CHAPTER 4

      GALIT na ibinuga ni Liam Decker ang ininom na kape, sabay inihagis niya sa pader ng kaniyang silid ang tasang hawak at nagkapira-piraso ito. Kumukulo ang dugong iniikot niya ang electric-powered wheelchair na kinauupuan at hinarap ang taong nagulat sa ginawa niya.

     "DAMN IT! Didn't you put sugar on it?" Galit na usisa ni Liam, halos mag-isang linya na ang kilay nito nang tumingin kay Yna- ang bagong personal maid niya.

     "Ow, Em, Gi. Should I?" Inosenteng tanong ni Yna sa amo. Hindi niya talaga kasi nilagyan ng asukal ang kape nito.

      Hindi alam ni Liam kung paano niya napigilan ang sarili na hindi palayasin ang babae nang mga oras na 'yon. Ilang araw pa lang nito bilang personal maid niya ay ang dami na nitong kapalpakan. Bagay na pinaka-ayaw niya.

    "Saang planeta ka ba galing?" Kalmado pero may halong gigil na tanong ni Liam sa babae.

    "Bakit parang galit ka? You told me kape lang, hindi mo naman sinabing lagyan ko ng asukal."

      At talagang nakuha pa nitong magrason? Nagkamali yata siya na pumayag siyang tanggapin ito? Mukhang ang plano niyang pagpapahirap dito ay kabaligtaran, siya ang nahihirapan sa katangaan nito. Well, what else could he expect from a girl who grew up with luxury at mataas ang tingin sa sarili?

      "Get lost!" Sigaw niya rito. "You really don't know anything, brat." Ibinaling na ni Liam ang pansin sa binabasang libro bago dumating kanina si Yna kanina. That's his way to calm himself.

       Nagkasalubong ang kilay ni Yna. "Ang sakit mo naman magsalita!" Inis na sabi ng dalaga sa amo niyang laging galit sa mundo.

      "Truth really hurts, brat." Malamig na balik wika nito sa dalaga.

      "I get it!" Pumitik pa sa hangin si Yna. "I get it, pinapahirapan mo ako para makaganti ka sa ginawa ko noon sa'yo, hindi ba?"

      "Paano kung sabihin kong oo?" Seryosong tanong ng lalaki sa dalaga.

      "Isa lang ang ibig sabihin n'un. Hindi ka pa naka move-on sa akin," confident niyang sabi sa binata.

       Tumingin at ngumisi ng nakakaloko si Liam sa dalaga. "Don't think too highly of yourself, brat. Just so you know, ang mga katulad mong babae ang mabilis makalimutan."

       Nawala ang confident na ngiti ni Yna. Hindi siya madaling maapektuhan sa mga sinasabi ng iba tungkol sa kaniya, pero iba ang dating ng sinabi ni Liam sa kaniya. Medyo may kudlit ng kirot siyang naramdaman doon.

      "Clean that mess," utos pa nito na ang tinutukoy ang ay bubog ng tasa na nagkalat sa sahig.

       Mabigat ang mga paa na kinuha niya ang walis at dustpan na naroon lang sa gilid at winalisan sabay punas na rin sa sahig.

      "May iuutos pa po kayo, kamahalan?" Sarkastikong tanong niya sa lalaki.

     "Wala na. Makakalabas ka na." Walang emosyong sabi pa ni Liam na akala mo ay nagtataboy lang ng hayop. Ni hindi siya nito matignan na akala mo naman ay kasumpa-sumpa ang mukha niya.

     "Bueno at aalis na talaga ako!" Sabay padabog na tinungo ang pintuan, dala-dala ang dustpan at walis.

       Pero natigil ang dalaga nang tinawag siya ni Liam.

      "Ano?" Angil niya sa lalaki.

      "Papasukin mo si Jamir dito kapag nakita mo siya."

      "Iyon lang ba ang sasabihin mo?"

      "Meron pa ba dapat?"

       Aba at hindi talaga ito hihingi ng pasensya sa kaniya matapos nitong maliitin ang kapeng tinimpla niya.

       "Hmm! Diyan ka na nga, hombre feo!"

       "What did you say?"

         Ngumisi si Yna. "Wala po, sir."  Sabay labas na ng silid ng lalaki.

         Nakalimutan niyang kailangan pala niyang maging mabait kay Liam dahil baka sisantehin siya nito. Kailangan na kailangan pa naman niya ngayon ng trabaho at namimiss na niya ang pera.

Malapit ng maubos ang perang bigay ng ama niya, ganoon siya kagastos!

       Pero habang naglalakad siya ay  napapangisi siya, tinawag na niyang 'pangit' ito pero wala itong kaalam-alam dahil hindi naman nito naiintindihan ang sinabi niya. Sa ganoong bagay ay nakakaganti siya sa boss niyang mainit lagi ang ulo sa mga taong nakapaligid dito.

      Sa paglabas niya ay nadaanan niya sa may malawak na sala si Jamir.

     "Tawag ka ng boss mo," imporma niya rito na ngiti lang ang isinagot sa kaniya at agad na pinuntahan si Liam sa silid nito.

     Itinapon na muna niya ang bubog at pagkatapos ay nagtungo sa kusina para kumain. Wala pa siyang almusal at hindi siya sanay. Nadatnan niya sa kusina si Mirka na naghuhugas ng plato at si Janice na naghihiwa ng gulay na sahog sa iluluto nito. Wala si Aling Prancia kaya si Janice muna ang magluluto.

     "Oh, bakit ganiyan ang hitsura mo?" Natatawang usisa ni Mirka sa kaniya nang makita siya.

     "Napakasama talaga ng ugali ng Liam na 'yon!" Inis niyang sambit at padabog na umupo sa upuan sa may mesa.

    "Oy, grabe ka, hinay-hinay ka sa pananalita mo at baka marinig ka ni mayordoma, malilintikan ka." Si Mirka na biglang sumeryoso.

     "I don't care! I can say whatever I want, Mirka. At 'yung mayordoma niyo rito, napakasungit as if naman magkakaroon siya ng mana mula kay Liam," tuloy-tuloy na sabi pa ni Yna.

      Nanlalaki ang mga mata na nagkatinginan si na Mirka at Janice. Bigla naman pumasok sa kusina ang labanderang si Majoy na nakasimangot as usual.

    "Saan mo ba galing itong si Yna, Mirka? Bakit ba ganito ito?" Sambit ni Janice na halata namang naweweirduhan sa kaniya.

   "I am from Spain! Isa akong tagapagmana, kung tutuusin, I can buy everything, pati nga itong mansion na 'to!"

    "Nangarap ka na naman, babae. Mukha kang may sapak sa utak-" sabat ni Majoy na biglang natigilan nang tinaliman ito ng tingin ni Yna

     "Shut up, kung ayaw mong pati ikaw ay bilhin ko," mataray niyang sabi sa babae, napatayo na rin siya sa kinauupuan at hinarap si Majoy na since day one yata ay gigil na sa kaniya. Maybe, naiinsecure ito sa kagandahan niya.

     "Aba, e anong pera mo aber? Nangangatulong ka rin naman dito, lumugar ka nga kung saan ka nararapat!" Mataray na sabi rin ni Majoy.

     Tumaas ang isang kilay ni Yna. "Just wait and see-"

    "Tama na 'yan ano ba kayo?" Awat ni Mirka na pumagitna na sa kanila ni Majoy dahil kaunti na lang ay magsasabunutan na sila. "Baka marinig kayo ni mayordoma at sabay pa kayong mapalayas," pagpapakalma pa ni Mirka sa kanila.

    "Sabihan mo 'yang babaeng 'yan, Mirka. Feeling rich, maputi lang naman."

    "Atleast maputi at naranasang maging rich! E ikaw?" Sabay make face na nakakainis.

    "Anong kaguluhan ito?!" Bungad ng bagong dating na si mayordoma na nagmasid sa kanilang lahat.

     Nagkatinginan silang lahat at kinabahan. Pero hindi si Yna.

     "Mirka, anong meron?" Baling ni mayordoma kay Mirka.

      Namumutla ang babae at hindi alam ang isasagot. "W-wala naman po, mayordoma. Nagbibiruan lang po kami rito..." Pagsisinungaling nito.

     "At bakit? Oras ba ng biruan?" Masungit nitong sita. "At ikaw," turo nito kay Yna.

     "What about me?" Maarteng tanong ni Yna sa mayordoma na nakulangan yata sa romansa noon.

     "Huwag mo akong ini-english! Pinakain mo na ba si Señorito Liam?"

     "Coffee lang, he doesn't want anything daw." Casual na sagot niya sa mayordoma.

       Sina Mirka, Majoy at Janice ay nagkatinginan at napapangiwi sa klase ng tono ng pagsagot ng dalaga sa mayordoma na tinaguriang leon sa mansion na 'yon. Ito ang pinakamatagal na tagapagsilbi ng mga Decker.

     "Kape?! Hindi puwede 'yon, ipagluto mo siya ng almusal ngayon din!"

       Napangiwi si Yna. "But I don't know how to cook."

      "Ano pa ang silbi mo rito kung ganoon? Ang mahal ng sahod mo dahil ikaw ang personal maid ng señorito, tapos wala kang alam? Hindi ko lang maintindihan bakit tinanggap ka! Kakausapin ko siya para paalisin ka na rito!"

      Natahimik si Yna at hindi alam ang isasagot. Pinagmasdan na lamang niya ang pag-alis ni mayordoma upang puntahan si Liam. Gusto niyang maiyak dahil unang beses niyang mapahiya, so, ganito pala ang pakiramdam ng mga helpers nila sa Spain kapag pinapagalitan at minamaliit niya ang mga ito?

   "Kawawa..."

     Dinig na pang-aasar sa kaniya ni Majoy bago ito nagtungo sa laundry room. Naramdaman niya ang paghawak ni Mirka sa braso niya para damayan siya.

    "Okay lang 'yon, Yna. Mapapaalis ka man dito, maraming mapapasukan sa bayan na mas akma sa hitsura at talino mo," pagpapalakas pa ni Mirka sa loob niya.

   "Oo nga," sang-ayon naman ni Janice.

    Pero gusto niya sa mga Decker, bukod sa libre sa pagkaing masasarap, malaki pa ang sahod niya na tamang-tama sa pagiging gastador niya.