CHAPTER 7

"YNA!"

Kasunod ng pagtawag na iyon ay ang sunod-sunod na katok sa kahoy na pinto sa bahay-kubo ni Yna.

"Yna, ano ba? Oras na!" Boses ni Mirka.

Pupungas-pungas na naupo ang dalaga na nagising sa mga pagkatok at pagtawag. Bumaba siya sa kaniyang maliit na higaan at pibagbuksan si Mirka.

"Bakit ba ang ingay mo? Natutulog ang tao, e."

Nameywang ang dalagang si Mirka at tinaasan ng kilay si Yna. "Aba, para sabihin ko sa'yo, oras na. Mag aalas sais na at tulog mantika ka pa. Hinihintay na tayo sa mansion."

Dapat alas sinco pa lang ng umaga ay naroon na sila. Kaso nga lang ay talagang hindi kinakaya ni Yna ang bumangon ng ganoong kaaga.

"Can you wait? Maghihilamos lang ako and maglalagay muna ako ng sunscreen and-"

Tinakpan ni Mirka ang bibig ng dalaga gamit ang hintuturo nito.

"Tapos ay maghahanap ka ng susuotin mo for today at aabutin ka ng siyam-siyam," pagtutuloy ni Mirka sa sasabihin sana ni Yna. Kabisado na nito ang r