Kabanata 60

Magkahawak-kamay na pumasok sa sariling tahanan sina Alona at Karlos. Medyo naninibago pa rin si Alona dahil hindi pa niya gaanong kabisado ang bagong pinatayo nilang mansyon. Sa laki at lawak nito ay puwedeng magkasya ang limang pamilya, ngunit dahil silang dalawa lamang ang nakatira roon ay maituturing iyon na parang palasyo sa kanila.

May ilan din silang kasambahay at mga taga-pagbantay. May ilan ding mamahaling kagamitan sa buong sulok ng bahay nila, na kung saan yung iba ay niregalo sa kanilang kasal at nagmula pa sa iba't-ibang bansa. Halos nasa kanilang dalawa na nga ang lahat at tangging mga batang maiingay na nga lamang ang kulang doon upang maituring silang isang pamilya.

Binati rin naman sila kaagad ng mga katulong doon at hardinero, habang nakahalera sila at animoy inaabangan talaga ang kanilang pagdating.

"Maligayang pagdating po, Ma'am Alona at Sir Karlos. Nagagalak po kaming pagsilbihan kayo at congratulations po pala sa inyong dalawa." Ani ni ma