8: WHERE IT STARTS

Pagkarating naman namin sa bahay ay agad kaming inalalayan ni Yaya Melda at dinala si Cael sa kanyang kuwarto. Nahulog pa nga ang phone ko dahil nakalimutan ko palang isara ang sling bag ko, laking tang* ko rin talaga.

Bago pa man kami makarating sa kuwarto ni Cael ay parehas pa kami ni David na sinukahan nito. Amoy suka pa nga tuloy ang damit ko. Pinaalis naman agad ako ni Yaya Melda nang makita niyang may suka ang damit ko at sinabihan akong maligo at magbihis agad baka pa raw ay dumikit ang amoy sa katawan ko.

Sinabihan ko naman siyang tulungan si David sa pag aasikaso kay Cael habang ako ay maliligo. Pagkatapos kong maligo't magbihis ay agad akong tumungo sa kuwarto ni Cael at nakita ko si David na pinupunasan ang katawan ni Cael. Kinausap ko naman si David na magbihis muna bago umalis ngunit nagpupumilit itong huwag na raw at uuwi nalang agad.

Wala naman akong magawa kung kaya't hinayaan ko siyang gamitin niya ang sasakyan ni Cael para makauwi rin siya agad. Umakyat na ako sa