Chapter 55: Lester

ATHENA’S POV

WALANG kurap-kurap ako habang nakatunghay kay Graeson at Norissa. Pakiramdam ko, may sumusuntok sa aking dibdib. Para ring may sumasakal sa akin, dahilan para mahirapan ako sa paghinga.

“S-sa baba lang ako, Ma’am,” untag sa akin ni Rocco na ikinapitlag ko. Hindi ko alam kung gaano ako katagal sa posisyon. Pero parang huminto rin ang oras dahil halata pa rin ang pagkagulat sa dalawa ng mga sandaling iyon.

Binalingan ko si Rocco. Ngumiti pa ako sa kanya para itago ang nararamdaman.

“Lalabas na rin pala ako,” ani ko sa mahinang tinig. Tumingin pa ako sa braso niya.

“P-pwedeng kumapit?” wala sa sariling tanong ko.

Tumango naman ang personal bodyguard ko kaya lumapit siya sa akin. Muntik pa akong mabuwal. Para kasi akong nasa gilid ng bangin.

“Athena, wait!” sigaw ni Graeson kapagkuwan. Dinig ko rin ang pagbagsak ng laptop sa sahig pero wala akong pakialam doon.

“Graeson!” tawag naman sa kanya ng ina ni Prince.

Napatigil ako sa paglakad nang makitang sumilip si Prince sa pintu