KABANATA 62

KABANATA 62

Hindi maalis sa isip ko ang mga nangyari kagabi. Kagabi kung saan malinaw kong narinig mula sa mga labi ni Levi na mahal niya ako at malaya kong nasabi sa kanya ang nilalaman ng puso ko. Hindi ko tuloy maiwasang mapangiti sa ‘good morning’ text ni Levi sa ‘kin. I replied to him bago ako kumilos para dumiretso sa counter ng hospital para magbayad ng bill namin dito.

Mabuti na lang hindi naman kataasan ang bill namin sapat lang para mabayaran ko. Pinauna ko na si aling Gina at mama sa bahay kanina dahil dadaan pa ako sa hotel para sabihin kay manager na papasok ulit ako bukas.

Magaan ang pakiramdam ko habang lumalabas ng hospital. Pakiramdam ko kuntento na ako sa lahat kahit pa alam kong komplikado pa ang lahat sa pagitan naming dalawa. Malaki ang ngiti ko habang humahakbang palabas ng ospital ngunit nang iangat ko ang aking mata sa aking harapan ay ganoon na lang ang pagkakatigil ko.

Nanlamig ang kamay at buo kong katawan. Pakiramdam ko biglang bumagsak sa akin ang isang ma