Chapter 29

“What take you so long?” tanong ni Zach pagkalabas niya ng banyo.

Napahawak siya sa dibdib at hinampas ito. “Bakit ba nanggugulat ka?” inis na tanong niya.

Pero sa halip na sumagot ay hinapit siya nito sa bewang. Awang ang mga labing napatingin siya rito. “A-ano ba. . .” mabuway niyang piksi.

Hinawi nito ang ilang hibla ng buhok na tumatakip sa mukha niya. “What did Anne do to you? What did she tell you?” tanong nito imbis na bitawan siya.

Umingos siya. “Wala. Lasing siya at napagkamalan niya akong babae mo. Effective siguro ang acting natin kanina. Kaya kung nag-away man kayo dahil doon, ayusin na ninyo, Sir!” Diniinan talaga niya ang huling sinabi, sabay baklas sa kamay nito. Tuloy-tuloy siyang umalis hanggang sa makalabas ng hotel. Ang lalaki na rin naman ang may sabi na tapos na ang misyon nila kaya maaari na siyang umuwi.

Pagdating sa labas ay naisip niyang tawagan si Leigh. Hindi na kasi niya ito nakita kanina. Gusto niyang tanungin kung ano ba talaga ang ipinagawa ni Zach d