Chapter 15

Eana Beatrix

“HUWAG!”

Mabilis akong napabalikwas ng bangon at isinagaw iyon. Ipinalibot ko ang tingin sa buong silid at nang mapagtanto na nasa sarili akong silid ay nakahinga ako ng maluwag.

Nagising ako sa isang masamang panaginip. Tatlong taon na rin ang nakararaan ng huli akong managinip tungkol doon. Ngunit bakit biglaan naman yata ang pagpasok no’n sa panaginip ko?

Napahilamos ako ng kamay sa aking mukha, nagawi ang tingin ko sa orasan na nasa maliit na divider. Nakita kong alas-singko na ng umaga, sigurado ako na hindi na rin naman ako makakabalik ng tulog kaya napagpasyahan kong bumangon na.

Umibis ako sa aking silid at dumiretso sa kusina, nagmumog ako ng tubig na may asin pagkatapos ay nagpakulo ako ng tubig. Habang hinihintay ay naupo ako sa isang upuan na nasa aming hapag.

Muling nanumbalik ang napanaginipan ko kanina. Hindi ko makalimutan ang araw na ‘yon, nasa panaginip ko siya pero pakiramdam ko ay aktwal