Special Chapter 4

Sumilip ako sa library. Nalaman ko kay Ate Minda na mahilig tumambay si Harry sa library. Kaya ngayong tanghali ay nagtungo ako doon. Hindi ko alam kung busy ba siya ngayon.

Napanganga ako nang tuluyan kong napasok ang library. Pati ang library ay sobrang laki. Ang taas ng ceiling ng lugar. Ang tataas din ng book shelves dito. Puno ng libro ang lahat ng lalagyan. Nakakamangha!

Agad kong napansin si Harry na naka-upo sa may sulok. Naka-long sleeve, may mga libro sa ibabaw ng mesa. Nandoon din ang laptop at mukhang stress na stress na habang pinagmamasdan ang laptop. Sabi ni Ate Minda, mahilig daw sa brewed coffee si Harry. Magaling ako magtimpla ng kape. Ako ang parating pinapatimpla ni Papa ng kape niya. Kaya malaki ang kumpyansa kong magugustuhan niya rin ang timpla ko. Diyan lang kasi ako magaling, e. Palpak ako kapag pagluluto ng ulam ang pag-uusapan. Mahilig lang ako kumain pero hindi naman marunong magluto.

Napansin niya akong nakangisi na palapit sa kinaroroonan niya. Hawak-haw