Chapter 2

ALAS diyes ng gabi, kumatok ang katulong sa kuwarto ko at sinabi nitong nasa baba daw si Marcus. Kanina pa daw itong naghihintay sa akin sa sala. Ngunit hindi ako bumaba. Binilin ko sa katulong na pabalikin na lamg siya bukas ng umaga. Ngunit bumalik ang katulong ayaw daw umalis ni Marcus, nangungulit daw ito. Tulad nga sa sinabi ko kanina, na bumalik na lang ito bukas ng umaga.

Sa pangatlong katok, hindi na ang katulong, si Mama Lyda na. "Bakit po, Ma?" tanong ko aa kaniya.

"Ang boyfriend mo nasa baba, kanina ka pa hinihintay at umiiyak." wika ni mama. Bigla akong napa-roll eyes sa sinabi ni mama.

"Nang nakipaghalikan siya sa kaibigan lang daw niya, sarap na sarap naman siya. Ngayon, pupunta siya dito sa bahay para magdrama? Wala kamo manood sa pagda-drama niya, Ma. Sabihin mo, pumasok na lang siya sa Entertainment kung gusto niya. Huwag dito sa bahay." sagot ko kay mama. Nagulat pa si mama no'ng binanggit ko ang panloloko sa akin ni Marcus.

"Ginawa niya 'yon? Niloko ka niya?" gulat at galit na tanong sa akin ni Mama.

"Opo, Ma. Kung ipagkaila man niya 'yon, may ebidensiya ako. Halos kainin na niya ng buo si Ara Manzo kanina sa La Baile."

"Kung gano'n, ban na siya dito sa bahay. Send mo sa akin ang proof mo para ma-send ko sa pamilya niya." galit na wika sa akin ni Mama Lyda at saka naglakad palayo. Alam kong pupuntahan nito si Marcus para pagalitan. Pasalamat talaga ako kay Mama, pero kay Papa, fifty-fifty. Mas gusto niya nag nakababata kong kapatid na lalaki, si Larik.

Bumalik ako sa loob ng kuwarto at hinayaang bukas ang pinto. Sinadya ko talagang buksan para marinig ko ang usapan nina Mama at Marcus. Pagkapasok ko, kinuha ko ang aking cellphone at sinend kay mama ang proof of evidence sa panloloko ni Marcus.

Maya-maya lang ay narinig ko ang mataas na boses ng aking ina. Alam kong pinapagalitan na nito si Marcus.

"Hindi lang ikaw ang lalaki sa mundong ito, how dare betrayed my beloved daughter. Umalis ka sa pamamahay ko. At huwag kang mag-alala, sinend ko na sa pamilya mo ang picture ninyo ni Ara na naghahalikan. Ikaw na ang sumagot sa kanila, ang balita ko, hindi nila gusto ang kabet mo!"

"Hindi ko po sinasadya, Tita, nadala lang ako." sagot ni Marcus kay Mama.

"Huwag mo ako paandaran ng mga palusot mo, hindi na ako bata para maniwala sa mga kasinungalingan. Mabuti na lang at nahuli kayo kaagad ng anak ko, kung hindi, magdurusa ang anak ko sa piling mo." si Mama.

Hindi ko na narinig pa ang boses ni Marcus. Malamang umalis na ito, sa ganitong sitwasyon, kailangan kong maging maingat sa mga sasabihin ko. Kailangan ko pag-isipan ang mga sasabihin ko.

KINAUMAGAHAN.

"Lira, napa-prima mo ba lahat ng non-disclosure agreement ang mga nakakaalam kahapon?" tanong ko sa Sekretarya ko pagpasok na pagpasok ko sa opisina. Pagka-kita sa akin ni Lira kanina sa elevator, kaagad na itong bumuntot sa akin.

"Yes, Ma'am, nasa table niyo na po. And regarding po sa mga access ni Laura Samones na deactivate na po lahat at napalitan na po ng passwords." sagot nito.

"Good." sagot ko sabay upo. "Ang incident report na pinapagawa ko sa inyo, nagawa niyo na ba?"

"Opo, Ma'am, ginawa ko na po lahat bago po ako umuwi kagabi." sagot nito na nakangiti.

"Good. Umuwi ka ng maaga mamaya, pambawi sa tinagal mo dito kagabi."

"Thank you, ma'am Mallory. Ang bait mo talaga." nakangisi na wika ni Lira sa akin.

"Dahil magaling kw, nagagawa mo lahat ng inuutos ko sa'yo. Dahil diyan may isang box ka ng chocolate sa akin, kunin mo sa ref ko." nakangiti kong wika kay Lira. Mas lumaki pa ang ngiti ko no'ng sumayaw-sayaw pa ito sa harap ko.

Naalala ko tuloy no'ng unang kita ko kay Lira. Same school kami pero iba ang kurso. Office Administration ang kinuha nito, habang ako ay Business Administration major in Marketing Research and Analytics. Ka-team ko siya sa badminton, hindi masyado nag-uusap, pero no'ng naging CFO ako, siya kaagad ang naisip ko. Kailangan ko ng tao na medyo kilala ko, ngunit hindi pala lahat ng kakilala ay kilala mo na. Tulad na lang kay Laura, hindi ko inaasahan ang ginawa niya sa akin.

"Puwede hanggang four lang ako?" tanong nito sa akin habang kinukuha ang box ng chocolate sa ref.

"No problem, buo pa rin ang sahod na makukuha mo." sagot.

"Thank you, ma'am Mallory."

"You're welcome. Bago ko makalimutan, starting today, ban si Marcus dito sa kumpanya. Paki-alerto ang mga guwardiya."

"Bakit? Di ba, boyfriend mo 'yon? Ano ang nangyari?" tanong sa akin ni Lira na biglang nagbago ang tono ng boses. Hindi na siya ang sekretarya ko kundi isang kaibigan.

"Break na kami."

"Bakit?"

"Niloko niya ako, pinagpalit niya ako kay Ara Manzo." sagot ko saka nag-inhale para pigilan ang umiyak. Ayokong umiyak sa harap ni Lira.

"Ang gago na 'yon, nakuha pa magloko. Sinayang niya lang ang oras at effort mo. Pero mas okay na nalaman mo agad kaysa nagpakasal ka sa gago na 'yon. Mas malala pa ang aabutin mo sa kaniya."

"Kaya nga e. Pinilit ko nga na hindi umiyak kasi hindi siya worth it."

"ANO itong kapalpakan na ginawa mo, Mallory?" salubong na tanong sa akin ni papa Merritt kusina. Kararating lang nito at hinanap kaagad ako.

"Bakit po, Pa?" tanong ko.

"May balak ka bang aminin sa akin kung ano ang ginawa ng magaling mong kaibigan?" ramdam ko ang pagpigil nito nang galit sa akin.

Napabuntong-hininga ako  bago sumagot sa kaniya. Nag-email po ako ng incident report sa'yo kanina, Pa. Hindi niyo pa ba nakita?" mahinahon kong tanong sa ama ko.

"Hindi. Pero dapat, kapag ganito, personal mo akong kausapin, hindi through email. Malaking halaga ang involve dito, Mallory. Hindi limang piso, kundi limang milyon!" sigaw sa akin ni Papa.

"Sorry po, Pa. Hindi na po mauulit."

"Talagang hindi na mauulit, dahil ipaka-kasal kita sa anak ng mga Orlov." walang gatol na wika ni Papa sa akin.

"What? Kasal? Ipapakasal niyo po ako sa taonb hindi ko kilala?" angal ko.

"Matagal nang settled ang kasal ninyo, hinayaan lang kita na sumama sa manloloko mong boyfriend." galit na wika ni Papa.

"Excuse me, Pa, ex-boyfriend." pagtatama ko kay Papa.

"Wala akong pakialam, basta ikakasal ka kay Ellis Orlov. Tapos ang usapan." wika ni Papa Merritt at saka ako iniwang mag-isa sa kusina.

'Ikakasal daw ako sa isang Orlov. Ano nga ang pangaln no'n, Palis? Pelis? Hayst!

Bahala sila, puwede naman akong tumakas kaysa magpakasal sa Palis na 'yon.