.

Kaso, kamalas-malasan, paakyat pa lamang ito sa third floor kaya kailangan ko pang maghintay ng ilang minuto. Kung hindi man, baka matagalan pa ako kung maraming sasakay sa elevator.

"Unique!"

Sigaw ng isang pamilyar na boses. Nang lingunin ko iyon, si Lujille lang pala.

Isa siya sa mga kasamahan kong call center agent at kaibigan ko na rin. Pareho kaming nasa iisang team kaya mabilis din kaming nagkasundo noong nagsisimula pa lang ang training namin.

"Uy! Buti na lang!" ani ko sa kanya sabay kapit sa braso niya.

"Bakit?" tanong niya sa akin.

"Buti na lang at dumating ka. May kasabay na akong papasok," sagot ko, dahilan para matawa siya.

"Well, may isa ka pang kasabay."

Ngisi-ngisi niyang saad kaya nagtaka ako at tinaasan siya ng kaliwang kilay. Oo, medyo attitude ako. Bakit ba?

At sino naman itong tinutukoy niya?

"Sino?"

"Si crush mo, teh. Nakita ko siyang papasok pa lang dito kaya nagmadali ako."

Napakagat-labi ako at pilit na itinago ang kilig nang marinig iyon kay Lujille. Alam niya kung sino ang crush ko sa office, pero iyong taong gusto ko, hayun, hindi niya alam na gusto ko siya.

Ang labo, 'di ba?

Pero teka lang... Alas-diyes ang oras ng shift ng lalaking iyon. Bakit alas-onse na siya dumating? Isang oras na siyang late sa trabaho niya.

"Iba rin kayo, ano? Magkasama na nga kayo sa trabaho pati sa bahay, pero hindi niyo man lang magawang magpansinan."

Mayamaya ay bulong ni Lujille na ikinatawa ko. Swerte at kaming dalawa pa lamang ang naghihintay sa pagbaba ng elevator sa ground floor kaya malaya kaming makapag-tsismisan tungkol sa taong kinahuhumalingan ko.

Alam din ni Lujille na kasama ko si Jainum sa iisang bahay.

Jainum Damien Vannevar ang buong pangalan niya. Twenty-five years living on Earth. Gwapo, matangkad, pero suplado, masungit, at snob. Tsk. Tsk.

"Hindi ko rin alam kung bakit hindi kami close. Hahaha!" sagot ko na lamang.

"Weh? Baka naman sa office lang kayo hindi close, tapos sa bahay, sobrang clingy niyo sa isa't isa?"

Sana nga. Kaso, sobrang labo. Baka nga araw-araw may party sa bahay kapag nangyari iyon.

"You wish, Lu. Hahaha! Sana nga ganoon, pero hindi talaga. Saka hindi namin bahay iyon. Nangungupahan lang kami," muli kong paliwanag kay Lujille.

Oo. Kasama ko sa iisang bubong ang taong gusto ko, pero never, as in never, kaming naging close. Kung mag-usap man kami, sobrang saglit lang o kung tungkol lang sa mga bayarin sa bahay. Pagkatapos, balik na kami sa kanya-kanya naming buhay.

Magkatabi nga ang mga kuwarto namin. Iisa ang kusina, sala, at banyo, pero para kaming hindi magkakilala sa loob at labas ng bahay. Napakalaki ng harang sa pagitan namin.

"Kawawang puso. One-sided love."

"Shut up ka na! Nakita ko na siya," bulong ko kay Lujille nang makita kong papasok na si Jainum sa loob ng mall.

Seryoso ito habang naglalakad, nakapasok sa mga bulsa ng pantalon ang magkabilang kamay. Wala itong dalang bag na madalas niyang bitbit sa office.

Tumahimik naman si Lujille, pero alam kong gusto niyang ilabas ang kilig niya. Hanep, 'di ba? Ako ang may gusto, pero siya pa ang may lakas-loob na kiligin. Number one supporter siya ng loveteam namin.

"Hi, Jainum!" bati ni Lujille nang tuluyan na itong makalapit sa amin.

Ngumiti siya habang binabati ito, pero tinanguhan lang siya ni Jainum. Kaya lihim akong natawa. Na-ignore ang ganda ng kaibigan ko.

Sakto rin ang dating ni Jainum nang bumukas ang p***o ng elevator. Binati namin ni Lujille ang kuya na nag-o-operate nito bago tuluyang natahimik.

Awkward.

Oo, iyon lang ang masasabi ko. Ang awkward naming tatlo sa loob ng elevator, maliban kay Kuya na nag-o-operate nito.

Nang makarating kami sa opisina, agad akong dumiretso sa station ko, kung saan ako nakapuwesto tuwing gabi. May set ng personal computer, headset, at ang tinatawag na Avaya. May nakadikit ding ilang sticky notes kung saan nakasulat ang mahahalagang keywords tungkol sa account na hawak namin.

Umupo ako at sinimulan nang i-set up ang computer ko. Muli na naman akong humikab dahil sa antok.

Oh, well. Talagang ganito palagi sa office. Kahit walong oras ang tulog ko, kulang na kulang pa rin iyon.

"Good luck."

I made a face nang ibulong iyon sa akin ni Lujille. Tinawanan lang ako ng gaga. Ang lakas talaga nitong mang-asar kahit kailan.

"Dalawang station lang ang pagitan niyo ng crush mo. Ayieee!"

"Tigilan mo ako, Lujille. Mag-set up ka na nga lang ng mga tools mo. Shoo!" pagtataboy ko sa kanya.

Tawa-tawa naman itong nagtungo sa puwesto niya.

At ako? Medyo awkward pa rin kahit sabihing dalawang upuan lang ang layo ko kay Jainum. Nakasandal siya sa swivel chair habang suot ang headset niya.

Pasimple ko pang tiningnan si Jainum bago lingunin ang nasa tabi ko.

"Althea," pagtawag ko rito.

"Yes, Unique?"

"Kasi kakaiba ako."

"Ha?"

Okay. Ang corny yata ng joke ko. Hindi niya nakuha. Mukhang na-weirduhan pa siya sa sinabi ko.

"Wala. Puwede pakigising ako bago mag-two a.m.?" tanong ko sa kanya.

Kailangan kong makatulog kahit dalawang oras lang. Tutal, may ilang oras pa naman bago ang mismong oras ng shift ko. Sana lang ay hindi ako makatulog nang mahimbing, kundi patay talaga ako.

"Sige. Tulog ka muna riyan."

"Thanks, Althea! Libre kitang lunch later."

Iyon na ang huli kong sinabi bago ko ipinikit ang mga mata ko.

Sana magising ako agad.

Song Title:

If We Fall in Love by Yeng Constantino and RJ Jimenez

Continue to read this book for free
Scan code to download App

Latest chapter

  • Loving Jainum Damien Vannevar   Chapter 7

    Kinaumagahan, nagising na lamang ako na wala na ang mga kasama ko sa kuwarto kaya lumabas agad ako habang nakabalot pa sa akin ang kumot na ginamit ko kagabi.Nakita ko ang lahat ng mga kasama ko na naglalaro ng volleyball. As usual, hindi kasali si Jainum dahil nasa tabi ito ni Lyka. Halos magkadikit na ang mga katawan nila sa sobrang lapit sa isa't isa. Nakakasira man ng araw ang tanawing iyon, pinilit ko pa rin ang sarili kong makisali sa mga kasamahan ko."Go, Lujille!""Hoy, Lujille! Ayusin mo yung laro!" sigaw ng ilan sa mga kasamahan ko.Malakas kaming nagtawanan nang akmang ibabato ni Lujille sa direksiyon namin ang hawak niyang bola."Huwag mong pahiyain ang team natin!" dagdag ko pa kaya ang ending ay sinungitan niya ako.Kanya-kanya silang sigaw at cheer kay Lujille na siyang naglalaro ng volleyball laban sa kabilang team. Malakas akong napatawa nang sa halip na mapunta sa side ng kalaban ang bola, napunta ito kay Tyron at tumama sa ulo niya. Bigla na lamang siyang natumba

  • Loving Jainum Damien Vannevar   Chapter 6

    "Go, Unique!""Ipanalo mo, Unique! Please lang!""Sagot ni Tyron ang lunch mo kapag nanalo ka!"Malakas na tawanan ang umalingawngaw sa private beach resort na nirentahan ng kumpanya namin para sa team building. Nagkaroon ng activity at isa ako sa mga napiling player. Hindi na ako umangal dahil gusto ko munang magsaya kahit nasa paligid lang si Jainum. At kasama rin pala naming nag-team building ang grupo nina Lyka."Yes!""We won!""I love you na, Unique!"Napatakbo sa akin sina Lujille at Tyron at niyakap ako matapos kong manalo sa activity na ginawa namin. Natalo ko lang naman si Lyka."You're the best!""Thank you, Tyron.""Naku, papogi points ka lang. Hahaha!" pang-aasar ni Lujille rito.Samantalang sinundan ko naman ng tingin si Lyka nang lumapit ito at tumabi sa tahimik na si Jainum. Noon ay umiinom ito ng alak kasama ang iba pa naming ka-team at ang kabilang team.Nakaupo na kaming lahat sa may buhanginan nang makagawa ng bonfire si Jasper. Tapos na kaming maghapunan kaya nasa

  • Loving Jainum Damien Vannevar   Chapter 5

    Dalawang araw ang lumipas at dumating na ang Sabado. Sa mga nakalipas na araw, ganoon pa rin si Jainum. I mean, he is still cold, masungit, at tila walang pakialam sa paligid niya. Hindi ko nga alam kung may balak siyang sumama sa team building dahil hindi na kami nag-usap simula noong gabing may kasabay siyang magandang babae sa floor.Ilang araw din akong umiwas na magkasalubong ang landas namin sa bahay. Kung sa trabaho man, nilalampasan ko lang siya o kaya naman, kapag may team meeting, iniiwasan kong masalubong ang mga mata niya. Oo na. Feeling jowa lang ang peg ko. Nag-iinarte ako nang hindi niya nalalaman."Is everyone ready? Log out na kayo after ng last call, okay? Maghintayan tayo sa may lobby," anunsiyo ng team leader namin.Masaya ang mga kasamahan ko kahit sobra kaming na-stress sa mga natatanggap naming tawag. Perks of being a call center agent. Malaki ang sahod pero medyo stressful. Well, it's normal kasi problema ng ibang tao ang pinoproblema namin."Jainum, sasama ka

  • Loving Jainum Damien Vannevar   Chapter 4

    Kinabukasan, maaga akong nagising. Madalas, kahit wala akong shift, maaga pa rin akong nagigising.Nangunot ang noo ko nang makita si Jainum na natutulog na naman sa mahabang sofa. Alas-otso na pasado ng umaga kaya ipinagtaka ko kung bakit doon na naman siya natulog. Sa pagkakatanda ko, pagkatapos niya akong talikuran kagabi nang tanungin ko kung bakit hindi siya pumasok, dumiretso siya sa kuwarto niya.Napangiti ako nang makita ang itsura niya habang natutulog. Nakapamaluktot siya na parang bata. Iyon nga lang, medyo nadudumihan ang utak ko sa nakikita ko. Wala siyang suot na pang-itaas at tanging pajama lamang ang suot niya. Mabuti na lang at hindi bukas ang aircon sa first floor ng bahay, kundi malamang ay kanina pa siya giniginaw.Lumapit ako sa kanya saka siya ginising."Jainum," tawag ko, pero hindi man lang siya gumalaw.Tulog na tulog nga talaga."Jainum," ulit ko. This time, marahan na niyang iminulat ang mga mata.Napatitig ako nang hindi sinasadya sa labi ng lalaking nasa h

  • Loving Jainum Damien Vannevar   Chapter 3

    Ilang oras matapos ang shift ko, antok na antok kong pinatay ang computer na ginagamit ko. Alas-onse na ng tanghali at gustong-gusto ko nang makauwi. Pakiramdam ko, hinihila na ng higaan ang buong katawan ko dahil sa sobrang antok.Nauna nang umuwi si Lujille dahil may emergency raw sa kanila. Si Jainum naman ay kanina pa yatang alas-otso nakauwi.Masakit na ang mga mata ko, pati na rin ang ulo ko. Ilang oras akong nakababad sa telepono at computer, dagdag pa ang katotohanang wala talaga akong tulog."I'll go ahead na po, TL," paalam ko sa team leader namin."Ingat sa pag-uwi.""Thanks po."Pagkatapos magpaalam, nagmamadali akong lumabas ng floor para kunin ang mga gamit ko sa locker. Ilang beses pa akong naghikab habang naglalakad. Pero halos tuluyan akong magising nang makita kung sino ang nakatayo sa tabi ng locker ko.Si Jainum.May kinukuha ito mula sa locker niya. Magkatabi nga pala ang locker naming dalawa.Napahinto ako sa pagkuha ng mga gamit ko, hindi dahil sa presensiya niy

  • Loving Jainum Damien Vannevar   Chapter 2

    "Nakakainis! Nakakabadtrip! Gusto kong manapak! Argh!""Kalma. Ang puso mo. Huwag masyadong magpaapekto."Pilit kong pinapakalma si Lujille matapos ang ilang oras naming pagbabad sa telepono para sumagot ng mga tawag at ayusin ang bawat reklamo ng mga foreigner at local na kausap namin.Paanong hindi siya mababadtrip? Pinagmumura raw siya ng customer niya at pinagbantaan pang hahanapin daw siya rito sa Pilipinas para ipakulong dahil lang sa na-freeze nitong account, na kasalanan din naman pala ng caller.Normal na sa trabaho namin ang mga sitwasyong katulad nito, pero minsan, hindi mo rin talaga maiiwasang patulan ang mga ganoong klase ng customer. Kung puwede nga lang talagang mang-away ng customer kahit isang araw, baka nagawa ko na rin. Ang kaso, hindi puwede at baka matanggal pa ako sa trabaho."Bwisit kasi talaga! Kasalanan ko bang medyo shunga siya at hindi siya marunong magbilang ng araw sa kalendaryo?! Nakakagigil talaga! Alam naman niyang babalik sa original price yung subscr

More Chapters
Explore and read good novels for free
Free access to a vast number of good novels on GoodNovel app. Download the books you like and read anywhere & anytime.
Read books for free on the app
SCAN CODE TO READ ON APP
DMCA.com Protection Status