Chapter 4

CHAPTER 4

Pagtapak ng madaling araw, payapang natutulog si Maya sa kama ni Dave. Habang ang binatang banyaga ay nakahiga lamang sa sahig. Tila naghihintay ito sa isang bituin na bumagsak sa kanya. Nakalaylay na ang katawan ni Maya sa gilid ng kama kaya heto at hindi alam ni Dave kung paano sasaluhin si Maya.

“I should be a gentleman. Paano if she will fall? Masakit sa sahig?” Kinamot ni Dave ang ulo hanggang sa makita niyang bumiling si Maya at unti-unting nahuhulog papunta sa kanya.

“Hmm,” ungol ni Maya at hinatak ang t-shirt ni Dave pagkatapos pinunasan ang basang bibig.

Natunganga si Dave dahil ginamit pampunas ng laway ang kanyang damit. 

“Are are gross,” bulong niya at inayos ang puwesto ni Maya sa tabi niya. Hinimas niya ang buhok nito at muling h*****k sa labi ng dalaga.

“Anong ginagawa ko? Nagnanakaw ng halik sa tulog?”

**

DAGUNDONG na parang kidlat ang boses ng ina ni Maya nang umuwi ito kasama si Dave.  

“Maya! Diyos ko at bakit ka pumatol sa cano? Naging GRO ka na rin ba ha?!”

“Mama, huwag kang maingay. Magaling mag tagalog ‘yan!”

“Wala akong pakialam! Hindi kita tinuruan na ibenta ang katawan para mamingwit ng tisoy!”

“Ma’am, excuse. May I talk for a while?” sabat ni Dave.

“Don’t speak English to me if you can speak Tagalog!” Bulalas ng ina ni Maya.

“Uy Mama, marunong ka rin pala,” malokong sinabi ni Maya kaya kinurot siya ng kanyang ina.

“H****t kang bata ka.”

“Ma’am, I respect your daughter. I met her yesterday not as a GRO but an ordinary lady. Pasensya na po kung ganoon ang tingin niyo sa aming mga banyaga. But I am not here just to make her pregnant. I am here to have a serious relationship with your daughter. Malinis po ang aking loob at konsensya kay Maya.”

“Really? Eh kahapon mo nga lang nakilala. Hijo, ibahin mo kami sa ibang pamilya rito na halos ibenta na ang anak para lamang makaahon sa hirap.”

“No, Ma’am. Hindi iyon ang iniisip ko. Ilang beses na po akong pabalik-balik sa Pilipinas. Kaya heto’t natutuhan ko ang inyong salita at alam kong si Maya na ang dahilan to stay in your country.”

Nagkatinginan ang mag-ina at para bang may paru-paro na lumilipad sa sikmura ni Maya. Pasimple siyang gumilid at ngumiti.

“Anong nginingiti-ngiti mo r’yan?” singhal ng kanyang ina.

“Aray ma, hindi naman ako ngumiti.”

“I will court your daughter formally.”

“Formal? Eh hindi mo nga inuwi kagabi!”

“M,  kasi nga po may Pulis. Nagkagulo na naman sa sea side kasi nga may mga banyaga at ilang pinay ang nagtutulak. Kamuntik lang po kaming madamay. Kaya pinatuloy niya ako,” saad ni Maya.

“Wala kang ginawang masama sa anak ko ha?!” Pananakot ng kanyang ina kay Dave habang hawak ang hanger.

Itinaas ni Dave ang dalawang kamay at umatras. “Wala po, I behaved and I will wait for her.”

“Sige sandali tisoy, kakausapin ko lang ang anak ko.”

Hinablot ni Aling Pipay ang kamay ni Maya papasok sa maliit nilang kwarto. 

“Umamin ka Maya… ginayuma mo ba iyan? Bakit mukhang na adik sa iyo?”

“Ma naman! Wala naman akong ginawa!”

“Papayagan kitang magpaligaw, pero huwag na huwag mong isuko ang Bataan kung ayaw mong tapalan ko ng sili iyan!” Pananakot ng kanyang ina.

“Opo ma.”

“Makinig ka sa akin anak. Nakikita mo naman ang naging buhay ng ibang kababayan natin. Binuntis lang pagkatapos iniwan din ng banyaga. Alam mong maraming bansa ang pinupuntahan nila. Hindi ka rin sigurado na single iyan o baka may nabuntis din sa ibang bansa. Paalala ko lang na mahirap na ang buhay natin. Ayoko naman na magkamali ka pa.”

“Opo ma. Iingatan ko po ang sarili ko.”

“Kilalanin mong maigi ha?”

“Opo. Ma, isasama ko siya sa pedicab. Gusto raw niyang ma-experience.”

Tumawa ang kanyang ina at kinurot ang tagiliran ni Maya. “Dalaga ka na talaga anak. Pasensya ka na at hindi kita mapag-aral ng tuloy-tuloy.”

“Okay lang ma, makakapag-aral po ako sa tamang panahon.”

Sa paglabas ng kanilang tahanan. Lakas loob na hinawakan ni Dave ang kamay ni Maya habang sila’y naglalakad. Napayuko na lamang si Maya nang marinig ang ilang bulungan ng mga tambay sa kalye.

“Sus, taas ng tingin sa sarili ni Dang Pipay, tingnan mo naman ang sinapit ng anak. Pumatol din sa cano para umahon sa hirap.”

“Sigurado sumalubong iyang si Maya sa mga cano para makabayad na ng utang.”

“Ano pa ba? Katawan naman ang kailangan para makapagbayad no!”

Kinagat ni Maya ang ibabang labi at nahihiyang tumingin sa kalsada dahil dinig din ni Dave ang malakas na sinasabi ng ibang tao sa kanila.

Puno ng utang ang kanyang magulang  dahil sa sobrang hirap ng buhay nila. Gustong bitawan ni Maya ang kamay ni Dave pero mas hinigpitan nito ang pagkakahawak sa kanya. 

“Heads up.”

“Ha?”

“Taas noo.”

“Dalian na natin maglakad.”

“Bakit ka nakayuko? Hindi mo kailangan mahiya.”

“Halika na Dave.”

Hanggang sa pagdating nila ng palengke, walang pinagbago ang reaksyon ng mga taong nakakakilala kay Maya. Patuloy na hinuhusgahan ang kanyang magulang dahil palaging pinagmamalaki ng kanyang ina na hindi siya kailanman kakapit sa banyaga para lamang makaahon sa hirap. Pero ngayon na parang baliktad na ang lahat ng sinasabi ng kanyang ina.

“Magkano kaya nito nabili si Maya? Noon naman inaya ko si Maya pero pakipot! Baka gusto nga ng dolyar at malaking p*********i,” saad ng isang lalaki.

Biglang tumigil si Dave sa pagbubuhat at binagsak ang banyera ng isda.

“Dave, huwag kang papatol,” pagpigil ni Maya.

“Do you think I will not get mad to these stupid guys around you? From the moment I stepped inside your house ito ang paulit-ulit kong naririnig.”

“Dave, huwag mo silang pag-aksayahan ng panahon. Kapag pinatulan mo sila, baka hindi ka na makabalik ng Pilipinas.”

“Pero binabatos ka nila.”

“Tulad ng sinabi ko sa’yo. Iyan ang tingin nila sa mga babaeng pumapatol sa mga katulad niyo. Kahit hindi sa pamamaraan na pagiging pokok mo ako nakilala, ganoon at ganoon pa rin ang tingin nila sa akin.”

“Do I need to stop on courting you para hindi ka nila gantuhin?”

“Halika na,” ibang sagot ni Maya at hinawakan ang kamay ni Dave. Pilit siyang ngumiti at itinago ang namumuong luha sa mga mata.

Kahit may tapang sa pagkatao ni Maya, hindi pa rin niya maiwasan na masaktan habang naririnig ang mga panghuhusga tungkol sa kanyang pagkatao.  Lalo na sa kanyang magulang.

Patuloy na tinulungan ni Dave si Maya kahit wala pa rin tigil ang mga sinasabi ng ibang tao sa dalaga.

“Dave! Dave!” Tawag ni Fred.

Natigil si Maya nang makita ang kaibigan ni Dave na kanilang suki.

“Oh my gosh! Maya!” Bulalas ni Fred.

“Naku, suki! Magkaibigan pala kayo ni Dave.”

“Teka, Dave and Maya? Kailan pa kayo nagkakilala?” tanong ni Fred. Hindi kumibo si Dave at halatang wala ito sa tamang timpla. 

“Suki, kaibigan mo pala si Dave. Kahapon lang," sabat ni Maya.

“Ah! Ikaw ang sinasabi niyang babae na tumama sa puso niyang bato!” malokong sinabi ni Fred.

“Shut the fuck up, Fred kung ayaw mong ipakain ko sa’yo ng fresh ang tilapia.”

Mas lalong pumukaw sa atensyon ng mga tsismosa si Maya dahil dalawang banyaga ang kanyang kasama. Lalong mas dumami pa ang lumapit nang makita ng ibang US Navy si Dave na nagtitinda kasama si Maya.

Pagod na pagod si Maya kakasukli sa mga kaibigan ni Dave lalong sumasakit na rin ang ulo niya kaka-ingles.

“Ang sakit pala sa bungo ng mga ito? Paano pa kung ikakasal ako kay Dave? Paano ang magulang niya? Baka hindi na kami magkaintindihan at maging pipi na ako,” bulong ni Maya habang nakikingiti. Bukod sa hindi na niya maintindihan ang sobrang bilis na pananalita ng mga banyaga.

“She’s your girlfriend, Dave?” tanong ng isang banyaga.

“My wife.”

Napatingala si Maya at bumilog ang mga mata. Nagkatinginan din silang dalawa ni Fred na humahalakhak. “You are damn fast bro. Look at her eyes, she was amazed!” Saad ni Fred.

“It’s true. I will marry my Maya.”

Nagkantyawan pa ang mga Navy kaya mas lalong naintriga ang mga tao kay Maya.

“Baka ginayuma ni Maya,” saad ng isang tindera.

Narinig ito ng dalaga kaya nawala ang ngiti sa kanyang labi. Napansin din ito ni Dave kaya hinawakan niya ang kamay ni Maya kahit puno ito ng dugo mula sa pinaghasaan ng mga isda.

“I will marry you, Maya Gray.”