Tristan&Avajell - 002

Avajell Marasigan

“Hoy, Ava… Parang pasan mo naman ang mundo!?”

Napaangat ako nang tingin nang marinig ko ang boses ng isa sa admin staff, si Maria.

Nakahawak pa naman ako noo ko habang nakapatong ang siko sa table ko kaya hindi ko napansin na may taong paparating. At tama si Maria… pasan ko talaga ang mundo ngayon dahil sa sinabi sa akin ni Sir Thomas.

Isa sa mga close ko dito sa kumpanya si Maria at halos kasabay ko ito madalas mula sa agahan hanggang sa uwian. Pareho kasi kami ng way ng inuuwian. Taga-fairview ito at ako ay along Commonwealth Avenue lang naman. Kaya minsan ay sabay na kami ng sinasakyan pauwi kapag hindi ako nag-o-overtime.

“Oh, Maria… Bakit?” tanong ko sabay harap sa laptop bigla kong nilagay ang kamay ko sa keyboard at kunwari ay may tina-type.

“Oh, ano ngang problema. Bakit parang problemado ka agad?” Tanong ni Maria.

“Ha? Wala naman.” Pagsisinungaling ko kahit na gusto kong sabihin na tungkol sa anak ng boss namin ang dahilan kung bakit biglang nakabusangot ang mukha ko.

Pero kagaya ng sinabi ni Sir Thomas na ako lang muna ang nakakaalam na magpapalit na ng CEO ang kumpanya ay hindi ko tuloy ma-splook kay Maria ang dahilan kung bakit umaga pa lang ay nasira na ang araw ko.

Alam ni Maria na isa sa pet peeve ko ang damuhong panganay na anak ni Sir Thomas na si Tristan.

Paano ba naman na hindi ko kaiinisan ang ang lalaking ‘yon. Sa madalas na encounter ko sa Tristan na ‘yon ay pagsusungit ang pinapakita nito sa akin. He thinks that I’m seducing his father. Baka iniisip nito na may relasyon kami ng daddy nito.

Bakit naman ang Tristan pa na ‘yon ang magiging boss ko!? Kung pwede lang na i-request na si Travis na lang ang maging boss ko at mas close ko pa ‘yon. Travis is Tristan’s younger brother.

Tatlo ang anak ni Sir Thomas. Ang napaka-gwapo at hot na si Tristan Hayes ang panganay na anak nito. He’s 36 years old and still single. Kaya nga kung kani-kanino nirereto ni Sir Thomas ang anak dahil tila ayaw pa raw nito ng asawa.

Ang pangalawang anak naman ni Sir Thomas ay si Travis Hanes. Masasabi kong naging close ko si Travis kahit medyo maloko pa nga ‘yon. Nang simula ay nagpapalipad hangin pa sa akin si Travis pero dineretsa ko nang sinabi na hindi ako naghahanap ng boyfriend at never akong mag-aasawa ng bilyonaryo. Mabuti na lang ang nagkaroon na ito ng girlfriend at hindi na ako kinukulit. At ngayon ay ka-asaran ko na si Travis.

At ang bunsong anak naman ni Sir Thomas ay si Trish Hailey, He’s 18 years old. Tinatawag pa ako ni Trish na Ate at minsan nga ay nauutusan ako ni Sir Thomas na samahan ko ang anak nito sa malling nito.

Sa totoo lang ay sa dami ng personal na utos sa akin ni Sir Thomas ay naging close ko na talaga ang mga anak nito, except Tristan.

Natatandaan ko pa nga na isang beses ay sinabihan ako ni Tristan na layuan ko raw ang kapatid nitong si Travis dahil mag-ama pa raw ang tinutuhog ko. Tsk!

Kaya ngayon pa lang ay hindi ko na tuloy alam kung paano itatawid ang bawat araw na ito ang magiging boss ko.

Goodluck sa akin!

“May tinatago ka ba sa akin, Avajell?” Biglang tanong naman ni Maria.

Kilala na rin ako ni Maria sa isang taon na katrabaho ko ito. Alam talaga nito kapag may iniisip ako.

Nagbuntong hininga ako. “Hay, Maria… Malalaman niyo rin naman kung ano man ‘yon.” Ang sabi ko na lang.

Napaka-importante sa akin ng salitang trust. At ayokong sirain ang tiwala sa akin ng boss ko at ipagkalat ko pa na magbabago na ang boss naming lahat. Nagkibit balikat na lang si Maria at alam naman nito na wala na itong mahihita sa akin kapag gano’n ang sagutan ko.

Matapos maibigay sa akin ni Maria ang mga documents na for signature ng CEO ay iniwan na rin naman ako nito.

Pinilit ko na lang na mag-concentrate sa trabaho. May scheduled meeting din si Sir Thomas at hindi na naman ako nito sinama kaya tahimik lang ako sa table ko at walang patawag tawag sa akin.

Hindi na rin naman nakabalik si Sir Thomas ng lunch at nagkita raw sila ni Tristan. Mabuti na lang talaga ay hindi na ako sinama at kung hindi ay sira agad ang araw ko.

Hanggang sa dumating na pala ang lunchtime at inaya ako ni Maria sa isang fastfood chain pero tumanggi ako dahil gusto kong tapusin ang report na ginagawa ko.

“Ikaw talaga, paano ka magka-jowa niyan? Napaka-workaholic mo. Ang dami ng nagpapalipad hangin sa’yo. Ang ga-gwapo. Kung sa akin lang may gusto ang mga ‘yo’n ay sinunggaban ko na kahit walang ligaw ligaw.” Natatawang sabi naman ni Maria.

“I’m still young. Marami pang time para magka-jowa.” Ang sabi ko na lang.

Nagkibit balikat na lang si Maria. “Sige ka, sayang ang ganda mo. Baka naman mauwi ka sa matandang hukluban, ha?”

Napapailing naman ako sa sinabi ni Maria. Natatawa akong naiisip nito na papatol ako sa matanda. Siguro dahil fresh pa ang tsismis na nasagap namin sa isa naming katrabaho mula sa accounting department.

May isa kasing staff doon sa accounting department na ka-edad ko lang pero na-spot-an daw na kasama ng isang manager namin sa mall at magka-holding hands. Ang manager na ‘yon ay nasa 35 years old na. Imagine, pumatol ang babae sa lalaking 13 years ang tanda dito.

Well, wala naman sa akin ang gano’n. Ika nga ay age doesn’t matter. Hindi naman ako judgemental sa mga ganoong relasyon. Kami nga ni Warren dati ay langit at lupa na ang agwat at pinagtagpo ng tadhana.

Pero pinangako ko sa sarili kong hindi muna mai-inlove. Ayoko munang mag-boyfriend. At kahit itaga pa sa bato ay nasa plano ko nang magpaligaw muli kapag 25 years old pataas na ako. Ayokong makipagrelasyon muna. At tutuparin ko ‘yon.