CHAPTER 24-THE BATTLE BEGINS

"Boss, wala na rin sila sa loob. Pero napulot ko ito sa sahig." Binigay ni Troy ang singsing na napulot niya mula sa loob ng silid, kung saan, pinaniniwalaan nilang pinagdalhan kay Jayna. Ikatlong abandonadong building na ito na pinuntahan nila, ngunit palaging hindi nila naabutan si Jayna.

Bumagsak ang mga luha ni Allaric ng makita na wedding ring nila ni Jayna ang napulot ni Troy. Sobra na siyang nag-aalala kung ano na ang nangyari sa kanyang mag-ina. "Ahhhh! Tangina!" Nagwawala si Allaric. Lahat ng nakikita niya, hinahagis niya kung saan. Hindi niya alam kung bakit alam ni Neil palagi ang mga plano niya. Kailangan niyang makaisip ng paraan.

"Hahaha, tanga! Akala mo masusundan mo ako? Fuck you! Ilang taon akong nag-aral bilang hacker para lang pantayan ka Allaric. Dahil sa pagiging hacker mo noon kaya natunton ng mga magulang mo ang mga magulang ko at pinatay! Ubusin ko lahat ng lahi nyo, Putang ina ka!" Nanlilisik ang mga mata Neil, habang nanonood sa screen monitor ng laptop niya.