CHAPTER 13 : FRUSTRATIONS AND MOTIVATIONS

(FRUSTRATIONS AND MOTIVATIONS)

ISANG panibagong araw na naman ang ipagpapa-tuloy ko. Hindi ako naka-tulog ng maayos kagabi dahil nababahala ako sa susunod na ipapagawa sa akin ni Fiandro.

Umunat muna ako sabay bangon sa higaan. Humabol pa ang aking paghikab at kinusot ang mga mata para magising lalo. Pagkatapos noon ay umalis na sa kama at sinuot na ang tsinelas.

Nag-hilamos muna ako bago bababa para mag-handa ng agahan. Inayos ko ang aking buhok at tinali ng ponytail style.

Habang bumababa ako ng hagdan ay may naaamoy na akong niluluto mula sa kusina. Nang tuluyang makababa ay nakita ko si manang Linda, nagluluto ng agahan.

Lumapit ako sa gilid ng island counter. "Mukhang okay na kayo manang Linda." bati ko sa kanya.

Kaagad siyang bumaling sakin at ngumiti. "Magandang umaga." bati niya. "Sa awa ng diyos ay gumaling din ako. Akala ko nga hindi na'ko gagaling eh." dagdag pa nito tsaka binaling ulit sa niluluto.

Nilapitan ko pa siya lalo. Nadungaw ko ang prinipritong bacon na malapit ng