SA ‘HEAVEN’, habang pabalik na si warden Torres sa kanyang quarters ay narinig niya ang dalawang inmate na nag-uusap sa kanilang selda.
Ang pinag-uusapan ng dalawa ay ang naganap na away sa pagitan ni inmate-4687 at Uno. At kung gaano kaawa-awa ang itsura ni 4687.“Kasalanan niya naman!” ang sabi ng isang inmate. “Bakit niya kasi sinabihan ng gano’n si Uno?”“Bakit, ano bang problema? Balita ko, dating sundalo ‘yung si Uno, totoo ba?”“Ay, oo naman! Sobrang daming tao ang natulungan no’n.”Na-curious si warden Torres kaya sumandal siya sa pader upang mas lalong makinig sa usapan ng dalawang preso.“E, ano bang nangyari at nakulong siya rito?” ang tanong ng pangalawang inmate.“A’yun! Biglang nabaliw at pinagpapata*y ang kasamahan niyang sundalo.”“Mga ogag!” May isang inmate ang sumabat sa usapan. “Hindi siya nabaliw. At kung ako ang nasa posisiyon no’ng si Uno? Aba’t papatay*n ko rin ‘yung mga sundalong 'yun!"“Bakit, ano ba talagang nangyari? Bakit niya pinat*y ang mga kaibigan niyang sundalo?” Na-curious ang dalawang inmate na kanina’y nag-uusap. At kahit si warden Torres ay gano’n din.“Kasi ni-r*pe nila ang anak ni Uno. At pagkatapos ay pinatay ang kawawang bata. Tinapon sa kung saan ang katawan.”Nabigla si warden Torres sa narinig. Hindi niya alam na ganoon pala ang nangyari kay inmate-2439.“Abay mga gag* pala ‘yung mga rap*st na ‘yun! Bagay lang palang pinat*y ‘yun ni Uno,” ang komento ng naunang inmate.“Tapos anong nangyari?” ang tanong pa ng pangalawang inmate.“Edi, nahuli siya. Tapos nakulong at dinala rito. At ‘yung nangyari kanina? Kung bakit binigay ni Uno ang villa niya kay Boss?” Na ang tinutukoy ay si Marcus. “Nando’n ako no’ng nakiusap si Uno na hanapin ni Marcus ang bangk*y ng anak niya. Bilang kapalit ay ibibigay niya ‘yung villa. Gusto niya lang mahanap ang anak niya at mailibing ng maayos.”“Tapos tinanggap ni Boss? Pwede ba ‘yun?”“Siyempre, hindi. Sa yaman ng mga Lopelion, hindi na niya kailangan ng isa pang property. Pero dahil mapilit si Uno ay hinayaan na lang ni Boss.”“Pero ‘di ba, ampon lang naman siya?”“Sira! E, ano naman? Lopelion pa rin siya! Hindi importante kung ampon siya, hangga’t Lopelion ang apelyido niya’y hawak niya tayo sa leeg.”Umalis sa pagkakasandal sa pader si warden Torres. Sapat na ang kanyang narinig kaya’y babalik na siya sa quarters.MULA SA RESORT ay pumasok naman si Marcus sa isang malaking kuwarto na may dala-dalang bulaklak. Walang kahit na anong kagamitan ang makikita sa loob ng kuwarto maliban sa isang maliit na altar.Kung saan ay may nakalagay na white urn na ang laman ay ang abo ng anak ni Uno. Tulad ng pakiusap nito ay hinanap niya ang bangka*y at binigyan ng maayos na libing. At sa binigay na villa ni Uno niya inilagay ang labi.Matapos ilapag ni Marcus ang bulaklak na paborito nito noong nabubuhay pa ay sunod naman niya itong kinunan ng litrato upang ipadala sa ‘Heaven’.M-in-essage niya si warden Ocampo na ipakita kay Uno ang pinadalang litrato. Pagkatapos ay lumipat naman siya sa isa pang kuwarto upang mas mapag-aralan ng mabuti ang pamilyang Fajardo, pati na rin ang ibang kamag-anak at kahit ang mga malalapit na kaibigan ng pamilya.Sa sobrang focus ni Marcus ay hindi na niya napansin ang oras hanggang sa tumawag na sa kanya si Fausto.“Nakauwi na si Luna at ang sabi niya ay may pinuntahan ka raw? Gusto mo bang magpasundo?”“No need, Sir. I’m on my way now,” ang sagot niya kahit hindi naman totoo ang sinabi ni Luna.Maririnig sa kabilang linya ang pahapyaw na tawa ni Fausto. “G-gano’n ba? Pwede bang sa pag-uwi mo ay bumili ka ng cake? Nalimutan ko kasing magpabili kanina.”“Okay,” ang tipid niyang sagot. Matapos ay nagtungo siya sa garage upang tingnan kung may magagamit ba siyang sasakyan.Isang mercedes benz at isang volkswagen phaeton ang nasa garahe. Pinili niya ang huli na i-maneho at habang hinihintay na ibigay sa kanya ang susi ng kotse ay nagtanong na rin siya kung nasaan ang pinakamalapit na cake-shop.“Maagang nagsasara ang mga shop sa lugar, Sir,” ang sagot ng guard.“Talaga?” At napaisip si Marcus kung bakit siya inutusan ni Fausto kung wala naman na pala siyang mapagbibilhan?“Kung kailangan niyo po ng cake Sir, puwede kayong magpa-bake sa loob. Marunong po ang cook.”“Okay, salamat.” Muling pumasok sa resort si Marcus upang utusan ang cook na igawa siya ng cake. Alam niyang naglalaan ng mahabang oras sa pagbi-bake ng cake kaya siguradong matatagalan siyang makauwi.Mabuti na lamang at nang magtanong siya sa cook ay agad umaliwalas ang mukha nito. Dahil kanina pala ay nakapag-bake na ito ng chiffon cake matapos malaman na kasal niya ngayong araw. “Sandali Sir, at babalutan ko ng icing. Ano nga pala ang gusto niyong design?”“Ikaw na ang bahala.” Naupo si Marcus at pinagmasdan ang cook sa ginagawa. Sa bilis nitong kumilos ay halatang-halata na alam nito ang ginagawa. Mabilis na nabalutan ng icing ang buong chiffon at wala pa atang kalahating oras ay tapos na nito ang cake.Muling nagpasalamat si Marcus bago umalis. Pasakay na siya sa kotse nang may mahagip ng paningin.Ang assistant ng babaeng pulis. “Ang liit talaga ng mundo,” aniya pa bago tuluyang nilisan ang lugar.Ang hindi niya alam ay nakita rin siya ni Scarlette mula sa malayo na sumakay ng kotse. At matapos makalayo ng sasakyan ay lumapit siya kay Kurt. “Napansin mo ba ‘yun?”“Ang alin?”“Si warden Lopelion. Nakita ko ngayon-ngayon lang na sumakay at umalis gamit ang isa sa sasakyan ng resort.”“Pa’no naman mangyayari ‘yun? Siya ba may-ari nitong resort? ‘Di ba kay Mr. Artemio ‘to?” Saglit na nagkamot sa may sintido. “Baka mali lang ang nakita mo?”“Pero parang siya talaga ang nakita ko?""Naku, Captain. Iba na ‘yan. Baka crush mo—” Mabilis na umilag si Kurt nang akmang susuntukin siya ni Scarlette. “Biro lang!” At saka tumakbo palayo.SA PAGDATING ni Marcus sa mansion ng Fajardo ay nabigla pa si Fausto nang makitang nakauwi na siya dala ang inutos nitong cake.“S-sa’n ka nakahanap ng cake?” tila kabado nitong tanong.At tama nga ang hinala ni Marcus na sinadya nito ang lahat. Ngunit hindi niya pa alam ang dahilan hanggang sa may dumating na bisita.Isang middle-aged man na sa tingin ni Marcus ay hindi basta-basta. Mula sa tindig nitong mapustura hanggang sa kasuotan nitong mamahalin ay nasisigurado niya na isang special na bisita ang dumating.Agad na lumapit si Fausto rito na may ngiti sa labi. “Amigo~” Saka ito niyakap nang mahigpit.Maririnig ang malulutong nilang tawa na animo’y sila lamang ang naroroon. At ilang sandali pa ay dumating naman si Liliane na agad siyang inutusan na umakyat sa itaas.Sunod naman na dumating si Luna na agad siyang nilapitan. “Umakyat ka na sa taas at magbihis ng mas maayos na damit. O, ‘wag ka na lang kayang bumaba?” bulong lamang ang pagkakasabi ni Luna ngunit klarong-klaro pa rin ang tapang sa tono ng boses nito.Pigil ni Marcus ang mapabuntong-hininga at sinunod na lamang ang utos ng mag-ina hanggang sa mapansin siya ng bisita. At dahil hindi naman siya bastos na tao ay bumalik siya at nagpakilala, “Ako nga pala si Marcus Lopelion.”“L-lopelion?” Ang gulat na may halong pagkamanghang reaksyon ng bisita.Matapos ay nagpakilala naman ito bilang si Leonardo Apostol. “Kung hindi ako nagkakamali ay apo ka ni Timoteo Lopelion?”Tumango si Marcus sa kabila ng kakaibang tingin ng pamilyang Fajardo sa kanya.“Ah, hindi siya ang apo ni Timoteo,” ang sabat ni Liliane.Si Fausto naman ay tiningnan ang asawa na may pagbabanta. “S-siya ang isa pang apo ni Timoteo, na adopted ni Maximo Lopelion.”Hindi nagpakita ng kakaibang reaksyon si Leonardo kaya hindi matukoy ni Marcus kung tulad rin ba ito ng mga Fajardo na mapanghamak sa kapwa. “Alam mo bang minsan kong nakita ang iyong Lolo sa auction na aking napuntahan?” pag-iiba ng usapan ni Leonardo.Sinabayan naman ito ni Marcus hanggang sa magtungo sila sa dining area. “Sa katunayan ay may kaibigan akong nagbigay rin ng wine sa ‘kin.” Tapos ay tumingin kay Fausto upang ilabas ang tinutukoy na wine.Agad na pinag-utos ni Fausto sa mayordoma na dalhin ang wine na tinutukoy ni Marcus. Ngunit ubos na ang isang bote habang ang isa naman ay nangangalahati na, na ginamit sa pagluluto ng cook.Pahapyaw na natawa si Liliane. “Mukhang nagkamali ata ng ginamit na wine ang cook namin,” aniya kahit kitang-kita sa itsura ang kaba dahil siya mismo ang nag-utos na gamitin sa pagluluto ang dalawang wine. Hindi naman niya akalaing totoo pala ang naturang wine na dala ni Marcus. At nang malaman ang halaga ay halos lumuwa ang mata niya. Nanghihinayang sa nasayang na wine. Kung nagkataon na alam niya lang ang halaga ng mga ito ay ipinagyabang na sana niya ito sa kanyang mga amiga.Samantalang si Fausto ay dali-dali na lamang inutusan ang mayordoma na magdala ng ibang wine. Ngunit nais ni Leonardo na makita ang tinutukoy ni Marcus na wine at matikman ito.Walang nagawa si Fausto kundi ibigay ang nais ng kaibigan. Habang si Liliane at Luna naman ay nagtungo sa kitchen upang itago ang pagkapahiya sa bisita.“Sinong mag-aakalang may kakayahan pala ang ampon na ‘yun na magdala ng mamahaling wine?” ang pahayag ni Liliane. “O, baka ay ninakaw niya lang ‘yun sa koleksyon ng matandang Lopelion? Kita mo ngang kasal niyo ngayong araw pero ni isa sa pamilya niya ay wala man lang dumating.”Ang cook naman na napagbintangan ay naririnig sa isang tabi ang sinasabi ni Liliane. Masama ang loob dahil sa nangyari ngunit dahil wala siyang boses at hamak na taga-luto ng pamilya ay kailangan niyang akuin ang pagkakamali ng amo. “At sino naman kayo para harapin ng mga Lopelion?" ang inis na bulong ng cook bago tuluyang umalis.Ang mag-ina naman na walang kamalay-malay na pinagsasalitaan na sila ng masama ng cook ay patuloy pa rin na nag-uusap, “Totoo ba ‘yang sinasabi mo?” ang tanong ni Liliane sa anak.Tumango si Luna. “Kay Spencer ko nabalitaan na pinalayas si Marcus ng ama nito.”“Kaya siguro walang nagpunta na Lopelion kahit na isa man lang sa kasal niyo kanina ay dahil pinalayas na pala ‘yang ampon na ‘yun,” ang konklusyon ni Liliane. “Kakausapin ko si Fausto tungkol dito.”Sa kabilang banda naman ay nagpipigil ng tawa si Marcus matapos marinig ang usapan ng mag-ina sa pamamagitan ng audio surveillance na nilagay niya sa kitchen. Natatawa sa maling balitang pinag-uusapan ng mag-ina.At iniisip kung sino itong tinutukoy nilang Spencer na nagpapakalat ng maling impormasyon tungkol sa kanya?MATAPOS ang dinner sa mansion ng Fajardo ay nag-usap pa nang matagal si Fausto at Leonardo, kasama si Liliane.Si Marcus naman ay umakyat sa taas patungo sa kwarto upang palihim na makinig sa usapan ng tatlo. Inaya naman siya ni Leonardo na sumama sa mga ito at makipagkwentuhan ngunit hindi na lamang siya sumalo nang tingnan siya ng masama ni Liliane.Una niyang madadaanan ang kwarto ni Luna na saktong bumukas ang pinto. Bahagya itong natigilan nang makita siya at pagkatapos ay mabilis na sinara ang pinto at humarang pa sa hamba. “I won’t allow you to enter my room.”“Bakit?”“What? Anong bakit? Do you expect me to invite you inside just because you’re my husband?"“That’s not what I mean. Alam ko namang off-limits ako, kahit pa kasal na tayo. I ask, kasi bakit mo naisip na I will go to your room… if I have my own?” Sabay turo sa guest room na noong umpisa pa lang ay kwarto na niya. “Dadaan lang naman ako.”“Oh, really? Do you expect me to believe that? First night ng kasal natin ngay
NANATILING may ngiti sa labi si Spencer habang nakatingin kay Marcus. Iniisip na kaya wala itong reaksyon ay dahil kinakabahan na ito nang maghamon siya ng laban.Ngunit ang totoo ay hindi lang makuha ni Marcus ang dahilan kung bakit ito naghahamon na makipag-fencing sa isang club, kung saan ay may party at maraming tao na posibleng madamay.Walang duda na may alam si Spencer sa fencing dahil hindi naman ito maghahamon kung hindi nito kayang iyabang ang kakayahan, pero hanggang maaari'y ayaw ng pumatol ni Marcus.“Pasensya na pero ayoko,” ang tipid niyang sagot na ikinalawak ng ngiti ni Spencer sa puntong nagpipigil pa ito ng tawa.Si Luna naman na nalilito at hindi alam ang gagawin ay lumapit kay Spencer. “Spencer, please stop this nonsense. ‘Wag mo namang gawin ‘to,” pakiusap niya.Ang kaninang naaaliw na eskpresyon ni Spencer ay bigla na lang sumeryoso at naging iritado. “Bakit, Luna? Concern ka ba rito sa manliligaw mo? Natatakot ka na magmukhang kawawa once na matalo ko?”“That’s
ABALA si Marcus sa pag-aayos ng isa sa mga surveillance camera at audio na itinago niya sa library room sa mansion nang dumating si Fausto.Agad siyang kumuha ng isang libro at nagkunwaring nagbabasa nang lumapit ito sa kanya.“Narito ka pala,” ang komento nito. “Interesado ka ba sa pagninegosyo?” aniya nang mapansin ang hawak nitong libro.Sinara ni Marcus ang libro at saka tiningnan ang pamagat. “Hindi naman masiyado,” aniya habang nasa surveillance camera ang atensyon dahil hindi pa naitatago nang maayos.Mabuti na lamang at sa kanya nakaharap si Fausto kaya hindi pa ito napapansin.“Sabagay, magaling na businessman ang Lolo mo, kaya nasisiguro kong may interes ka rin sa pagninegosyo.” Tumalikod si Fausto kaya mabilis niyang sinamantala ang pagkakataon na matakpan ang surveillance camera sa pamamagitan ng hawak na libro.At pagkatapos ay sumunod siya sa may study area. Pinindot ni Fausto ang maliit na buzzer sa may table matapos itong umupo sa swivel chair at ilang sandali pa ay kum
Chapter 8 ILANG SEGUNDONG nagkatitigan si Marcus at Scarlette. At ramdam ni Kurt ang namumuong tensyon sa dalawa. Kaya bago pa magkainitan ay humarang na siya sa gitna at pinigilan si Scarlette. “Captain, ba’t ka naman nagtatanong ng ganyan sa kanya?” aniya at saka bumulong, “Pinagmumukha mo naman siyang suspek.” Matalim na tingin ang pinukol ni Scarlette bago ito hinawi para muling harapin si Marcus. “Uulitin ko, nasa’n ka no’ng—” “Nasa bahay ng in-law’s ko, nagdi-dinner.” “Talaga?” Muling pinigilan ni Kurt si Scarlette dahil nakakakuha na sila ng atensyon ng iba. At kahit nga ang mga kasamahan na warden nito ay nagbubulungan na. “Walang dahilan para magsinungaling ako. Kaya kung tapos ka ng magtanong ay mauuna na ‘ko.” Nagpatuloy si Marcus upang samahan na ang kapwa warden na naghihintay. “Sino ‘yun? Girlfriend mo?” tanong ng isang warden na kanina’y nililibak siya. “Hindi, kakilala ko lang,” tipid niyang sagot at saka nauna upang maiwasan ang kung ano-anong mga tanong. Si S
PAUWI na mula sa trabaho si Marcus ng isang tawag mula kay Fausto ang kanyang natanggap.Una niyang narinig ang hiyaw mula sa kabilang linya kasunod ang boses ni Fausto. “Nasa’n ka ngayon?”“Pauwi na, bakit ho?”May kaingayan sa kabilang linya at rinig na rinig ang hikbi ng kung sino mang kasama ni Fausto. “Pumunta ka muna rito sa police station," ang utos nito saka tinapos ang tawag.Hindi man lang nagawang makapagtanong ni Marcus kung anong nangyari at kailangan niyang pumunta sa police station. Magkagano'n man ay mabilis pa rin siyang nagtungo ro'n.Pagkarating sa estasyon ay natigilan siya nang makita si Luna sa loob ng selda. Nakaupo’t umiiyak tulad ni Liliane na humihikbi habang nakatingin sa anak.Agad na lumapit si Fausto sa kanya upang humingi ng tulong o kung may magagawa ba siya upang mailabas agad si Luna. Matapos ay lumapit siya sa asawa upang kausapin ito, “Anong nangyari?” tanong ni Marcus.Hindi sumagot si Luna. Nakatungo lang ito at ayaw man lang siyang tingnan.“Sabih
KAHIT AKAY-AKAY na ng mga pulis ay pilit pa ring nagpupumiglas at nagdadahilan si Spencer. Nariyang nag-iingay siya upang makatawag pansin sa ibang tao dahil kilala siya sa lugar. Mabilis na kakalat ang balita na narito siya sa police station at inaasahang darating agad ang kanyang pamilya upang tulungan siya.Dalawang pulis ang nakahawak sa magkabila niyang braso at may dalawa pang nakabantay sa likod upang hindi niya magawang makatakas.Ipinasok at iniwan siya sa interrogation room upang imbestigahan. “Baka pwedeng tanggalin mo naman ‘to?” aniya sa pulis na nagpaiwan upang magbantay, ngunit hindi siya nito pinansin na ikinainis niya. “Hindi mo ba ‘ko naririnig?!”Walang epekto at nanatiling nakatayo ang pulis hanggang sa pumasok si Scarlette kasama ang isang pang pulis.Tila naman nabuhayan si Spencer ng makita ito. Dahil kaibigan ng kanyang pamilya ang nagpakitang pulis. Sigurado na ang tiyak niyang pag-alis sa lugar.Ngunit agad ring nawala ang tuwa sa kanyang mukha nang hindi man
[FEW MINUTES AGO]NAIINIS at kanina pa mainit ang ulo ni Spencer. Paano ba naman ay tatlong araw na ang lumipas ngunit hindi pa rin siya magawang ilabas ng sariling lawyer.At kahit ang mga magulang niya’y hindi na nagpakitang muli simula no’ng huling dalaw ng mga ito. Tila pinabayaan na lang siyang mag-isa dahil sa kahihiyang dulot niya sa pamilya.Nayayamot na siya sa kahihintay sa pangako ng lawyer na mailalabas siya sa kulungan. Puro salita lang ito at kahit nga ang inutos itong ipahuli rin si Marcus ay hindi pa nito nagagawa.“Inutíl!” ang bulong niya nang makitang palapit ang lawyer sa selda na kinalalagyan niya. “Ano na? kailan ba ‘ko makakalabas dito?!”“Masiyadong mabigat—”“Sinasabi mo bang hindi mo ‘ko magagawang ilabas dito? Aba’t, para sa’n pa ang ibinabayad ko sa ‘yo?!” Gigil na gigil siyang nakahawak sa rehas at gusto na itong hablutin sa sobrang galit.“Hoy! Tumahimik ka nga.” Si Scarlette na palapit din sa selda ay agad itong sinaway. “Hindi pa ba nasasabi sa ‘yo ng—”
Chapter 12 MATAPOS makita ang itsura ni Spencer sa picture ay nasisiguro ni Marcus na kilala niya ang pumatáy. “Kilala mo? Sino?” agad nagka-interes si Scarlette. Lumingon naman si Marcus kay Kurt na nasa may hamba ng pinto. Kaya sumunod rin ang tingin ni Scarlette. “Kurt?” “Isara mo’ng pinto,” ang utos ni Marcus. “Hindi pwedeng may makarinig na ibang tao sa sasabihin ko.” Agad kumilos si Kurt at sinara ang pinto. Matapos ay saka sila naupong lahat sa sofa na katapat ang table ng Police Captain. Napaisip si Scarlette kung tatanungin niya bang muli si Marcus tungkol sa killer. Hangga’t maaari kasi’y ayaw niya itong isali sa kaso. Pero aminado siyang malaking tulong ang maibibigay ni Marcus sa oras na sabihin nito kung sino ang suspek. “Chief, ayos lang ba na isali siya sa kaso?” ang pagpapaalam ni Scarlette. Tumango ang Police Captain. “Naipakita ko na sa kanya ang ilang information regarding sa kaso, kaya hindi mo na kailangang magpaalam pa.” Binalik ni Scarlette ang tingin k