Kabanata 12

ABALA si Malaya sa pag-aayos ng kanyang gamit na nagkalat sa ibabaw ng mesa nang pumasok si Maddy sa loob ng silid na nagsisilbing opisina ng shop na pagmamay-ari ni Thyon.

"Hindi ka pa ba tapos, Malaya?" bungad sa kan'ya ni Maddy pagpasok at naupo sa sofa na katapat ng mesa niya.

Tinapos muna ni Malaya ang ginagawa saka nag-angat ng tingin sa babae. "Tapos na, Maddy. Pauwi ka na ba?" Subalit nagtaka siya nang makita ang nanunuksong ngiti nito. "Bakit ganyan ka makangiti?" takang tanong pa niya.

Mas lumapad naman ang ngiti nito sa kan'ya at saka humalukipkip. "Good. Kanina pa kasi naghihintay 'yong sundo mo," saad ni Maddy.

Agad na umahon ang kaba sa dibdib ni Malaya nang marinig iyon. Hindi na rin niya kailangan pang tanungin kung sino ang kanyang sundo. Sapagkat iisang tao lamang naman ang gumagawa niyon, si Thorin. Regular siyang sinusu