Chapter 31

Eana Beatrix

Ilang araw na ang lumipas nang sinadya ako ni Lorena Cortes upang makausap ako at humingi sa akin ng tawad. Nang makauwi kami noong araw na iyon ay agad kong kinausap si Mama.

“Bakit sa akin mo po pinapunta si Lorena?”

“Tama lamang iyon, anak. Dahil ikaw mismo ang naapektuhan nang iwan tayo ng Papa mo.”

“Ma, hindi po ba kayo ang mas nasaktan? Buntis ka pa po sa akin noong umalis si Papa, pero ako po ang pinakausap mo kay Lorena.”

“Oo nga at nasaktan ako, anak. Pero mas mahalaga ang nararamdaman mo kaysa sa akin. Lumaki ka nang wala ang ama mo, tumatak sa isip mo na ayaw ka niya kaya siya umalis…. Kung napatawad mo na siya ay ganoon na rin ako.”

Matapos kong marinig iyon sa kaniya ay gumaan na ang loob ko. Talagang ang swerte ko at namin nila kuya dahil wala siyang ibang kagustuhan at iniisip kundi ang kapakanan namin.

Isa pa sa gumugulo sa akin sina Lucy at Kuya Arthur. Hanggang ngayon ay walang nasa