CHAPTER 5

“Finally, Herald already told you.”

Sandaling naputol si Camilla sa pagkatitig niya sa kaniyang sarili sa isang full-length mirror. Tumama ang paningin niya sa bagong pasok na ngayon ay nakangiti sa kaniya. Puno ng pagkamangha ang mga mata nito habang sinusuyod ang kabuoan niya. Camilla looked stunning in an elegant red dress that perfectly complemented her mestiza features.

“By the way, you’re so beautiful! I can see why Herald might think that way about you. First of all, you’re not exactly beautiful, but you do have a lot going for you as a woman.”

Lumapit sa kaniya si Hera Celestine at ipinatong ang mga kamay nito sa balikat ni Camilla. Tinitigan siya nito sa kaniyang repleksyon sa salamin. Humarap si Camilla nang may pagtataka.

“Alam mo?” hindi niya mapigilang itanong.

Bahagyang napabuntong-hininga si Celestine.

“Yeah. And I’d like to apologize for my silence on this matter. I didn’t want to speak for my twin. He’s the one who should tell you the truth. To be honest, we were unaware of his marriage. It wasn’t until our parents started making arrangements for his wedding to the daughter of the Flores family, Jasmine—a well-known model and endorser—that we found out.

Hindi nga rin niya sasabihin sana sa akin kung hindi ko siya pinilit kung sino ang babae. You know what, unang kita ko pa lang sa ’yo, gusto na kita. Hindi ko lang nagustuhan iyong pinalabas niya na kabit ka. Tsk! Herald is really Herald. Napakaduwag.”

Tumawa si Celestine sa huli niyang sinabi, na alanganing ikinangiti ni Camilla.

Hindi niya alam kung sasaluhan niya sa pagtawa si Celestine. Nag-aalangan pa rin si Camilla sa tunay niyang nararamdaman. May agwat pa ring dapat niyang talunin para masabing matutuwa siya sa nangyayari at maging masaya.

Sa kabilang banda, marami pa siyang katanungan—katulad ng kung ano ang naging reaksiyon ng mga magulang nito nang malaman na may asawa ang kakambal niya, lalo na’t nagplano na ang mga ito ng arranged marriage kina Herald at Jasmine. Hindi ba magiging komplikado ang lahat, higit na wala naman siyang maipagmamalaki sa pamilya ng lalaki? Gusto niyang itanong, pero hindi kay Hera.

Pareho silang napatingin sa pintuan nang bumukas ito at iniluwa si Herald. May pagtatakang tinitigan nito ang kakambal na si Hera.

“Ano naman ang sinabi mo sa kaniya?” kunot-noong tanong ni Herald kasabay ng pagsara nito ng pinto.

“Well… marami. Lahat ng kaduwagan mo.”

Kinindatan siya ni Hera Celestine nang sabihin iyon sa kakambal. Minsan, natutuwa rin siya sa paraan kung paano asarin ng dalawa ang isa’t isa.

“Keep your mouth shut if you don’t want Mom and Dad to know about your asshole boyfriend.”

“Kuya naman!” pagnguso ni Celestine. “Makalabas na nga. Bye, Camilla!”

Kumaway ito sa kaniya, na tinugunan din naman niya.

“Sorry about my sibling—she is a bit talkative.”

Tipid na ngumiti si Camilla. “Mas gusto ko ang madaldal kaysa sa maraming tinatago,” aniya, may bahagyang ngiti sa mga labi.

Napatikhim si Herald, dahil malinaw sa kaniya ang ibig sabihin niyon ni Camilla—ang pagiging tapat sa sarili. Pero, hindi niya naging tapat kay Camilla nang una palang.

“By the way, are you ready?” tanong ni Herald kay Camilla. Napansin niya ang bahagyang pagbabago sa ekspresyon ng mukha nito, kaya maingat niyang hinawakan ang mga kamay ni Camilla. “Whatever happens, just hold my hand. Hindi na kita bibitawan, Camilla. Trust me… I will give you my whole world.”

Tinitigan ni Camilla ang kanilang magkahawak na mga kamay at itinaas ang tingin kay Herald. Tumango siya—isang tangong hindi lang pagsang-ayon kundi buong pusong pagtitiwala at pagsuko sa kaniya.

Ang gabing iyon ay simula ng isang malaking pagbabago sa buhay ni Camilla. Hindi niya alam kung saan dadalhin siya ng bagong yugto ng kaniyang buhay—ang pagiging Mrs. Fonteverde.

BUMULUSOK sa palakpakan ang bulwagang iyon nang ipakilala si Camilla bilang Mrs. Fonteverde, ang asawa ng kinikilala nilang batang CEO at tagapagmana ng Fonteverde Corporation—si Herald Benedict Fonteverde.

Maraming humanga sa kaniya, ngunit mas marami ang nagulat at hindi makapaniwala, lalo na ang mga nakakakilala sa kaniya. Halos takpan nila ang kanilang mga mukha sa pagkagulat dahil sa multong pinangagawa nila kay Camilla, lahat ng mga panlalait at pang-iinsulto na dati nilang ginawa. May ilan din na natakot, iniisip na baka balang araw paggisning nila ay wala na silang trabaho.

Ang lahat ng mga mahahalagang tao ay isa-isang lumapit sa mag-asawa at binati sila.

"Narito ba ang mga magulang mo?" mahinang tanong ni Camilla kay Herald.

"Nothing. They’re enjoying Spain right now. Don’t worry, I’ll introduce you to them in person when they get back," paniniguro ni Herald kay Camilla.

"Congratulations, Mr. Fonteverde. Your wife is absolutely stunning. Bakit ngayon mo lang siya ipinakilala sa amin?” One of Fonteverde's stakeholders, Mr. Satillan, approached them.

“Thank you, Mr. Satillan.” Pakikipagkamay ni Herald habang iniabot ang kanang kamay sa kaniya. “I apologize, but I respect my wife’s decision. Kaya nga, nakiusap na ako sa kaniya, dahil marami na rin ang nagnanais siyang makilala,” pagngiti ni Herald kay Camilla.

“And finally, it’s a pleasure to meet you, Mrs. Fonteverde.” Iniabot naman niya ang kamay kay Camilla, at tinanggap naman ito ng magalang.

“It’s a pleasure to meet you too, Mr. Satillan,” pagtanggap ni Camilla.

“May I excuse us, Mr. Satillan?” paalam ni Herald, dahil nais pa niyang ipakilala si Camilla sa iba.

“Sure. Go and enjoy,” tugon ng matanda.

“Mr. Fonteverde.”

Bahagyang nagulat ang mag-asawa nang salubungin sila ng dalawang eleganteng matatanda na pumigil sa kanila bago pa man sila makarating sa gitna ng karamihan.

“Mr. and Mrs. Madden,” gulat na sambit ni Herald. “How was your trip? I’m glad you were able to attend the party. I’d like to introduce you to my wife—Camilla,” masayang pagpapakilala niya kay Camilla sa banyagang mag-asawa.

“Camilla Sarai,” mahinang banggit ng matandang babae nang makita si Camilla. Napansin nina Herald at Camilla na kapwa considersyong tuwang-tuwa ang dalawa, tila sabik na sabik, at may bahid pa ng namumuong luha sa mga mata ng matandang babae.

“Camilla ho—and it’s not Camilla Sarai,” mahinahong pagtutuwid ni Camilla. Ngumiti siya sa dalawang matanda, bagama’t hindi niya maitago ang pagkalito sa kanilang kilos.

“When we saw you on stage earlier, we knew it was you—our granddaughter,” dagdag ng matandang lalaki, na lalong ikinagulat ni Camilla.

Napatingin si Camilla kay Herald, na kapwa rin litong-litong sa narinig.

“I’m sorry, Mr. and Mrs. Madden, but perhaps you need to rest. You seem tired from the trip,” maagap na pagsabat ni Herald upang ilihis ang usapan.

“You look like your father—Alessandro. And the necklace you’re wearing—we know it’s you, Camilla Sarai,” mariing pagpapatuloy ng matandang babae.

Nanlamig ang mga daliri ni Camilla sa pakiramdam na hindi niya mapaliwag at unti-unting napuno ng pagkalito ang kanyang isip. Gusto niyang magsalita, pero hindi niya alam kung ano ang sasabihin. napahigpit siya ng hawak sa kamay ni Herald. Naramdaman naman iyon ni Herald at bahagyang inilapit ang asawa sa kaniya.