Chapter 7 - Gavin and Mildred

"Gavin, ano'ng ginagawa mo?" ungot ni Mildred sa akin mula sa nakahintong sasakyan.

Umiling ako at tahimik na binuksan ang gate. Ingat na ingat na hindi makalikha ng ingay. Deretso ako sa main door matapos tiyaking wala sa bakuran si Zanaya. Pero saglit akong natigilan. Ano ba'ng ginagawa ko? Para akong magnanakaw na takot pumasok sa sarilig bahay.

Dapat wala na akong pakialam pa sa asawa ko. Nagdesisyon na akong makipahiwalay. Si Mildred at ang anak namin ang pinili kong makasama. Padaskol akong lumabas muli ng gate at binalikan si Mildred na nagpaiwan sa sasakyang naka-park sa gilid ng kalsada.

"Wala ba siya?" tanong niyang nakasilip sa bintana.

"Halika na." Binuksan ko ang pinto at inalalayang makababa ang girlfriend ko.

"Wala ba siya?" mariin niyang pakli.

"Kahit nandiyan siya wala na naman siyang magagawa."

"Bakit kasi pumunta pa tayo rito?"

"Kukunin ko ang mga gamit ko, lilipat na ako roon sa apartment natin."

"Masyado ka namang apurado, Gavin. Papirmahan mo kasi muna ang annulment kay Zanaya!"

"Ano ba, Mil? Magtatalo ba tayo rito? Isang taon na nating itinago itong relasyon na ito. Sinabi ko na sa kaniyang ikaw ang mahal ko. Kung may utak siya maiintindihan niya iyon."

"Hindi ka talaga nag-iisip, Gavin. Paano kung hindi pa niya pinirmahan ang annulment? Eskandalo itong ginagawa natin. Sinabi mo pang may anak tayo? Baka gamitin niya iyon para magdemanda!" sikmat ni Mildred.

"Hayaan mo siyang magdemanda! Knowing her, wala siyang lakas ng loob na gawin iyon. Masyadong in love sa akin ang babaeng iyon. Noong sinabi ko nga na mag-resign sa pagtuturo, agad sumunod, eh. Walang angal. Ako na ang bahala sa kaniya. Kunting lambing lang doon, bibigay na." Hinawakan ko ang kamay ni Mildred at hinatak siya papasok ng bakuran.

"Ang taas ng bilib mo sa sarili ha, baka mamaya ikaw itong titiklop," kastigo ni Mildred sa akin.

Tahimik naman. Wala nga yata si Zanaya. Pumanhik kami sa loob. Baka umalis at umuwi sa mga magulang. Maayos ang buong sala. Inaasahan kong magulo dahil mawawala sa sarili ang asawa ko. Pero wala akong makitang bakas ng desperasyon sa looban ng bahay. Kung ano'ng ayos noong umalis ako, ganoon pa rin ngayong bumalik ako after three days.

"I like this house, honestly. Pati location nito. Ideal para sa anak natin ang lumaki sa ganitong environment."

"Gusto mo rito?"

"Ibibigay mo ba sa akin kung sasabihin kong gusto ko?"

"Bakit hindi? Doon tayo sa kuwarto." Kinaladkad ko si Mildred patungo sa master's bedroom.

"Ano na naman ang binabalak mo?" malambing niyang angal.

Tumawa ako. "Alam mo na. Tapos na ang period mo, 'di ba?" Pinangko ko siya para hindi makatanggi.

"Doon na lang sana tayo sa hotel, gago ka talaga! Ihihiga mo pa ako riyan sa kama kung saan kayo nagtatalik ng asawa mo, yuckk, nandidiri ako!"

"Minsan ko na lang siya ginagalaw mula nang maging tayo at tuwing ginagawa ko iyon, ikaw ang iniisip ko para mas gaganahan ako," sinalakay ko ng halik ang leeg niya. "Bango mo ngayon, ah! Pinaghandaan mo ako, ano?"

"Lagi akong mabango," malanding tumili si Mildred habang humahagikgik nang bumagsak kaming magkapatong sa ibabaw ng kama.

"Tamang-tama, mukhang bagong palit ang bedsheets. Binyagan natin."

"Gavin!" hiyaw niya nang pasukin ng kamay ko ang looban ng panty niya

"Miss na miss ko 'to, honey..."

"Binobola mo lang ako, diyan mo ako idinaan, sa pagiging bolero mo..." halinghing ni Mildred.

"Pakipot ka pa kasi noong college tayo, kung sinagot mo ako noon, di sana hindi ako napunta kay Zanaya-"

"Shhh..." pinigilan niya sa daliri ang labi ko. "Do not ever mention her name while you are making love to me, Gavin."

"Of course, honey...not again." Sinakop ko ng mapusok na halik ang labi niya habang abala na ang mga kamay naming hubarin ang suot ng isa't isa.

Ilang sandali pa ay parehas na kaming lango sa ligaya habang mabilis akong umabante at sumasabay naman sa indayog ang malambot na katawan ni Mildred.