Chapter 22 The second born

SA mansiyon ni Bartolo Sison ay dumadagundon ang tinig nito habang pinagagalitan at kinukutya ang asawa. Mula ng magluwal ng sanggol ang asawang si Mildred Cruz ay halos araw-araw na nitong sinusumbatan ang babae. Pinagsasabihan ng mga masasakit na salita at bukod pa dito ang pagpapa-alala sa kasalanan nito. Wala namang magawa si Mildred kung hindi ang umiyak ng tahimik.

Dahil sa lakas ng boses ni Bartolo ay nagising at nagpalahaw ng iyak ang sanggol na nasa loob ng baby crib. Aligaga naman ang kasambahay sa pagpapatahan sa umiiyak na sanggol.

“Alisin mo nga muna dito ang tiyanak na yan.” Sigaw ni Bartolo Sison.

“O-Opo.” Tulirong kinalong ng kasambahay ang sanggol na halatang nandidiri.

Patuloy naman sa tahimik na pagluha si Mildred. Hindi niya masisi si Bartolo kung sukdulan ang galit nito sa kanya. Nang magbuntis siya ay sukdulan ang galit nito at noon lang niya nalaman na wala na pala itong kakayahang magkaanak. Dahil nga marami itong kaaway ay na-ambush pala ito noong medyo bata p