Kabanata 14

Hinampas ni Josiah ang sarili niyang hita, ngayon lang niya napagtanto na naghukay siya ng sarili niyang libingan.

“B-Bro… Fredric, kailangan mo akong tulungan!” Napangiwi si Josiah. “Wala akong balak na agawin ang asawa ni Z! Tsaka, hindi ko tipo yung mga inosente at mahinhin na babae na gaya ni Cordelia! May maluwag sigurong turnilyo sa utak ni Z kaya nagustuhan niya yung ganung tipo ng babae…”

Uminom si Fredric ng tsaa ng may misteryosong ngiti. Oo nga, hindi niya inasahan na ang malamig, at brutal na third heir ng mga Hamerton, na umiiwas sa mga babae, ay hindi lang basta naging si Marcus Grist kundi pinoprotektahan pa niya ang isang babae na gaya ni Cordelia Jenner.

"Hindi ba't sinabi ni Z na wala siyang pakialam sa kasal? Ginagamit niya lang 'yun para itago ang pagkatao niya…"

"At naniwala ka naman sa sinabi niya?" Inirapan ni Fredric si Josiah. "Hintayin mo lang. Sa tingin ko hindi ganun kasimple ang mga bagay tungkol kay Cordelia. Heh, walang nakakaalam kung gugustuhin pa ba ni Z na bumalik sa Centrolis pagdating ng araw!"

…

Pagkatapos ng tanghalian, umalis si Marcus, nagpaalam siya kay Cordelia na aalis siya.

Maliit lang ang nayon. Bago dumating si Cordelia, laging umaakyat si Marcus sa burol sa may daan ng nayon. Kaunti lang ang mga tao doon at sariwa ang hangin, kaya maganda ang lugar na ito para makapag-isa siya.

Madalas siyang pumupunta dito upang pagplanuhan ng maigi ang hinaharap.

Subalit, ngayong araw, hindi mapakali ang isip niya. Paulit-ulit na umaalingawngaw sa mga tainga niya ang mga sinabi ni Yelena sa phone.

Huminga ng malalim si Marcus at nagdesisyon siyang umakyat sa tuktok ng burol nang biglang tumawag sa kanya mula sa likod. "Hoy, Marcus!"

Isang lalaki ang kumaway sa kanya habang tumatakbo siya paakyat sa burol.

Huminto si Marcus at bahagyang sumimangot.

"Nakita kita mula sa baba! Hindi ko inasahan na mabilis ka palang maglakad. Kinailangan kong tumakbo para maabutan kita!

"Oo nga pala, magaling ka na ba? Gusto mo bang ikuha kita ng mga gamot?"

Tumango si Marcus, sumagot siya ng walang gaanong emosyon, "Salamat, magaling na ako. Salamat sa tulong mo."

"Magkaibigan tayo. Ayos lang 'yun!"

Tinapik ng lalaki ang balikat ni Marcus, at magkasama silang umakyat sa burol.

Yung totoo, malaki ang utang na loob ni Marcus sa lalaki. Seth Stafford ang pangalan niya, at nagmula siya sa isang disenteng pamilya, isa sa iilang pamilya na mayaman sa nayon.

Si Seth din ang tanging university student sa nayon, at graduate siya ng med school. Noong taon na bumalik siya pagkatapos niyang grumaduate, nakilala niya si Marcus, na ginagamot ang kanyang mga sugat sa bahay. Mabait at masayahin si Seth. Siya lang ang tanging dumadalaw kay Marcus tuwing makalawa, nagbibigay sa kanya ng gamot, noong mga panahon na iniisip ng buong nayon na kakaiba siya at mahirap lapitan.

Nakaramdam ng kaunting kasiyahan si Marcus dahil sa hindi inaasahan na pagkakaibigan nila noong mga panahong iyon… ngunit di kalaunan ay naging problema ito para sa kanya.

Walang nakakaalam kung paano nalaman ni Seth ang tungkol sa relasyon sa pagitan ng mga Grist at mga Jenner, ngunit pinakalat niya sa lahat ang tungkol sa marriage pact sa pagitan ng dalawang pamilya. Naghihintay ang buong Jangasas upang tawanan ang mga Jenner. Kapag tumanggi sila na ipakasal ang anak nila dahil lang bumagsak na ang mga Grist, magiging isa nanaman ‘tong mainit na chismis sa business field at ang mga Jenner ang magiging pangunahing halimbawa ng isang pamilya na walang kredibilidad.

Dahil dito, napilitan ang mga Jenner na ipakasal si Cordelia kay Marcus kapalit ni Yelena.

“Oo nga pala, hindi pa kita natanong tungkol sa buhay ng bagong kasal!” Ngumiti ng masaya si Seth habang tinitingnan niya si Marcus. “Mukhang masigla ka ah. Alagang-alaga ka ng asawa mo, huh?

“Oo nga pala, ako ang wingman mo. Kailan mo ako ipapakilala sa kanya?”

Sinubukang ngumiti ni Marcus sa kabila ng inis niya, at mukhang pilit na pilit ito.

Noong dumating siya sa nayon na ito upang gamutin ang mga sugat niya, kinuha lamang niya ang pagkatao ni Marcus pagkatapos niyang malaman na wala na ang mga Grist at si Marcus Grist, base sa kanyang ID, ay kamukhang-kamukha niya.

Tinago niya ang tunay niyang pagkatao upang maihanda niya ang sarili niya at ang plano niya. Wala sa plano niya ang magpakasal!

Medyo mahirap pigilan si Seth kapag masyado siyang naging palakaibigan…

“Tama, ang dinig ko mabilis uminit yung ulo ng tagapagmana ng mga Jenner?” Ang tanong ni Seth, tumingin siya kay Marcus ng may pag-aalala. “Hah, kung sabagay, lumaki siya na nakukuha niya ang lahat ng gusto niya. Hindi na nakapagtataka na medyo mainitin ang ulo niya. Huminahon ka lang. Huwag mong subukan na labanan ang isang babae!”

“Mm, sige.” Ang sagot ni Marcus.

Kahit na hindi niya inaasahan ang kasal, nagpapasalamat siya na hindi ang tagapagmana ng mga Jenner ang pinakasalan niya. Kung si Yelena Jenner ang pinakasalan niya, baka sinakal na niya si Seth.

Dahil matagal na hindi nagkita ang dalawang lalaki, inimbitahan ni Seth si Marcus na uminom sa bahay niya. Noong nag-iisip si Marcus ng dahilan upang tanggihan ang imbitasyon ni Seth, may ilang matandang babae na tumakbo paakyat sa burol.

“Diyos ko, Marcus, nandito ka? Dalian mong umuwi!”

“Kung hindi may mangyayaring masama sa asawa mo!”

Ang magchismisan ang paboritong gawain ng mga matatandang babae sa nayon.

“Gah, masyadong maganda ang asawa mo. Naakit sa kanya ang mga lalaki sa isang tingin lang. Tapos may gana ka pang magpagala-gala sa burol na ‘to? Hindi maganda ang mangyayari kapag hindi ka nakabalik agad!”

Naalarma si Marcus at nagmadali siyang umuwi.