Episode 6: Forced Marriage (Benjamin)

Habang nagkakagulo ang lahat sa preparasyon ng kasal kuno nila ng matabang babae, malikot naman ang kanyang mga mata sa pagtingin sa mga taong nakakasalamuha hanggang humantong ito sa isang lalaking bukod-tangi ang suot sa lahat. Nakasuot lamang ito ng t-shirt at short. Hindi niya maintindihan ang kasuotan ng mga taong nakapaligid sa kanya. Para lang itong malong na may disenyo at itinapis sa katawan ng mga ito at ang mga lalaki naman, sa beywang naman ng mga ito nakabalabal ang suot. Nang magtama ang paningin nila ng lalaking nakasuot lamang ng short at green t-shirt, halos magmakaawa ang expression ng mukha niya. Sana ma-feel nito kung gaano niya ka-need ang tulong nito. Kahit pa against sa loob niya ang pagpapakasal, nangako siyang papanagutan niya si Maria para sa ikakatahimik ng lahat. Kailangan lamang niyang gumawa ng paraan na makaalis sa lugar na ito at kung magtagumpay siya mamaya, kakalimutan niyang naging tanga siya panandalian.

"Ikaw lalaki, tinatanggap mo ba si Maria sa